ISAYA 49:10 - PIPÏLIA

¹⁰ Momöcha kömöy anta maral. Melö pelöy asis amedonye kïgh yomo surkwen, ompöwölo ntöghoghchini nyinte nyo syonchini chane. Ntöghoghchini chane ntökwit kori pöghon.

ISAYA 49:10 ပူးပေါင်းရင်းမြစ်များ

ISAYA 14:1

Tökusyonchini ECHOTYON pikachi Israel akïkïl chane ngat kïlïkwï pikachi kegh. Töni chane korengwa ngat. Pkonöy pikö walaka kïpïnchini koro Israel akïmang nko chane.

ISAYA 25:4

Köryöwï meyï nko pönon wölo imitenyi akïchïwïtyö chane ompö osiswo kömpölelut. Ikörteghonyi chane chepkiriri aitö rurwö nyo wuro ompö kilayat nyo ngwan, ompöwölo ngwan poryo pkatis le pïchpïch nyo ngongöy korïn,

ISAYA 32:2

Kikongityot atoni chi nko wölo kïghïpchegho ompö yomat nko wölo kikolo ompö chepkiriri. Kikongityot chane nko lalwatïn cho yintoy kuweröy kor wölo tïyame, akïkarkegh nko rurwo kogh nyo wow ompö kor nyo ngwan maral.

ISAYA 33:16

Atemuka onyorunö ato tïghume, akarkegh nko pich cho ghïpchegho ghat nyo awes. Onyorunekwa omisyö nko pögh cho ogheghöy.

ISAYA 35:6

Komtoy cho ngwolsot akudanga. Teghyot pich ompö ngörekyö cho le kïmanytin, ompöwölo yintegho pögh kor wölo le surkwen,

ISAYA 35:7

lïku nanam, ngoyomwö nyo köpelo pich tïwayway akïlïku kori pöghon korö wölo tïyame. Pito soltinö nko suswo pelöw wölo kirusot chepkonöw.

ISAYA 4:6

Körtegho ororyenyi kanasyantanoni kilayat atole pöghet, akïrip kïlïkwï ato ghïpchegho pich akï tïghume ompö chepkiriri nko ompö rop.

ISAYA 40:11

Yokwïyi nyinte kechiryechi le mösöwon, ghömïtöy nyinte wareko kechiryechi akïkasan chane ompö puwayichi, akïrang kamati kïpa mut.

ISAYA 41:17

“Akwoto yaranïn piköchan otini kyam maral kïngwanit otini kingötyö sïghinywö ompö maral, oterchan nyu ani ECHOTYON saghatengwa, mochopanye chane, ani nyo ochï Tororöt pö Israel.

ISAYA 43:19

Okönö kïgh nyo rel nyo oghan. Kïgh nyo kikwigha omukekwa osïwïye nyete le ye! Oghan ara mït nyo weröy wölo le siriron akonokwa ompö wöloni lalwatïn cho yintegho pögh.

ISAYA 48:17

Mwoghöy ECHOTYON, sörunintenkwa, Tororöt pö Israel nyo Tïlil lö, “Ochan ECHOTYON Tororötïnkwa, nyo netokwa atonyorunö kinyiwut, ontöghoghwokwa arïpa or nyo mïchini.

ISAYA 48:21

Melö kiwongwï ompö maral pipö ECHOTYON, otini kimït nyinte chane kuwer surkwen. Kigh ghat kïkosunö pögh cho kigha chane, kikarer ghat kïpesyö kïmïluna kegh pögh.

ISAYA 51:14

Kityoköy atolekït pich cho rötote, tïpisot chane könyis cho chang amelö rörchini chane omisyö.

ISAYA 52:12

Melö osurekwa panï pö ye, amelö opertonekwa atochïwïtyenö. ECHOTYON Tororötïnkwa nyo ntöghoghwokwa akïripokwa nyinte ompö wop anka tïkwïl.

ISAYA 54:10

Ompöwölo kïrkegh kupotyö kutïngkotï lö weng, akenategha kutïngkot cho mïnkech, kïmewonyotnye chomnyenyan ompö nyi. Okomönan kiyomisötenyu nyo pö kalya nko nyi kokay.” Mwoghöy ECHOTYON nyo chöminyi lenyoni.

ISAYA 54:8

Kyawïngeninyi tokochunyu nyo le kite, wölo oporunyi chomnyenyu kokay. Mwoghöy ECHOTYON Ghetintengu.

ISAYA 58:11

Ontöghoghwokwa nyu kïtenö osis, aghakwa opïghyenö tïkwïl cho karamach. Oripokwa, akonokwa owesyö. Okörekwa kegh nko par nyo mi pögh cho chang akarkegh nko kompa pögh nyo melö tengöy.

ISAYA 65:13

Nyo omwowokwa ye nyu lö nyoru omisyö nko pögh pich cho soghanïn akïrïpöy ngalechan, poto akwa cho osutyot akwamak maral. Ngörekyot chane wölo onyorunekwa arasï.

YEREMIA 31:9

Mïlisyot piköchan kïlokyonu, omïtunan osoghsoghonu chane, kuweranï lalwatïn cho mi pögh. Pegho or nyo tapulul nyo puryö kïgh nyo kwötöy chane, ompöwölo ochan papoto Israel, akï poretyenyan Epraim.

ESEKEL 34:23

Atolapay otönön chane mösöwon akonga, mötworintenyan Daudi. Komönöy chane akïlïkwï mösöwontengwa.

YONA 4:8

Nyini kipusï asis, kuyokwï Tororöt yomöt nyo kila nyo kingwïna kongasis. Kïpel asis Yona möt nyo kirich kïryalta. Kïlenyona kïsom meghat kïlentöy, “Kaykay ameghan kïtïl osöpön.”

MIKA 7:14

Lïkuna mösöwonto piköku, ECHOTYON nko lïkengu piköku kegh cho kikïlanyi cho möngöy opïn surkwen wölo kimi korö wölo akwagh. Nya kïpa chane kïpa chane achey wölino le Pasyan nko Kiliad le atanya le köny.

MATAYO 5:6

Soyönote pich cho omöy kömöy nko maral nyo pö manpa Tororöt, ompöwölo kipïghyongöy.

YOANA 6:35

Kïlenchï Yeso chane, “Ochan makatyanta söpon. Momönye kömöy chi nyo ngwïnöy wölo omitan akï momönye maral chi nyo ghönanïn.