4 Ochan Tororötïnkwa akomönokwa, ntökïtenö angaghakwa karwal. Kyaghakwa aripokwa, ongörokokwa asörwokwa.
“Tororötïncha nyete kokay nko kokay. Lïku kintöghoghintencha nyinte kokay!” Ompö kintöghoghinto. Tum pö werpö Kora.
Sala Echotyon nyo kösönöy nïkisïntinecha kïtenö osis. Tororöt nyinte nyo sörwecha.
Mepïstante, we Tororöt, otï le ye kyayositwan akïrelitwanïn möt! Töpenö nko ani otï ntökïtenö omwochan owesyengu pïnwöy cho tökïpkonöy.
Metaghante otï le ye kayositwan amepïstante ye otï kamïnïngit owesyenyan.
Yinu chane akwa, kïrkegh kikïyositu, nyörilöch akïtïng owesyö kïtenö osis.
Ngo nyini kigh kwigha lenyoni? Ngo nyini kitat ara rïntagh? Ani ECHOTYON nyo kyomitö kïngeta otini le towunöt, akwani ECHOTYON nyo omitö atoni le söröm.
Ochan Tororöt achan Tororöt lenyoni kokay. Möminye chi nyo muköy kïchïwïtegha morichan amelö mi chi nyo muköy kïwaghach kïgh nyo oghan.”
Ani ante onkït nyo ochï Tororöt nyo löstoghchini pich ngokikwa. Oghan lenyoni ompö kaynatenyan kegh, amelö torwokyinokwa ompö ngokikwo.
Lentöy ECHOTYON, “Atere ngalechan pïchï pö Yakopo, akwa pipö Israel cho kyokurokwa! Ochan Tororöt, ochan nyo pö tagh nko nyo pö löt, Tororöt nyo le ante onkït!
Ompöwölo mwoghöy ECHOTYON, Tororöt pö Israel lö, “Otöghan nyoman ngala kityakat. Ghöchinanïn otini ighchini chi kïgh nyo gha nyo lata nyoni korkenyi. Kïlenyona, orip kegh lasiny mörumunö kwenunkwa ompö akong nyo melö ghanate ompö tawu korkenyi.”
“Ochan ECHOTYON amelö owöghökonan. Nka nyoni nyu, we akwa pipö ara Yakopo, tomönye owonyenökwa lömïs.
Ompöwölo möwöghökönye Tororöt konutkachi ompö chi nyo kakïl akusoyön.
nko ompö surkwen. Kyasïwekwa wölanye kikasantekwa ECHOTYON Tororötïnkwa kïle wölini kösöntoy chi werïnyi ompö arananye kyapekwa ntökïtenö atunakwa koronï.’
Imömönenyi chane le ananka, akewaghach le sïra nyo kiloköy. Wölo ilatenyi nyoni kokay amewonsotcha könyisweku.”
Karkegh Yeso Kristo* omötu nko ye nko kokay.
Ngwïno yïm ropöwonta anka tïkwïl nyo karam nko konunöt anka tïkwïl nyo kïltït. Rökuno wölo mi Paponyo le ighinto löpoyïntin cho mi yïmwöy akï nyo möwöghökönye anta ipï rurwö ompö waghakatenyi.