ISAYA 45:7 - PIPÏLIA

⁷ Oghan löpoyïn nko tuwïn, opchinan pich kisoyönöt nko nyarïl tïkwïl. Ani ECHOTYON nyo oghöy tïkuchoni löwïr.

ISAYA 45:7 ပူးပေါင်းရင်းမြစ်များ

2 PÖYTOGHÏ 19:25

“Tomönye so lïmanyi lö kyatatan choni otini le könyisyok? Nka nyï ye kaghan kwitïta. Kyokoninyi owesyö para kanastin cho kikïteka nöyet ainyar.

AYUPU 10:13

“Wölo kïrkegh kïlenyoni, onkïtön lö kiwïnchinyi ngalechoni mïkulöwungu ankïtön lö ki machatengu nyoni.

AYUPU 2:10

Wölo kïlenchï Ayupu nyinte, “Ingölonenyi le wölo ngölontoy korï cho le sölwöy. Kïnyoruno so wölo mi Tororöt tïkwïn cho karamach opïn amelö kïnyoru cho ghach tïkwïl?” Melö kimwagha Ayupu kutinyi ngokï ompö choni löwïr.

AYUPU 34:29

Ngo nyo gheghchini nyinte ato sï? Anta ato wïny tokochunyi, kï ngo nyo muköy kura, kö kor anta ptangengmöt?

TUMWÖY 105:28

Kwigh Tororöt koronay kïtuwit wölo kïtagh pipö Misri kïrïp ngalechi.

TUMWÖY 29:11

Nya kutö ECHOTYON owesyö pikachi! Nya kusoyön chane kïnyorï pöghisyö. Tum nyo pö ngotata Kö pö Tororöt.* Tum pö Daudi.

TUMWÖY 74:16

Kighanyi pöghet nko nangat aitö asis nko arawa woptinekwa.

TUMWÖY 75:7

wölo Tororöt nyinte nyo rwokyini pich. Reytegho anka kïsyol anka.

TUMWÖY 8:3

Otopönan yïm nyo kighenyi ewuneku, nko arawa nko kokel cho kitönönyi woptinekwa:

WUWÖT 14:20

akughyongö kwenu pipö Misri nko pipö Israel. Kimito polta nko tuwïn ompö pipö Misri kïlöpo wölo mi pipö Israel akimarikcha kegh chane.

ISAYA 31:2

Akwanyï ngöghom nyinte, ipu kiwurat amelö wöghököy ngalechi cho riru lö kichopöy kong mwokïyis nko pich löwïr cho körtoy chane.

ISAYA 42:16

“Ontöghoghchinan pikachu cho köryote, kuwer ortïn cho kimenkïtcha chane. Owöghökan tuwïn ompö chane kïlïku löpoyïn, aghan kor wölo weröy chane kïtïlyönglyöngit. Kiyomisutköchan choni, alïtitan nyo mötïny.

ISAYA 44:24

Lentöy ECHOTYON, sörunintengu, nyo kighinyi ompö muyeto yongu, “Ochan ECHOTYON nyo kyagh tïkwïn löwïr. Ani onkït nyo kyoghïtö yïmwöy, aghan ngwïny onkït ompö owesyenyan kegh.

ISAYA 47:11

Kïlenyona, itunyi ghöyityö, akï möminye panengu nyo muköy kuyoda. Mirinyi kiwurata lawel nyo melö kikönenyi!

YEREMIA 10:16

Wölo melö karkegh tïkuchoni nko Tororöt pö Yakopo, ompöwölo nyinte nyo kigh tïkwïn löwïr, akïkïl pipö Israel kïlïkwï chechi. Kïkuro kaynenyi ECHOTYON Kimuktoghin.

YEREMIA 13:16

Akusa ECHOTYON Tororötïngwo, kïtomö kwipkokwa tuwïn, akunöghokwa koghïn kelyön ompö komos. Asala nyinte kïtomö kïwaghach löpoyïn nyo kokönekwa kïlïkwï tuwïn nyo wow.

YEREMIA 31:35

ECHOTYON nyo tötöy lö lïwu asis pöghet, akulïwï arawa nko kokel oghö. Nyinte nyo ighöy pögho nanam kïwïch akughum mïrtino pöghechï. Kaynenyi kï ECHOTYON Kimuktoghin.

YEREMIA 51:20

Lenchini ECHOTYON Papilon, “Ichinyi kunyïkunyan aichï akonga ompö karichan cho pö lïk Kopöghisyegheninyi olïwö koros walaka kïmutmutisyö. Kopöghisyegheninyi orultö pöyunötin.

LOK 3:38

Ayo, melö so kuti ECHOTYON nyo Töror nyo mwoghöy lö igho kïgh nyo karam anta nyo gha?

ESEKEL 32:8

Oghan löpoyïntino yïm kïtuwitu tya akwompö nyi. Atolapay otönön tuwïn korengu. Mwoghöy Echotyon TORORÖT.

DANIEL 2:22

Poru tïkwïn cho wïngote nko cho pö töngönchin, nkït kïgh nyo mi wölo tuw, mi löpoyïn wölo mi nyinte.

YOEL 2:2

Asispa tuwïn nko wurönöt, asispa kapuret nko tuwïn nyo wow. Lenye ighot nyo kakikörkorchï kutïngkot parak, söpïch pö pich cho köromöch nyoman. Möminye kïgh nyo lenye nyoni nyo kikwigha astanka. Amökwighonye ngat ompö könyis nko pïnwöy löwïr.

AMOS 3:6

Ayo, chöghöy konti poryot ompö kanasyan, amotyonye pich? Akwityini nyarïl kanasyan ato metyorchïnye ECHOTYON?

AMOS 4:13

Tororöt nyinte nyo kigh kutïngkot nko yomat. Nyinte nyo ngongchini ptangengmöt kinonutkachi. Nyinte nyo wöghököy pöghet kïlïkwï tuwïn. Akï nyo kïwestegho paraku yïm. Kïkuro kaynenyi Tororöt Kimuktoghin.

AMOS 5:6

Ayara ECHOTYON tosöpchenö, tömengwïn le ma kuwany pipö Yosep. Pelöy ma pipö Petel lömïs akïpuryö chi nyo nuköy.

NAUM 1:8

Wongöy ECHOTYON pungkachi le puseryon nyo mamïnïng, tyortoy chane kïpa kïmeghö lömïs.

IGHISYEWUT 4:28

Kituyö chane atökwigh kïgh anka tïkwïl nyo kitatanyi könyisyok, ompö owesyengu nko machatengu lö, igho.

2 KORINTO 4:6

Ompöwölo Tororötini nyo kimwa lö, “Nya kulïwunö löpoyïn tuwïn,” nyoni lïwchini mïkulöwecha tökïkonecha löpoyïn pö kinkïtöt nyo pö töroryo Tororöt nyo lïwuno tokochu Kristo.

YAKOPO 1:17

Ngwïno yïm ropöwonta anka tïkwïl nyo karam nko konunöt anka tïkwïl nyo kïltït. Rökuno wölo mi Paponyo le ighinto löpoyïntin cho mi yïmwöy akï nyo möwöghökönye anta ipï rurwö ompö waghakatenyi.

YUDA 1:13

Karkegh chane nko mïrtino pögho nanam, cho mïlu pïchan nyo pö pöghisyewutkökwa cho pö arasï. Karkegh chane nko kokel cho pestotoy akï cho wetöy Tororöt kïkörchini wölo tuw lömïs kokay.

YUDA 1:6

Anan ya malayken cho kiyörchï kegh wowïn kïsir nyini le nyingwa, akïpïstö möngengwa nyo kö pö su. Kikïrata Tororöt chane sïrïmtin akureytö wölo tuw, akïkörchï chane wölini ntökïtenö kwitï Asisay wow kirwokini chane.