ISAYA 45:9 - PIPÏLIA

⁹ Ochech chi nyo mölöy kegh nko Ighintenyi, mönö nyo mölöy kegh nko egh nyo kigh nyinte! Tepöy so mönö ighinto tör lö, “Ighenyi ne?” Anta lenchï ighintenyi, “Ne nyu menkït kwigh kïgh nya!”

ISAYA 45:9 ပူးပေါင်းရင်းမြစ်များ

AYUPU 10:9

Nana lö kighenaninyi nyïngwïtyan iyokyinaninyi ye nyu nyïngwïtyan ngat?

AYUPU 33:13

Ompö ne tegheghchinenyi Tororöt lö, meyokwïnye ngaleku ompö akonga.

AYUPU 40:2

“Muköy chi nyo tïng lelut kïnam kegh kut nko Kimuktoghin? Aso nyu, yokyïne Tororöt nyï kenamanyi kut.”

AYUPU 9:12

Chengöy Tororöt kïgh, ekïngo nyo miröy nyinte? Akï ngo nyo muköy kïtepo nyinte lö, ‘Ne nyï ighenyi?’

AYUPU 9:4

Ngöghom Tororöt akwawes, ngo chi nyo kikumöl kegh tïkwïl ntökumï?

NGÖTÏNYÖ 21:30

Möminye ngöghomnyö anta pköchin, akï möminye kirurötö nyo muköy kïrïntoy ECHOTYON.

OMTOGHIN 6:10

Kiketötyï kïgh anka tïkwïl könyisyok kaynatenyi nyo mitö akenkït wölo lata chi akenkït lö, memukönye kumölöy kegh nko chi nyo awes kïtïl nyinte.

ISAYA 10:15

Wölo kïlö ECHOTYON, “Muköy so oywö kwighöy kegh lö ochï wow kïsir chitö nyo pöghisyegho? Pïchigh so mïsumenö kïsir chitö nyo pöghisyegho? Melö syolöy lïkïp chi, chi nyo syolöy lïkïp.”

ISAYA 29:16

Wöghököy chane kïgh anka tïkwïl kïchumpön. Akupim kïsïkwï lö ekïngo köny nyo pïchigh tya, ighinto tör nya anta mönö? Muköy so kïgh nyo kegh chi, kïlenchini chichini kigh, “Melö kighaninyi?” Ante lenchï, “Melö inkïtönyi kïgh nyo ighöy?”

ISAYA 45:10

Ochech chi nyo lenchini kwanta, “Kilö ne teyiyaninyi?” Anta lenchï kame, “Ne nyï kikïghenyi?”

ISAYA 64:7

Akï möminye chi nyo wöghöko akïsaghinyi. Möminye chi nyo ngwïnöy wölo imitenyi atökengarak. Anyï ye kewïngenyi kegh wölo kïmitecha, aipakadecha akwompö ngokicha.

ISAYA 64:8

Wölo ichinyi paponcha, we ECHOTYON. Kïlatecha mönö ilatenyi ighinto tören. Kighechanyi,

YEREMIA 18:6

“Ayo, akwa pipö Israel, motïngetanye so man aghakwa lenyini keda ighinto tören mönenyi? Monkïtökwanye so lö omikwa morichan le mönö nyo mi mori ighinto tören?

YEREMIA 36:29

Atolapay iwö imwochï Yeoyakim pöytoghinto Yuda lö kamwaghan ante ECHOTYON lö, kipelanyi kitapunay aitepanyi lö ompö ne tökukir Yeremia lö ngwïnöy pöytoghinto Papilon kunyoröy koronï akuwany pich nko tïpö wudïn ompö kore.

YEREMIA 50:24

Kïnaminyi lödak ngöghöp nyo kyorötyan arengu, we Papilon kïrkegh melö kinkïtönyi lö mi ne are wölo kyonyorunyi, atöninyi morichan ompöwölo kinyaghnyaghanyi kegh nko ani nyo ochï ECHOTYON.

DANIEL 4:35

Melö yitöy pich ompö ngwïny kïmïkul lö kïgh, pöytoy nyinte malayken ompö yïm nko pich ompö ngwïny ompö machatenyi, Amöminye chi nyo töghöy makatenyi anta lenchï, ne nyï ighenyi?

1 KORINTO 10:22

Anta kïmökecha kwipenecha Echotyon sikong nya? Kichicha so owesöch kïtïl nyinte?