ISAYA 49:1 - PIPÏLIA

¹ Atera ngalechan akwa pipö punton cho lowöch akwa chona omöngöy koros cho lowöch! Kikïlanïn ECHOTYON kïtomö keyiyanïn akïkïlanïn alïkwï mötworintenyi.

ISAYA 49:1 ပူးပေါင်းရင်းမြစ်များ

TUMWÖY 22:10

Kyatwaytan kegh nyi kïngata otini kikïyiyanïn, kichinyi Tororötïnyan kïngeta kïyiyanïn yonyan.

ISAYA 11:11

Pöghisyegho Echotyon ngat owesyenyi kuyokunö pikachi pïnotön ato itï asisoni kïmïlisyö korengwa cho kidong koro Asirya nko Misri ompö koroswo pipö Patros nko Etopya nko Elam nko Papilonia nko Amat nko koros cho mi nanam cho kiwit pögh.

ISAYA 24:15

akïsölöy nyinte walaka cho mi okumpö kongasis, sölöy ECHOTYON Tororöt pö Israel pikö walaka cho möngöy sörömu nanam.

ISAYA 33:13

Akanya kïlïm pich tïkwïl cho lekïtöch nko cho lowöch tïkwïn cho kaghan atö kunan chane wölo wow owesyenyan kïlïkwï.”

ISAYA 41:1

Lentöy Tororöt, “Osisyenö ater ngalechan akwa koros cho lowöch! Anapa kegh topunö lokekwo ka kirwok, onyorunekwa pöroyïn otoni nyo ongölonöy. Apkana ketuyenö atökenkïtunö lö ngo nyo pö man.

ISAYA 42:12

Nya kutö ECHOTYON salat nko ororyö, pich tïkwïl cho möngöy koros cho lowöch!

ISAYA 44:2

Ochan ECHOTYON nyo kyaghakwa, kyangarakakwa kïngetunö otini kikïyiyokwa. Mewöghisyö, akwa pipö Yakopo mötworichu, piköchan cho kakïlan achömonan kegh.

ISAYA 44:24

Lentöy ECHOTYON, sörunintengu, nyo kighinyi ompö muyeto yongu, “Ochan ECHOTYON nyo kyagh tïkwïn löwïr. Ani onkït nyo kyoghïtö yïmwöy, aghan ngwïny onkït ompö owesyenyan kegh.

ISAYA 45:22

“Omïlonchenö wölo omitan, akwa pipö ngwïny kïmïkul atökesörwok! Ompöwölo ochan Tororöt amöminye anka.

ISAYA 45:3

Okoninyi kaplawachtin cho mi wölo tuw, tïkwïn cho kikïwïnchï wölo tïghume atenkïtunönyi lö ochan ECHOTYON, Tororöt pö Israel nyo kurinyi ompö kaynengu.

ISAYA 46:3

“Alïme ngalechan akwa pipö ara Yakopo akwa löwïr cho le ngötunön pö piköchan. Kyoripokwa kïngeta otini kikïyiyokwa.

ISAYA 49:12

Pkono piköchan koros cho lowöch, ngetuno walaka okumpö löt nko wölnö le to, kïngetunö walaka Aswan nyo mi okumpö tagh.”

ISAYA 49:5

Kikïlanïn ECHOTYON kïtomö keyiyanïn, akwighanïn alïkwan mötworintenyi nyo yoku pikachi, ataghamïtan pikachi Israel cho kitoyö kïmïlonchö. ECHOTYON nyo konanïn konyït, nyinte nyo le owesyenyan.

ISAYA 51:5

Ongwïnan osöru chane lawel, melö low sayenyan nyo opunan sörunöt. Opöytonan ante pipö punton. Mito koroswö cho lowöch kïkönganïn, könanïn tosörwan chane.

ISAYA 52:13

Mwoghöy ECHOTYON lö, “Ighöy mötworintenyan ompö ngöghomnyö, kïsyolöy parak akekonyït tya.

ISAYA 55:3

“Atera nyu pikachu, apkonchanïn. Apkana wölo omitan atonyorunö söpon! Ononan mumenyan nko akwa kokay, akonokwa chomnyogh nyo kyoyomisön Daudi.

ISAYA 57:19

Otöninan pich löwïr kalya, cho lekïtöch nko cho möngöy wölo low! Osopan pikachu.

ISAYA 60:9

Melin choni cho rotuno koros cho lowöch, akuntöghoghchini melino Tarsis. Yoku kaw moneku cho pkono wölo low. Ipu chane silpa nko koltinekwa, atökïkonyït ECHOTYON Tororötïngu, akïsal Tororöt pö Israel Nyo Tïlil, ompöwölo keghakwa osïkö ororyö.

ISAYA 66:19

akunkïtï lö ani nyo kachop kong chane. “Wölo otukan walaka ompö chane atayontan kïpa wölo mi puntonï cho lowöch, cho tomöcha kïlïm kaynatenyan anta sïwa wowïntönyan nko owesyenyan, petöy koro Tarsis nko Lipya nko Lud kïmi nko pich cho nkït kïwutïtoy kotï, akïpa ntökwit Tupal nko Akaya. Mwotïtoy pïchoni walaka wowïntönyan.

ISAYA 7:14

Kïlenyona nyu konokwa Echotyon nyinte kiporunöt. Arosa lö sïkisïyi mïrar akïyï worö nyo kuro kaynenyi Imanuel.

ISAYA 9:6

Kakïyiywecha monïng! Kakïkonecha worö! Akïlïku nyinte pöytoghintencha. Kïkuro kaynatenyi, “Kirurin nyo pö Töngönchin,” “Tororöt nyo Awes,” “Papo nyo pö Kokay,” “Pöytoghinto Kalya.”

YEREMIA 1:5

“Kyonkïtunyi tagh kïtomö aghinyi ompö muyeto yongu akïlchinyi kegh kïtomö keyiyinyi aghinyi lïkuna werkoyon ompö pipö punton.”

SEPANIA 2:11

Ighöy ECHOTYON pipö Moap nko Amon kïmïghyö, wongöy tororötino putintön ompö ngwïny le kwïle, atolapay kïsagh pipö ngwïny kïmïkul ECHOTYON Kimuktoghin, ompö koroskökwa.

LUKA 1:15

Ororitu nyinte nyoman ompö tawu Echotyon amögheghönye dipay* anta kumïn. Kinyïghitöy nyinte Mïkulögh nyo Tïlil kïngeta kïmi mu.

LUKA 1:31

Isïkisïyenyi ayiyönyi worö nyo ikuronyi Yeso.

YOANA 10:36

Kikïlanïn Paponyu akuyokwanïn angwïn ngwïny, kwompö ne tolentekwa ochïpan Tororöt, ompöwölo kolan, ‘Ochan Wero Tororöt?’

KALATIA 1:15

Wölo kinya Tororöt kïkïlanïn ompö pöropchenyi akulowitanïn kïrkegh otini kitomönye keyïyanïn

EPESO 2:17

Kingwïn Kristo akwomwokwa Lökoy cho Karamach cho pö kalya, akwa chona ochï pipö punton cho kyochï lowöch ompöwölo mi Tororöt akwomchï pipö Yaudi cho kilekïtö Tororöt.

EPRANIA 12:25

Arose kegh nyu tömatagh nyinte nyoni ngölonöy. Ompöwölo ato kimöchïwïtyöcha pich cho kitagh kïlïm ngala chichoni kingwïn ngwïnyinï akuyomisï ngala yïm, ekechïwïtyonecha lö ne nyu ato kïghöpönöcha nyinte nyoni rirwecha ompö yïm?

1 PETRO 1:20

Kikïl Tororöt nyinte otini kitomönye kwigh ngwïny, akïngongwï nyinte osiswechete pö söröm akwompö kinyiwutyenkwa.