ISAYA 49:6 - PIPÏLIA

⁶ Kimwowanïn ECHOTYON lö, “Möghömönye pat lïkunanyi mötworintenyan, nyo isyolöy pipö Israel chi kingötï, wölo oghinyi tïkwïl lïkune löpoyïn pö pipö punton atökesörï nyu ngwïny kïmïkul.”

ISAYA 49:6 ပူးပေါင်းရင်းမြစ်များ

TOWUNÖT 49:10

Melö wegho lïpö paytagh Yuda. Pöytoy monechi kokay ntökïtenö kungwïn nyinte nyo mïchini kïpayta, akïkïtïngchini pipö punton nyinte.

2 PÖYTOGHÏ 20:10

Kuyokyï Esekia lö, “Kwïskwïs kïwö rurwö tagh kelyön taman, wölo nya kïmïla löt kelyön taman.”

2 PÖYTOGHÏ 3:18

Atolapay kulet tagh Elisya kïlö, “Melö awes nyoni ompö ECHOTYON, konokwa nyinte owesyö ngat nyo orïntegho pipö Moap.

TUMWÖY 37:28

ompöwölo chömöy ECHOTYON man, amöpïstonye pikachi. Komönöy pipö man kokay, wölo pïstoy monïngo mwokïyis.

TUMWÖY 67:3

Nya kïsalinyi pich, we Tororöt, nya kïsalinyi pich löwïr!

TUMWÖY 97:10

Chömöy ECHOTYON pich cho reyöy ngokï, ripöy nyinte söponwo pikachi akïsörunö chane ewuno pich cho ghach.

ISAYA 11:10

Itu asis ato ngetuno pöytoghintö nyo rel ara Yese nyo ghyongöy kïlïku kiporunöt ompö pipö punton. Pkonöy pich kïtuyegho kanasyantenyi nyo töror akutö nyinte konyït.

ISAYA 42:10

Otumchinö ECHOTYON tum nyo rel otumchinö ngwïnya kïmïkul salatenyi! Asala nyinte akwa cho opegho nanam, asala tïkwïn löwïr cho mi nanam ori, otumö koroswö cho lowöch nko löwïr cho möngöy koroswechoni!

ISAYA 42:6

“Ochan ECHOTYON, nyo kokurinyi ompö man, onömotoninyi egh aripinyi. Otötoninyi le muma* ompö pich ailïkwï löpoyïn ompö pipö punton,

ISAYA 45:22

“Omïlonchenö wölo omitan, akwa pipö ngwïny kïmïkul atökesörwok! Ompöwölo ochan Tororöt amöminye anka.

ISAYA 46:13

Opunan asispa sörunötenkwa kïlekïtit, melö tökïlow. Melö pöghönöy nyo kogh sörunötenyan. Osörunan Sayon* akwompö Israel nyo le ororyenyan.”

ISAYA 48:20

Apeghena koro Papilon, kiketyakakwa! Amwatïtena lökoye ompö ngörekyö, akanya kenkïtunö wop anka tïkwïl lö, “Kösörï ECHOTYON mötworintenyi Yakopo!”

ISAYA 51:4

“Atera pikachu ngalechan, alïma kïgh nyo omwoghan. Otöninan pipö punton kinetutkachu, ipchini kirurutköchan pipö punton löpoyïn.

ISAYA 52:10

Keghïtö ECHOTYON ewunyi nyo tïlil, kïsïwïyi pipö punton löwïr. Sïwïyi pipö ngwïny kïmïkul sörunöto Tororötïncha.

ISAYA 55:5

Ikurenyi ye nyu koros cho menkïtönyinye, koros cho melö nkïtinyi akïryöwu kïsorinyi. Igho lenyoni akwompö ani ECHOTYON, Tororötïngu, Nyo Tïlil nyo pö Israel. Okonokwa konyït nko ororyö.”

ISAYA 56:8

Kikuyomisï Echotyon TORORÖT nyo kimïtuna pikachi Israel kïpkana pïnotön, lö tökumïtu nyinte asïyech pikö walaka kïtuyö nko chane.

ISAYA 60:3

Soru löpoyïntöngu pipö koros, pkonchini pöytoghï löpoyïntöngu nyo kayek.

ISAYA 62:11

Lechini ECHOTYON pipö ngwïny kïmïkul, omwochinö pipö Sayon lö, “Ngwïnöy ECHOTYON kïsörwokwa, akungwïnöy nko pich cho kikïsörï nyinte.”

YEREMIA 12:16

Kïkany ato cham chane kïrïp ortïna piköchan Israel akuwalwal ompö kaynenyan kïlentöy, ‘Kïle wölo söpöy ECHOTYON,’ le wölo kinet piköchan kuwalwal ompö kayna Paal,* kïlïku chane tïkwïl piköchan.

MIKA 5:3

Kïlenyona pïsyini ECHOTYON pikachi pungkökwa ntökïtenö kulusyö kama monïng nyo kïghöy worö, tökïsorï werkökwa löwïr kïpka kïsörï pikökwa Israel.

SAKARIA 6:13

Ngwïnöy akïtek Kö pö Tororöt* akekonyïtöy nyinte le pöytoghin. Töpo ngacharu paytagh akïpayta. Töpo tïsin kudopöy ngacharunyi nyo pö paytagh akwightoy chane kwodeny pöghisyö ompö kalya nko terchin.

SAKARIA 8:22

Pkonöy pich cho chang nyoman akïpka koroswö cho tïng owesyö nyo wow kïsoghanïn akïsomanïn osoyön chane.”

LUKA 2:32

Löpoyïn nyo ngongchini pipö punton machatengu akwipchini ororyö piköku Israel.”

IGHISYEWUT 13:47

Ompöwölo lenye nyoni wölo kimwowuntecha Echotyon lö, ‘Kotöninyi lïkuna löpoyïn pö punton, atepchinö sörunöt ngwïny kïmïkul.’ ”

IGHISYEWUT 26:18

Nyi nyo iyotyini chane konyikwa ategha chane kïmïlisyeghö tuwïn kïpka wölo mi löpoyïn, akïngetunö owesyo Onyöt kïpka wölo mi Tororöt, akelöstoghchï chane ngokikwa ompö kighanatengwa nyo tïng ompö ani, atökelöwönchï wölo tïpisot nko pich cho le kïlanpa Tororöt.’

IGHISYEWUT 26:23

lö, kichopöy kong Kristo,* atökïlïkwï nyo tagh nyo tutuno pich cho kimeghö, atökïmwochï pipö Yaudi nko pipö punton lö, kimuköy kesöru chane, köröy kegh nyoni nko löpoyïn ompö chane.”