ISAYA 48:12 - PIPÏLIA

¹² Lentöy ECHOTYON, “Atere ngalechan pïchï pö Yakopo, akwa pipö Israel cho kyokurokwa! Ochan Tororöt, ochan nyo pö tagh nko nyo pö löt, Tororöt nyo le ante onkït!

ISAYA 48:12 ပူးပေါင်းရင်းမြစ်များ

NGÖTÏNYÖ 7:24

Kïlenyona ye nyu, werchï ater ngalechan, aköpchï yit ngal cho ongölonan.

NGÖTÏNYÖ 8:32

“Kïlenyona ye nyu werkachu, atere ngalechan. Soyönote chane cho rïpöy ortïnechan.

ISAYA 34:1

Arikuna pipö punton löwïr! Aghamïtuna kegh atalïma lökoy. Akanya kungwïn yete chi anka tïkwïl nyo möngöy ngwïny atökïlïm.

ISAYA 40:26

Otopöne köny, wölnö le mïröt! Ngo nyini kigh kokel cho osïwïyekwa? Nkït nyinte nyini ntöghoghchini chane le pipö lïk lö tya chane tïkwïl, akïkuröy kaynötutkökwa löwïr! Wow tya owesyenyi, möminye ompö akong nyo potöy kokay!

ISAYA 41:4

Ngo nyini kigh kwigha lenyoni? Ngo nyini kitat ara rïntagh? Ani ECHOTYON nyo kyomitö kïngeta otini le towunöt, akwani ECHOTYON nyo omitö atoni le söröm.

ISAYA 43:10

“Ochikwa söwichan, we pipö Israel, kyakïlakwa alïkwï mötworichan atamukakwa onkïtwanïn aghananïn, ankïtï lö ani nyo le Tororöt onkït. Möminye tororöt anka kïpoto ani, kimöminye otini le könyisyok akï möminye su kokay.

ISAYA 43:11

“Ani onkït nyo le ECHOTYON, möminye sörunin anka kïpoto ani.

ISAYA 44:1

Lentöy ECHOTYON, “Atera ngalechan, akwa pipö Yakopo cho ochï mötworichan, atera pipö Israel cho ochï kïlankachan!

ISAYA 44:6

Mwoghöy ECHOTYON Kimuktoghin, nyo pöytoy akïghetöy Israel lö, “Ochan nyo pö tagh, achan nyo pö löt, Tororöt nyo le nyinte onkït, möminye anka kïpoto ani.

ISAYA 46:3

“Alïme ngalechan akwa pipö ara Yakopo akwa löwïr cho le ngötunön pö piköchan. Kyoripokwa kïngeta otini kikïyiyokwa.

ISAYA 46:4

Ochan Tororötïnkwa akomönokwa, ntökïtenö angaghakwa karwal. Kyaghakwa aripokwa, ongörokokwa asörwokwa.

ISAYA 49:1

Atera ngalechan akwa pipö punton cho lowöch akwa chona omöngöy koros cho lowöch! Kikïlanïn ECHOTYON kïtomö keyiyanïn akïkïlanïn alïkwï mötworintenyi.

ISAYA 51:1

Mwoghöy ECHOTYON lö, “Atere ngalechan, chona omököy kesörwok, akwa cho opkonöy wölo omitan atökengarakak. Anane kogh nyo kikipat torumunökwa, köpön nyo kikïwasa koghichoni kyapkanekwa.

ISAYA 51:4

“Atera pikachu ngalechan, alïma kïgh nyo omwoghan. Otöninan pipö punton kinetutkachu, ipchini kirurutköchan pipö punton löpoyïn.

ISAYA 51:7

“Atera ngalechan pich cho onkït man, cho okomönchini kinetutköchan mïkuliskökwo. Mowöghisyö ato roröchokwa pich akïchïpokwa.

ISAYA 55:3

“Atera nyu pikachu, apkonchanïn. Apkana wölo omitan atonyorunö söpon! Ononan mumenyan nko akwa kokay, akonokwa chomnyogh nyo kyoyomisön Daudi.

MATAYO 20:16

Kuwany nyu Yeso kïmwa lö, “Kïlenyona, lïku pich cho pö lötï cho pö tagh, kïlïkwï cho pö tagh cho pö löt.”

RUMI 1:6

Ochikwa tïkwïl löwïr cho kikurok Tororöt alïkuna pipö Yeso Kristo.

RUMI 8:28

Kinkïtöcha lö, ompö tïkwïn lapay ighöy Tororöt kïgh anka tïkwïl karamit ompö pich cho chömöy nyinte, pich cho kikur nyinte kïrïp kegh nko machatenyi.

1 KORINTO 1:24

wölo nyu owesyo Tororöt Kristo, akï ngöghomnyo Tororöt nyinte ompö pich cho kikekur ato kö chi pö Yaudi, anta chi pö Krik.

KINONO KIRURUT 32:39

“ ‘Onkïtune ye nyu lö, ani onkït nyo ochï Tororöt, möminye tororöt anka kïpoto ani. Opöran atönan osopan, okotönan asop amelö mi chi nyo töghöy kïgh nyo oghan.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

NGONGUT 1:11

nyo kilentöy, “Kirchinö kitapï ngal cho isïwïyenyi aipchï kanisenichay le mut nko odeny, kanisa: Epeso nko Smurna nko Perkamo nko Tuatira nko Sardis nko Piladelpia nko Laodikea.”

NGONGUT 1:8

Mwoghöy Echotyon Tororöt Kimuktoghin, nyo mi akï nyo kimi akï nyo tökungwïnöy lö, “Ochan nyo pö tagh nko nyo pö löt.”

NGONGUT 17:14

Poryegho pöytoghichay nko tyonyay Wawa Kech, wölo rïntoy Wawa Kech nko kïlankachi cho kikur akughönote, ompöwölo Echotyonto echot nyinte, akï pöytoghinto pöytoghï.”

NGONGUT 2:8

“Kirchinö malaykayanta kanisa Smurna lö, ‘Anyï ngölyon nyo ngwïno nyinte nyo pö tagh akï pö löt, Alpa nko Omeka nyo kima akïsöpöy ngat.

NGONGUT 22:13

Ochan Alpa nko Omeka, towunöt nko söröm, nyo pö tagh nko nyo pö söröm.”