ISAYA 45:8 - PIPÏLIA

⁸ Nyi we yïm, ropönunö! Nya kïkonï poltoy ropa ighata man, nya kïyata ngwïnya atökïpita atoni sörunötö, akany kïpita tïkwïl ighata man. Ani ECHOTYON nyo oghöy choni.”

ISAYA 45:8 ပူးပေါင်းရင်းမြစ်များ

2 PÖYTOGHÏ 19:25

“Tomönye so lïmanyi lö kyatatan choni otini le könyisyok? Nka nyï ye kaghan kwitïta. Kyokoninyi owesyö para kanastin cho kikïteka nöyet ainyar.

TUMWÖY 68:8

kïpotan ngwïnya, kïmïlï yïmö pögh ompö tawu Tororöt, Tororöt pö Sinay, Tororöt pö Israel!

TUMWÖY 72:3

Nya kïsïch ngwïnya pöghisyö akïrumtö man ompö kore kïmïkul.

TUMWÖY 72:6

Nya kïkarkegh nyinte nko rop nyo ropönchini paren le pkopïs ompö ngwïny.

ISAYA 11:1

Kïlenyona, pituno sanakana ghït pö Yese, akuyinu akwa morïna nyo ngwïno ighinkachi.

ISAYA 32:15

Wölo tökïyonwecha Tororöt mïkulöwunyi ngat. Wöghöko korö wölo tïyame kïlïku paren cho okwoghöch akïrïro omisyö nyo wow.

ISAYA 4:2

Itu asis ato ighöy ECHOTYON kösïghyon anka tïkwïl nko ket anka tïkwïl nyo mi ngwïny kusïl akïpit kïyetï akïpïchighit. Ngörökyini pipö Israel cho le ngötunön akwa cho pitu cho pkono korononi.

ISAYA 44:24

Lentöy ECHOTYON, sörunintengu, nyo kighinyi ompö muyeto yongu, “Ochan ECHOTYON nyo kyagh tïkwïn löwïr. Ani onkït nyo kyoghïtö yïmwöy, aghan ngwïny onkït ompö owesyenyan kegh.

ISAYA 44:3

“Ompöwölo oyinan pögh kor wölo tïyame, aghan kor nyo le siriron kuyintegha pögh. Omïlchinan mïkulöwunyan moneku, amïlchan kisoyönutkachu yiyengu.

ISAYA 46:13

Opunan asispa sörunötenkwa kïlekïtit, melö tökïlow. Melö pöghönöy nyo kogh sörunötenyan. Osörunan Sayon* akwompö Israel nyo le ororyenyan.”

ISAYA 48:18

“Ntö kile nyo kyarïpakwa kiyomisutköchan! Kitö kïmïlwokwa kisoyönut cho lata lalwa nyo mötengönye! Kyomïlunyi mantangu le mirtino pögho nanam,

ISAYA 53:2

Ompöwölo kiyetï le ket nyo kapit, le ket nyo tortoy ighinkachi kïpa ngwïny ompö kor nyo tïyame. Kimötïngnye ororyö nyo kitökïsorecha, akimötïngnye pïchighyö nyo kimïlecha.

ISAYA 60:21

Ighöy piköku nyu tïkwïn cho tenote, mïlöy nyu chane kore kokay. Kyaghan chane akatkatan aghan kïrumtö ororyenyan ompö pich löwïr.

ISAYA 61:11

Ompöwölo kïle otini ghyögho kösïgh ngwïny akïpit, kïsöru Echotyon TORORÖT pikachi, sölöy nyu pipö koros löwïr nyinte.

ISAYA 61:3

akïnyorï ngörekyö nko turönöt pich cho riryegho Sayon.* Otöninan tum pö salat nyo kötönyoru kiwongunöt. Kïkuro chane keti kitenat cho kakatkat ECHOTYON atökïnyorchï nyinte ororyö.

ISAYA 66:22

“Kïle wölini ghyongtoy ngwïnya nyo rel nko yïm nyo rel ompö owesyenyan, kughyongtoy lenyoni pïnwöyikwa.

YEREMIA 31:22

Ayo, otomtomönekwa nko oyï, pïchï motïng kighanat nya? Ompöwölo kaghan kïgh nyo rel nyo tomönye kesöchï ngwïnyinete, kelö ripöy korka mïrön.”

ESEKEL 34:26

Osoyönan chane nko koros cho kewit kutïngtönyan nyo tïlil. Oyokyinan chane rop otini kösyökï, kïlïkwï pkopïs pö kisoyonöt.

OSEA 10:12

Akatkata köromnyö ompö tösunötengwo atonyorunö akwa chomnyogh nyo mewonyotnye. Angora parenichay kiruyö ompöwölo ketomtö ato kïyöröy ECHOTYON ye tökungwïn kïropönï kisoyönut.

YOEL 3:18

“Akwompö asisoni yinuno kutïnkot dipay cho kirïr, kuyinuna ronkotïn chö, akuyintoy lalwatïna Yuda lapay, akïghyögho kompa pögh Kö pö ECHOTYON Tororöt.

IGHISYEWUT 2:33

Ompöwölo kiketöror nyinte aketö kïtöpö okumpö tagh nyo pö Tororöt, akïtach ompö kwanta ayomis nyo pö Mïkulögh nyo Tïlil. Kunka nyete kökonï nyu kïyete osïwïyekwa ye alïmöy.

EPESO 2:10

Kïchicha ighanpa Tororöt kighecha nyinte ompö Kristo Yeso, atökegha ighisyewut cho karamach cho kisötwecha nyinte kegha könyisyok.

EPESO 4:24

alaka otöp nyo rel, nyo kikigh kïrïp kegh nko körkeyïn pö Tororöt nyo poruno kegh söpon nyo tenate nko tïlilyö.