ISAYA 45:22 - PIPÏLIA

²² “Omïlonchenö wölo omitan, akwa pipö ngwïny kïmïkul atökesörwok! Ompöwölo ochan Tororöt amöminye anka.

ISAYA 45:22 ပူးပေါင်းရင်းမြစ်များ

2 OTÖPTINO OSIS 20:12

“Ichinyi Tororötïncha ghetecha ompöwölo mökimukechanye kegh kïgh anka tïkwïl ompö lïk nyo wow nyo tenö nyï pkonöy kïporyeghonecha, amökinkïtöchanye kïgh nyo kighöy, wölo kïsömökecha nyi.”

TUMWÖY 22:17

Omukan oyitöy koyecha löwïr, rosanïn pungköchan akuchirchanïn konyïn.

TUMWÖY 22:28

Ompöwölo pö ECHOTYON paytagh, pöytoy nyinte punton.

TUMWÖY 65:5

Kewöghökunyi aisörwecha ompö töngönchin, we Tororöt, nyo le sörunötencha. Twoytoninyi kegh pich ompö ngwïny kïmïkul ntökwit sörömu nanam.

TUMWÖY 65:6

Kighanyi kutïngkot ompö owesyengu aiporï kimukatengu ompö choni.

ISAYA 30:15

Ompöwölo mwoghöy Echotyon TORORÖT Kimuktoghin, Tororöt pö Israel nyo Tïlil nyo pö Israel pich lö, “Kïsörwokwa ato omïlonchekwa, aghananïn. Osïkekwa nyu owesyö atïpï ato tïghume.” Wölo ataghakwa agha lenyoni!

ISAYA 41:22

Apkana yi atangora kïgh nyo igho, atökenkïtunö lö oyï ato igho kïyoni. Apkana omwochinö kokwö tïkwïn cho kighisyö könyisyok, amwowecha kïgh nyo poru tïkuchoni.

ISAYA 43:6

Omwochinan pipö ewu löt kïpïstö chane, amwochan cho pö ewu tagh kutyak chane. Nya kïmïlisyeghö chane koros cho lowöch, nya kïpkana koroswo ngwïny löwïr.

ISAYA 45:21

Opunö nyu ngalekwo ka kirwok, atat wölo omwowuntoy ngale. Ngo nyini kingor könyisyok tïkwïn cho itu? Ngo nyini kimwa ngalechoni tagh nya? Maninye so, ECHOTYON Tororöt nyo osöru pikachu? Möminye Tororöt anka kïpoto ani.

ISAYA 45:5

“Ochan ECHOTYON, amöminye anka. Möminye Tororöt anka kïpoto ani. Okoninyi owesyö kïrkegh menkïtanïnyinye.

ISAYA 49:12

Pkono piköchan koros cho lowöch, ngetuno walaka okumpö löt nko wölnö le to, kïngetunö walaka Aswan nyo mi okumpö tagh.”

ISAYA 49:6

Kimwowanïn ECHOTYON lö, “Möghömönye pat lïkunanyi mötworintenyan, nyo isyolöy pipö Israel chi kingötï, wölo oghinyi tïkwïl lïkune löpoyïn pö pipö punton atökesörï nyu ngwïny kïmïkul.”

ISAYA 52:10

Keghïtö ECHOTYON ewunyi nyo tïlil, kïsïwïyi pipö punton löwïr. Sïwïyi pipö ngwïny kïmïkul sörunöto Tororötïncha.

ISAYA 55:5

Ikurenyi ye nyu koros cho menkïtönyinye, koros cho melö nkïtinyi akïryöwu kïsorinyi. Igho lenyoni akwompö ani ECHOTYON, Tororötïngu, Nyo Tïlil nyo pö Israel. Okonokwa konyït nko ororyö.”

ISAYA 55:6

Ayara ECHOTYON otini tökenyoru, okurö nyinte otini tökïlekït.

ISAYA 60:3

Soru löpoyïntöngu pipö koros, pkonchini pöytoghï löpoyïntöngu nyo kayek.

ISAYA 66:18

Onkïtön kinonutkökwa nko ighisyewutkökwa. Ongwïnan ataghamït pich pipö punton löwïr. Sïwïyi nyu otini kötuyö chane, kïgh nyo muköy owesyenyan kwighöy

YEREMIA 33:16

Kïsöru pipö Yuda nko Yerusalem kïtïpï ompö kalya akïsïköy kanasyantanoni kaynat nyo kïlentöy, ‘ECHOTYON nyo le sörunintencha.’

OSEA 13:4

Wölo ochan ECHOTYON Tororötïngu nyo kyomïtuneninyi koro Misri Amöminye Tororöt anka nyo isoghenyi kïpoto ani, amöminye ghetin anka kïpoto ani.

MIKA 5:4

Ngetöy nyu akïpayta pikachi, ompö owesyo ECHOTYON, ompö konyït pö kaynata ECHOTYON Tororötïnyi. Möngisïyi pikachi ompö kalya, ompöwölo kikwororit nyinte ompö ngwïny kïmïkul,

MIKA 7:7

Wölo okönyan nyo le ani ECHOTYON onkït okönyan Tororöt pö sörunötenyan, terwanïn akï sörwanïn Tororötïnyan.

SAKARIA 12:10

“Onyïghitan mïkulöwu kisyonchin nko saghat pipö ara pöytoghin Daudi nko pipö kanasyanta Yerusalem. Ato topön chane nyinte nyo kipara chok, kïsönönchï le chi nyo sönönchini montanyi nyo le akonga atoma, anta le nyo kamegha poretyenyi.

YOANA 6:40

Ompöwölo mököy Paponyan lö tösïch pich löwïr söpon pö kokay cho sïwïyi Wero Tororöt akughan nyinte ataghan chane kututu asispa söröm.”

TITO 2:13

otini kïmïtecha keköngöy Asis nyo soyönote, otini kiporu ororyo tororötïnyo nyo wow tya nko Ghetintenyo Yeso Kristo.*

EPRANIA 12:2

Ketanga wölo mi Yeso, nyinte nyo le kitorinte akï nyinte nyo puntoy kighanatenyo. Kimïkukönö nyinte kimurtöwon akwompö ngörekyö nyo kimi tawunyi. Wölo kimas arasï nyo pö kuwongunöto kimurtöwon, akï mi ye okumpö tagh nyo pö ngacharu paytaghpa Tororöt.

2 PETRO 1:1

Kakiran palalyantanï ante Simon Petro nyo ochï mötworin achï akonga ompö kiyoktoghinto* Yeso Kristo.* Kakirwakwa cho kyonyorï kighanat nyo pö olyot nyo wow lenyini kikïnyorucha ompö manpa Tororötïncha nko Ghetintencha Yeso Kristo: