ISAYA 48:18 - PIPÏLIA

¹⁸ “Ntö kile nyo kyarïpakwa kiyomisutköchan! Kitö kïmïlwokwa kisoyönut cho lata lalwa nyo mötengönye! Kyomïlunyi mantangu le mirtino pögho nanam,

ISAYA 48:18 ပူးပေါင်းရင်းမြစ်များ

TUMWÖY 119:165

Tïngeto kalya pich cho chömöy kirurutköku, möminye kïgh nyo ighöy chane kwotyö.

TUMWÖY 36:8

Omo kongu ichontöngwa nyo mewonyot, itönenyi kïghegha pögh lalwengu nyo pö ngörekyö.

ISAYA 33:21

Wölo porwecha ECHOTYON ororyenyi ompö atoni. Kïmöngecha kor nyo mi lalwatïna cho yintoy nko champilwoy cho yintegho pögh, wölo mömicha melinö cho köromöch cho pestegho parakungwa.

ISAYA 42:24

Ngo nyini köpïsyï pipö Israel mori pungkökwa? Melö so ki ECHOTYON nyini kikighchicha ngokï? Melö kikïtïpicha kïrïp kegh nko machatenyi anta kïterchï nyinte kinetutkachi cho kikonecha.

ISAYA 45:8

Nyi we yïm, ropönunö! Nya kïkonï poltoy ropa ighata man, nya kïyata ngwïnya atökïpita atoni sörunötö, akany kïpita tïkwïl ighata man. Ani ECHOTYON nyo oghöy choni.”

ISAYA 54:13

“Ante kegh nyo onetöy piköku, atö chane mökosyö nko kalya.

ISAYA 61:10

Oturönan nyoman ompö ECHOTYON, ngörököy söpontönyan akwompö Tororötïnyan. Ompöwölo kelokwaninyi sïro pö sörunöt, ailumenaninyi sïra kitenat, le chi pö kensyö nyo kimina kegh sïrenyi nyo pïchigh, anta mïraru kensyö nyo kilaka karïn nko kaymoris.

ISAYA 61:11

Ompöwölo kïle otini ghyögho kösïgh ngwïny akïpit, kïsöru Echotyon TORORÖT pikachi, sölöy nyu pipö koros löwïr nyinte.

ISAYA 62:1

Mosisanye ompö ngölyon nyo swongöy Sayon* mosisanye ntökïtenö kesörï nyinte, akulïwï rïntaghtanyi le kitömöwon nyo nöghöy oghö.

ISAYA 66:12

Mwoghöy ECHOTYON lö, “Okonokwa perur nyo pö kokay. Yinu sïkönöto pipö punton wölo omitekwa le lalwa nyo rotöy kömöy nko pengat. Okörekwa kegh nko monïng nyo pöghöy kame, akïnömo ewunechi ompö kïpesöyichi.

OSEA 10:12

Akatkata köromnyö ompö tösunötengwo atonyorunö akwa chomnyogh nyo mewonyotnye. Angora parenichay kiruyö ompöwölo ketomtö ato kïyöröy ECHOTYON ye tökungwïn kïropönï kisoyönut.

AMOS 5:24

Wölo nya kïnyïghï man ngwïny le pögh akuyinta man le lalwa.

MATAYO 23:37

“Heywey Yerusalem, Yerusalem nyo ipöröy werkoy aiwira koghïn pich cho köyonunyi Tororöt! Kyamachan kïnyïl cho chang omukyï aghamïtï piköku wölo omitan le wölo ghömïtyini kokoroch warechi köpepoy, wölo itaghanyi!

RUMI 14:17

Ompöwölo Pöyunöto Tororöt kï melö ngala omisyö nko gheghsyö, wölo kegh man nko kalya nko ngörekyö, nyo konu Mïkulögh nyo Tïlil.

KINONO KIRURUT 32:29

Ntökingöghomöch chane, kitenkïtu kïgh nyo kigho!

KINONO KIRURUT 5:29

Wechï kö karam tya ntökölata choni mïkuliskökwa osis löwïr, nyo kötökonyïtanïn akïrïp kirurutköchan löwïr, atökuten osiswekwa chane nko monekwa kokay!