ISAYA 47:12 - PIPÏLIA

¹² Leta ye tagh nko chepsoköynengu, supchinö kegh pönutköku kïchangit, cho kisïngenyi kïtenö ichinyi mïnïng. Manan ngörokinyi tïkuchoni, töptoy imukenyi iotyeghö punköku.

ISAYA 47:12 ပူးပေါင်းရင်းမြစ်များ

TUMWÖY 129:1

“Kichopanïn pungköchan kong kïnyïl cho chang kïngata otini kitochan chumwak,” nya kïmwowï Israel.

WUWÖT 7:11

Kïkur Parao pich cho ngöghomöch nko chesoköytin, kwigh chane tïkwïl lenyoni.

WUWÖT 8:7

Wölo kwigh chesoköytin lenyoni, kwipï mnyakaway koro Misri.

WUWÖT 9:11

Akimemïcha chepsoköytinechay kughyongö tawu Musa, ompöwölo kyam tasusay chane nko pipö Misri löwïr.

ISAYA 19:3

Wonyegho sirmoy lakaw pipö Misri, akwanykwanyan kinonutkökwa, atökïpa chane kïtepata kapolöktin kungarak chane, akïpa kïtep akïsom kingarakat mïkulis pö pich cho mi ngwen.

ISAYA 44:25

Owöghökan werkoyi putintön kïlïkwï sölwöy, aghan kïlïkwï kwïle ngorut pö pich cho topönöy kokel. Otöghan lö melö man ngala pich ngöghomöch, aporwan lö kitö sölwontön ngöghomnyengwa.

ISAYA 8:19

Wölo mito pich cho tepokwa lö otepunenö ngal pich cho pöghisyegho oy nko ponï, cho ngölonöy le törit. Lenchinokwa chane, “Möminye kïgh ato tepunö pich lökoy mïkulis pö pich cho kimeghö ompö paraku pich cho söpsot.”

YEREMIA 2:28

“Ayo, mi onö tororötineku chay keghchinyi kegh? Ne mapka kungarakinyi ato muköy otini kechumchinyi nyarïl nya? Olentan chang tororötineku nya, we Yuda, tenö kanastineku!

ESEKEL 21:26

Omwoghan ante Echotyon TORORÖT lö, ngwïsa kopiye nko tenta. Melö tökïlata ngala chay pö su. Syolö nyona mi to, aireyteghö nyona syolote!

DANIEL 2:11

Kïlenyona aghïgh kïyï ketepanyi amöminye chi nyo muköy kïmwowunyi, kïpoto tororötin cho melö möngöy nko pich.”

DANIEL 2:2

Kïlenyona kïmwatïta pöytoghintö kekurï chemöwostin nko ngorï nko ponï nko pipö Papilonia cho ngöghomöch atökïmwochï pöytoghin kirwotïtoghtanyi. Kïpka pïchay akughyongö tawunyi.

DANIEL 5:15

Kikupöl nyu pich cho ngöghomöch nko ponï cho kakimïtwanïn lö tökusomönwanïn kikirutkö akïmwowanïn waghakatenyi.

MIKA 3:7

Kirotöy kirosikwa, wiröy wuw ngoratengwa, nömöy arasï chane ompöwölo melö terchini Tororöt chane.

NAUM 3:4

Munginyi Tororöt we Ninawi, ompöwölo kötöpenyi le chepores, keminanyi kegh ipïchighitï aitïng sakït cho molilöy pich. Atolapay imolilönyi pipö koros aigh kïlïkwï sekeyiku.

KIYITUT 22:25

Nyini kisïwa sïkïryonay malaykayantanay pö ECHOTYON kïyumchï kegh nayat, kïngongogh kel pö Palaam nayatunay, kïmuny Palaam sïkïryonay ngat.

NGONGUT 9:21

Akimöpïstöcha pörchengwa nko ponintönengwa nko cheporesnanengwa anta chorsyengwa.