ISAYA 47:6 - PIPÏLIA

⁶ Kyonörekyan pikachu, kyoghchan chane le atomelö kitökïpiköchan ngat. Nka nyoni kyotönön chane ewuneku amelö kisyonchinyi chane kïrkegh ompö chini le poy.

ISAYA 47:6 ပူးပေါင်းရင်းမြစ်များ

2 SAMWEL 24:14

Kïlenchï Daudi Kad, “Omitan ato kampalal! Wölo mochömanye kïkonanïn ptangengmöt sitöt. Nya kïkonecha ECHOTYON sitöt, ompöwölo tïng kisyonöt nyo wow.”

2 OTÖPTINO OSIS 10:11

Kinïkis rötutyeto paponyan, wölo nïkisitu nyinyan tya, kimungenokwa paponyan syaritin wölo omungenokwa syaritin cho ngwonöch le tokolonoy.”

2 OTÖPTINO OSIS 28:9

Kimito werkoyonto ECHOTYON nyo kimöngöy Samaria nyo kikuro Oded, kiwö nyinte kïtarok lïk nyo kirotu kungwïnöy Samaria akïlenchï, “Kinörekyï ECHOTYON Tororöt papotïnekwa pipö Yuda nkanyoni ketö chane morikwa wölo kongïrökwa chane ompö kililat ntökwit ngölyontononi wölnö le yïm.

2 OTÖPTINO OSIS 36:17

Kïlenyona kïyonchï ECHOTYON chane pöytoghinto Papilonia kungwïn kïpara chok chumwakökwa ompö cho kömi wölo tïlil. Kimötïngnye kisyonöt ompö karöchïnin anta työ, anta mïrön anta nyo kiyosit kitö chane löwïr mori pöytoghinto Papilon.

2 OTÖPTINO OSIS 36:20

Kïnam pich löwïr cho kichïwïtyeghö ngot akïrang kïpa Papilon kïlïkwï mötworichi nko cho pö werkachi tökïtenö kwit kitoröto paytaghpa Pasya.

ESRA 5:12

Akwompöwölo kigh papotïnecha Tororöt pö yïm kïnarek, kutö nyinte chane mori Nepukadnesa pöytoghinto koro Papilonia, chi pö Papilonia kïpar Köyï pö Tororöt akïrang pikö kïlïkwï pïnot ompö koro Papilon.

TUMWÖY 69:26

Kechop kong pich cho ketönönyi sitöt akïtösyï moyoy pich cho kighanyi kïlïkwï kot.

ISAYA 10:6

Kayontan koro Asirya kïporyeghö punton cho menkïtcha Tororöt, pïch cho kighanïn anarek. Kayontan chane kïpa kïpörï tïkwïn akuritï akïtyakata pikö le norayon nyo mi arawet.”

ISAYA 13:16

Kinyoknyoköy monekwa cho le tengon lökarpïs otini mi chane kurosöy, kïghömïto tïkwïn korikwa, akesïmnyon korukwa.”

ISAYA 14:17

Akï nyinte nyanye kiwur kanastin akïwaghach kor kïlïkwï surkwen nya? Akï nyinte nyanye kitagh kutyak pich cho kirat kïpechï kegh kestonikwa?’

ISAYA 14:6

cho kimungo pich kïnomnyö ompö sïnyoryö, cho kipöytoy koros walaka ompö mïmïryö nko kichopata kong nyo möwïsönye.

ISAYA 43:28

Kïlenyona kyataghan tïsikwa ompö Konyan nyo tïlil, atyorchan kiwurat pipö Yakopo, ay, apïsyan pipö Israel kechïp.”

YEREMIA 50:42

Nömonu kïwantis nko ngötwö pich cho köromöch, amotïng kisyonchin. Tïköy ngwïny kughum le pögho nanam, Kikwigh kegh chane lö sïkatat, mi kïpsach kïporyegheninyi we Papilon!

LOK 1:14

“Kisup Echotyon ngokichan löwïr akuwusö katïnyan kutunganïn le nyayma Kipïsyanïn ECHOTYON mori punkachan cho kimokönganye ompö poryot.

LOK 1:21

“Tere riratenyan, puryö chi ompö akonga nyo ngwïnöy kïsoghsoghanïn. Kingörekyö punkachan otini kilïm lö kipkanïn ECHOTYON nyaril. Kanya kwitï asis nyo kiyomisönyi lö orwokyini pich aigh punkachan kïnyorï nyarïl le ani.

LOK 2:2

Kinyar Echotyon kestoni pipö Yuda lömïs, amelö kisyonchï ompö nyo le akonga, kirultö nïyeti kanasyantengwa cho kigheto kegh pung. Kipchï korononi nko pöytoghichi arasï.

LOK 4:16

Kitoytoyö ECHOTYON chane, nyo melö kitökïyang chane ngat melö kitokïkonyït nyinte tïsï amelö kitökuporchï ngat kintöghoghikwa tokoch nyo karam.

LOK 5:12

Kakïrang kepa keket kintöghoghicha amelö konyïtöy poyicha.

ESEKEL 24:21

lenchinö pipö Israel, lentöy Echotyon TORORÖT: arosa osïmnyonan Konyan nyo tïlil. Wonyot kiwulata owesyenkwa nko tïkwïn cho okwolokwa kegh nko cho ochömekwa löwïr.

ESEKEL 28:16

Ompö mïnchïrïsnöntengu nyo kilet nyoman, kinetanyi kegh ghöyityö aigh ngokï, kïlenyona atyartinyi le sïmnyon ompö kutïng pö Tororöt, akïyoninyi kerupim nyo kiripinyi ngetena kwenu koghichay kwerkwersot.

OPADIA 1:10

“Akwa pipö Edom, kirotokwa akenyarekwa kokay, akwompö pörchö nko ghöyïn nyo kyoghchikwa werkökwo, pipö ara Yakopo.

OPADIA 1:16

Kigha piköchan kölöwo sitenyan, ompö kutïngtanyan nyo tïlil. Wölo gheghöy kölowo sitenyan nyo ngwan tya pöröriskökwa. Nya otini kagha kumuchö, kïmöminye ompö akong nyo ngötu, owongan chane lömïs.

SAKARIA 1:12

Kïlö malaykayan ECHOTYON, “We ECHOTYON Kimuktoghin, inörekyinenyi nko oyï pipö Yerusalem nko kanastina Yuda, chï kinörekyinyi könyis 70 amesyonchï?”

SAKARIA 1:15

Ochan narekat nyoman ompö punton cho kimang kïkalyan, ompöwölo nko kimïnïng sitöt nyo kyotönön piköchan, wölo kipka puntonï kïtas kïyetï tya.

MATAYO 7:2

ompöwölo kïle wolini orwokyintokwa pikö walaka, kïlenyoni wölo kirwokyintonokwa akepöghisyegho kipimöwontonini opöghisyeghokwa ompö pikö walaka.

KINONO KIRURUT 28:50

Mesyonchinicha pïchoni le pkatis chi kïrkegh kö poy anta monïng.

YAKOPO 2:13

Ompöwölo ato rwokyini Tororöt pich mesyonchininye chi nyo mötïngnye kisyonöt. Wölo rïntoy kisyonötö kirwok.