ISAYA 49:8 - PIPÏLIA

⁸ Akïlenchï ECHOTYON pikachi, “Kyomölyöngwokwa atanya kitökïchömunote, angarakakwa ompö asispa sörunöt. Otötonokwa olïkune muma* ompö pipö ngwïny löwïr. Apïswokwa ngat omïlonchenö korengwo, kor nyo kikechal akepïstö kïlïkwï siriron.

ISAYA 49:8 ပူးပေါင်းရင်းမြစ်များ

2 SAMWEL 7:13

Tekwanïn nyinte kö ayomisan lö töpo ngacharunyi pö paytagh kokay.

TUMWÖY 2:8

Somanïn atokonïn pipö punton paytena akïlïkwï nyengu ngwïnya kïmïkul.

TUMWÖY 69:13

Wölo osoghinyi, we ECHOTYON, iterwante saghatenyu, we Tororöt, otini kechamanyi. Ilïm saghatenyan, we Tororöt, ompö chomnyengu nyo pö kokay, ompö kiyomisötengu nyo pö sörunöt.

TUMWÖY 75:3

Kïrkegh kïpotan ngwïnya nko pikachi löwïr, kwani nyo onömöy pchörinechi kïchïchïm.

ISAYA 26:3

Nyi, ECHOTYON nyo itöni kalya nyo tenate pich cho tïng machat nyo chïchïmate akïmi chane kughöninyi.

ISAYA 27:3

“Oripan parenyu, apïsö pögh kïnomnyö, kïnomnyö, arip nangat nko pöghet, atömengwïn chi kunyar.

ISAYA 41:10

Amowöghisyö, omitan nko akwa! Ochan Tororötïnkwa momïghyö! Oghokwa osïke owesyö, angarakekwa, oghetokwa, asörwokwa.

ISAYA 42:1

Mwoghöy ECHOTYON lö, “Anyï mötworintenyan nyo kotönön owesyö, nyinte nyini kyakïlan, akï nyinte nyo ongörokyinan kanyïghitan nyinte mïkulöwunyu akï nyinte nyo ipchini man pipö punton löwïr.

ISAYA 42:6

“Ochan ECHOTYON, nyo kokurinyi ompö man, onömotoninyi egh aripinyi. Otötoninyi le muma* ompö pich ailïkwï löpoyïn ompö pipö punton,

ISAYA 44:26

Wölo atongor kïgh mötworintenyan, ato kayontan chi kïnganyta tötutköchan, oghan ngalechoni nko tötutkö kïpïntö nyo mötïny. Omwochinan ante Yerusalem lö, ‘Möngöy pich ngat oringu,’ amwochan kanastina Yuda lö, ‘Kïtekokwa ngat kïrkegh kö kyowïryekwa.’

ISAYA 49:19

“Nyo pö nyoman kikenyar korengu, wölo ye kikïmarikit tya, ntömelö tökïnyoru piköku cho mïlonchot wölo möngöy. Kilowito nyu wölo imitenyi pïchoni kinyarinyi.

ISAYA 51:16

Kotönön ngalechan kutingu, awïngchinyi rurwo ewunyan. Kyoghïtan wölnö le mïröt atek pchörin cho tighöy ngwïny. Olenchinan pipö Sayon, ‘Ochikwa piköchan!’ ”

ISAYA 51:3

“Osyonchinan kanasyanta Sayon* nko pich löwïr cho möngöy kïratiskachi. Oghan kore nyo tïryal kïpïchighitu le para Eden, lïku kore wölo le surkwen para ECHOTYON. Kïnyoruno orinyi ngörekyö nko turönöt aketumo wöloni tumwöy cho sölanïn.

ISAYA 54:3

Inoteghonyi söremwoktineko korengu ompö woptine löwïr. Kiyokyini piköku koroswekwa löwïr cho möngöy puntonï walaka. Kinyïghitöy pich kanastin cho tïryolöch otï le ye.

ISAYA 55:6

Ayara ECHOTYON otini tökenyoru, okurö nyinte otini tökïlekït.

ISAYA 57:13

Akanya kïsörwokwa tororötinechï pö körkeyïntin otini orirchinekwa chane! Kutïtoy chane yomat! Poto pich cho ghönanïn cho möngöy kor akïsaghanïn ompö Konyan nyo pö saghat.”

ISAYA 58:12

Teköy ngat pikökwa wölo kirulyö könyisok. Teköy chane ngat kutoro koghichini kikïtowunö teksye nyo kipö könyisyok. Nkïtwekwa pich atoni lö pich cho tekotoy ngat nïyet cho kökikïrulyö akï pich cho wöghököy korïn cho kikewur kuten.”

ISAYA 58:5

Kowongukwa otini okïrurekwa, akud mötöw le suswon, akarkar sarankwachtin, atö aryon kumelmel nyinte. Kïgh nyo lata nyoni so nyo okurokwa kïrurata saghat? Olentekwa ongörökan ompö kïgh nyo lenyoni?

ISAYA 61:2

amwatïta lö kikwitïta ato pöropchini ECHOTYON pikachi, nko asis nyo tökisïyi Tororötïnyo, tökïnyorï saghsaghat pich löwïr cho riryot,

ISAYA 61:4

Teköy chane ngat kanastin cho kökilïkwï kïratis könyisyok, pintitöy ngat kanastin cho kirulyö, ompö kinyarat nyo pö pïnwöy cho chang.

ISAYA 65:9

Okönyan kïcheng monïngo Yakopo nko Yuda korenyan pö kutïnkot. Mïlöy piköchan cho pöghisyewanïn akïmang wölini.

MATAYO 26:28

Ompöwölo kisönköchan chete, nyo puntoy muma* Tororöt cho kïmïltoy ompö pich cho chang atökelöstoghchï chane ngokikwa.

2 KORINTO 6:2

Mwoghöy Tororöt lö, “Kyoterunyi ompö asis kimïchinote, angarakinyi asis nyo ki pö sörunöt!” Atera nyu! Pöroyïn nyo chömunote nyete! Asispa sörunöt nyete!

EPESO 1:6

Kesala nyu Tororöt ompö pöropchenyi nyo töror nyo kikonecha nyinte kwïle ompö Werïnyi nyo le chamanenyi!

EPRANIA 12:24

Kapkanakwa wölo mi Yeso nyo kingwïn kwigh muma* nyo rel akï kïmïlta kisönkachi cho ngölonöy tïkwïn cho karamach kïtïl chanya pö Apel.

EPRANIA 5:7

Kisagh Yeso Tororöt nyo kimuköy kïsöruno nyinte meghat akïrirchï atanya kimi ngwïnyinï. Kïterchï Tororöt nyinte ompöwölo kipöghisyechini nyinte Tororöt.

EPRANIA 8:6

Wölo kakitö ye nyu Yeso kïlïkwï tïsin nyo pö tïlat, kïlenyona kulinyö pich nko Tororöt ompö muma nyo karam tya nyo kikïteka towunöto teksyo kiyomisöto man.