ISAYA 47:11 - PIPÏLIA

¹¹ Kïlenyona, itunyi ghöyityö, akï möminye panengu nyo muköy kuyoda. Mirinyi kiwurata lawel nyo melö kikönenyi!

ISAYA 47:11 ပူးပေါင်းရင်းမြစ်များ

NEEMIA 4:11

Nonöy pungköcha lö melö kinkïtucha anta kïsïwa chane ntökïtenö kïpka kwenuncha akïparecha akïkar teksyonï.

TUMWÖY 35:8

Nya kumir itini chane kinyarata akïnam ngöghöpungwa chane akïchïnchï kinyarata chane!

TUMWÖY 50:22

“Anana lasiny ngölyontonï, akwa löwïr cho otöghöy Tororöt, wölo atomaghakwanye lenyoni, owonsokwa lömïs amelö mi chi nyo sörwokwa.

TUMWÖY 55:15

Nya kwam meghat chane, nya kïröytö chane ngwen kïsopchot, mi ghöyityö kisönkökwa.

TUMWÖY 73:19

Wechï nyorisyot chane lawel akemista ompö otyogh kïlowöchitu.

NGÖTÏNYÖ 13:21

Rïpotoy ghöyityö mwokïyis, wölo kikerchini pipö man köromnyö.

ISAYA 13:6

Oteghyenö ompö ngwonïn, ompöwölo kalekïtit asispa ECHOTYON ato ipu Kimuktoghin kiwurat.

ISAYA 29:5

Kïkutïtoy pipö punton löwïr cho poryegheninyi, we Yerusalem le terïtyon, atökupiltoy le mopö panini lawel pikökwa cho pö lïk cho otyegho pich.

ISAYA 30:13

Otïngetekwa nyu ngokï. Kikongityonokwa nko nayat nyo kogh nyo kikarera yïm ntökwit ngwïny, akïtomönye kite orulyekwa lawel.

ISAYA 37:36

Kïwö oghononi malaykayanta ECHOTYON wölo kimöngöy pipö Asirya akïpar pipö lïk 185,000. Nyini kiyech atole asïyech, kelö kïtopön kimeghö chane löwïr!

ISAYA 45:7

Oghan löpoyïn nko tuwïn, opchinan pich kisoyönöt nko nyarïl tïkwïl. Ani ECHOTYON nyo oghöy tïkuchoni löwïr.

ISAYA 47:9

Wölo ighisyot tïkuchoni kwodeny lawel ompö nyi. Kïrkegh kepöghisyeghenyi ponintön nyo wow lö ne, Kïmegheninyi santengu nko moneku.

ISAYA 48:8

Kyonkïtön lö melö kyochikwa pich cho kighönöy, pich cho le penyï kïnomnyö. Nka nyoni melö kyalïmakwa nyonikïny ngölyontononi, akunka nyoni tömömi ngölyon nyo kyalïmekwa yitikwo.

ISAYA 57:1

Meghsot pich cho karamach akï möminye chi nyo nkïtu anta sïnga nyonikïny. Wölo otini kömeghö chane, kïmelö mito kiwurata nyo ngwonchini chane.

YEREMIA 51:29

Wechï kipotan akupelpel terït koro Papilon ompö ngwonïn! Ompöwölo kamwaghan akonga ante ECHOTYON lö lïku koro Papilon surkwen nyo puryö chi nyo möngöy orinyi.

YEREMIA 51:43

Kalïkwï Papilon kor nyo otyot pich ato sïwa surkwen nyo kiyam puryö pögh akï puryö chi nyo möngöy, kor nyo mewerönye chi kokay.

YEREMIA 51:8

Anyona ye nyu körul Papilon Kamutmuta lö tursïs! Osönönchinö nyinte! Opunö sakïtyan kenyïrena wölo chiröy, töptoy ostoy ana.

LOK 1:21

“Tere riratenyan, puryö chi ompö akonga nyo ngwïnöy kïsoghsoghanïn. Kingörekyö punkachan otini kilïm lö kipkanïn ECHOTYON nyaril. Kanya kwitï asis nyo kiyomisönyi lö orwokyini pich aigh punkachan kïnyorï nyarïl le ani.

ESEKEL 7:26

Itu nyörilwok cho toponu kegh. Osorekwa werkoy kïmwowok sïwïyagh. Potyegho tïsï kirurut lö weng, akuwonyeghö poy kirurötö.

MATAYO 18:34

Kïnarek nyoman echotyontonay akutötö nyinte kenyaril kong ntökïtenö kïghokï pösöntö löwïr.”

LUKA 12:59

Nyo pö nyoman mengetunonyinye wöloni ntökïtenö ghaktena ropïyenichay pö chi sentöyon lödo amöngötï ompö nyo le.”

LUKA 17:27

Kyomisïyi pich akïgheghsyö, kensïyi chane akuyiltoy monekwa, ntökwïtïta asisini kilït Noa meli. Atoni nyu ato kitï museryonta nyo kïtïgh chane lömïs.

1 TESALONIKE 5:3

Ato mi pich kïlentöy, “Mi pöghisyö nko kalya,” miröy nyu chane wïrata le ato itini kichïr korka nyo lusïyi amemuköcha pïchoni tökïchïwïtyöt!

NGONGUT 3:3

Nana nyu ngalechini kikinetinyi nko wölo kilïmtenyi, airïp aikötö ngokiku. Wölo ato mengetanyinye, ongwïnchininyi le chorin amenkïtunenyinye sayanini ongwïnan.