ISAYA 47:10 - PIPÏLIA

¹⁰ “Kilentenyi omitö ato tïghume otini kighenyi ngokiku kinonenyi lö melö kimi chi nyo kisïwïyinyi. Kimïtinyi ngöghomnyengu nko chïreryengu ara kipotöt, nka nyoni kilenyi, ‘Ochan Tororöt amöminye chi anka kïpoto ani.’

ISAYA 47:10 ပူးပေါင်းရင်းမြစ်များ

TUMWÖY 10:11

Lentöy mwokïyon ompö mïkulöwunyi, “Kikïwutyeghö Tororöt, keyen nyinte tokochunyi amelö sïwïyanïn!”

TUMWÖY 52:7

“Arose köny cho kitagh kïwïnga kegh Tororöt akïmenö sïkönötenyi nyo wow akutwayta kegh pkatnanenyi.”

TUMWÖY 64:5

Kilöy kegh chane ompö tötutkökwa cho ghach, tötöy chane wölo töni ngöghöptinekwa, akïlentöy, “Möminye chi nyo sïwïyi chane.”

OMTOGHIN 8:8

Möminye chi nyo tïng owesyö nyo ripo söpontanyi, anta nyo notegho asisto meghenyi. Kïle ato meperteghonye chi poryot, kïmösörunye ghöyityö pich cho kikïnagh ngokï.

ISAYA 28:15

Ompöwölo kyamwaghakwa lö kikiyomisöcha kegh nko meghat akyam ngamata nko ngwen, nyo ato wer mungötö nyo wow, kechïwïtyocha ompöwölo möminye kïgh nyo okönekwa atawïnya kegh kïpoto putintön nko lïsa.

ISAYA 29:15

Heywey! Ochech pich cho mukyini lö kïwïnyo ECHOTYON tötutkökwa! Mito chane tuwïn, akunonöy lö möminye chi nyo sïwïyi chane anta sïwa kïgh nyo ighöy chane.

ISAYA 44:20

Karkegh nyinte ato kinam nko chi nyo omöy aren. Kegh nyinte kinonutkachi cho pö sölwontön kïchumpön ntömökïminye or nyo kingöroköy nyinte. Memukönye ntökïchömchï kegh lö körkeyïnoni nömo nyinte ewunyi kïmelö tororöt nyonikïny.

ISAYA 47:8

“Tera nyu ngölyontonï, nyi nyo ichömöy tïkwïn cho ngörokini por, nyi nyo ilenchini kegh momo kïgh, ainonöy lö oköröy kegh nko Tororöt, ailö, ‘Möminye chi anka kïpoto ani. Molïkunanye kokay mïsïk amömeghenanïnye monïngö.’

ISAYA 5:21

Heywey! Ochech pich cho ngöghomöch ompö konyikwa kegh, asïwïyi lö kïchï chïreröch tya.

ISAYA 59:4

Möminye chi nyo ghoköy kïgh ompö man ato mi ka kirwok anta söwintönchï man. Kopöghisyekwa putintön tolotisyenö ompö ka kirwok. Oghekwa tötut cho wököy pikö walaka.

YEREMIA 23:24

Ayo, ngo nyo muköy kïwïny kegh, amasïwan nyinte? Melö so kyoghömwan yïm nko ngwïny?

YEREMIA 9:23

Lentöy ECHOTYON, “Mekwol kegh chi nyo ngöghom ompö ngöghomnyengu amekwolö kegh chi nyo awes owesyengu anta sïkön ompö sïkönötenyi.

ESEKEL 8:12

Kïlenchanïn, “Wero chi, kesïwenyi tïkwïn cho ighöy pipö Israel ompö tuwïn, mi chi anka tïkwïl konyi kïsoghöy pichen. Akïlentöy, ‘Melö sïwïyecha Tororöt, kikipïstö ompö nyinte koronete.’ ”

ESEKEL 9:9

Kïlenchanïn ECHOTYON, “Kikwigh pipö Israel nko pipö Yuda ngokï cho echön. Kikïmïlta kisön cho chang ompö kor akunyïghit ghöyityö Yerusalem. Mwoghöy chane lö, ‘Kikïpïstö ECHOTYON koronï amökïyongönye.’

DANIEL 4:27

Kïlenyona, we pöytoghin, rïpa kirurutyenyan. Pïstenö ngokï aigh man aisyonchï pich kikïpïr. Töptoy ana ketösunyi osiswo pöghisyö.”

SEPANIA 2:15

Nka nyete kïgh nyo igho ompö kanasyantanï kip kegh yïm, nyï nonchini kegh lö, “Möminye kanasyan anka nyo karkegh nko ani.” Anyï kalïkwï yenyu kïratyan nyo möngöy tïpö wudïn. Pïrpiröy chi anka möt nyo weröy kanasyantanoni akwotyö nyoman!

RUMI 1:22

Lenchini kegh kïchï ngöghomöch, akwanyï sölwöy.

1 KORINTO 3:19

Ompöwölo sölwontön ngöghomnyo ngwïnyinï ompö tawu Tororöt, ompöwölo mwoghöy Kikirut lö, “Nömo Echotyon ngöghöp pich cho chïreröch,”