ISAYA 45:20 - PIPÏLIA

²⁰ Mwoghöy ECHOTYON lö, “Akwa puntoni ngwïny cho le ngötunön, aghamïtuna kegh apkan atökerwokwok! Wechï sölwöy pich cho ipsötoy körkeyïntin cho kikigha ket, akïsagh tororötin cho memukönye kïsörï pich!

ISAYA 45:20 ပူးပေါင်းရင်းမြစ်များ

2 OTÖPTINO OSIS 25:15

Kïnarek ECHOTYON kïnörekyï Amasya, atolapay kïyonta werkoyon kïwö wölo mi nyinte. Kïlenchï werkoyontonay nyinte, “Ompö ne tetwaytena kegh tororötino pich walak cho memïcha ompö tökïsörï pikachi kegh kïsörunö moriku.”

2 OTÖPTINO OSIS 28:23

Kyomchï tororötino Damaska cho kirïnta nyinte amöros, ompöwölo kinan lö, “Mi tororötino pöytoghi Sirya kungöroköy chane, kïlenyona omchinan amöros atökungarakan tïkwïl.” Wölo kwipchï ngalechoni nyinte nyarïl nko Israel kïmïkul.

TUMWÖY 115:8

Chane cho kitang kïkarkegh nko tïkuchoni kigh lenye nyoni tïkwïl cho twoytoy kegh tïkuchoni.

ISAYA 4:2

Itu asis ato ighöy ECHOTYON kösïghyon anka tïkwïl nko ket anka tïkwïl nyo mi ngwïny kusïl akïpit kïyetï akïpïchighit. Ngörökyini pipö Israel cho le ngötunön akwa cho pitu cho pkono korononi.

ISAYA 41:21

Lentöy ECHOTYON pöytoghinto Israel, “Opunö ngalekwo tororötino pipö punton. Opunö ngalekwo löwïr cho komontoy kegh!

ISAYA 43:9

Okurunö pipö punton kïpka kerwokyï, nya kuryam pich löwïr. Ayo nko tororötïngwa ompö akonga nyo ngoröy kïgh nyo igho? Nko ompö chane nyo kingor kïgh nyo mi ye kwigho? Akanya kwipï tororötinechoni löwïr söwikwa atökuporï lö mwoghöy chane ngala man, atökïsöwintönchï lö melö put ngalekwa.

ISAYA 44:10

Melö nyiwu kïgh ato ketany karïn kïlïkwï körkeyïn akesagh le tororöt!

ISAYA 44:9

Kwïle pich tïkwïl cho soghöy körkeyïntin cho kikipat akïsagh tororötin cho pïchighöch. Köryote akï sölwöy pich cho soghöy tororötin cho lata choni.

ISAYA 46:1

“Kikwitïta sörömu tororötino Papilon! Pel nko Nepo cho kikïsoghöy könyisyok, wölo kakïkasana ye nyu chane sïkïröy, nïkisïn nyo kituny kyak kwoghochö.

ISAYA 48:14

“Aghamïta kegh akwane ater! Nko tororötïnkwa ompö akonga nyo kimï kïngor lö tïkuchï? Ochöman ante ECHOTYON Sayras, nyinte nyo lïtitöy kerötenyan ompö Papilon, ay, nyinte nyo pöröy pipö Papilonia.

ISAYA 57:13

Akanya kïsörwokwa tororötinechï pö körkeyïntin otini orirchinekwa chane! Kutïtoy chane yomat! Poto pich cho ghönanïn cho möngöy kor akïsaghanïn ompö Konyan nyo pö saghat.”

YEREMIA 10:14

Sölwö ptangengmöt akï kwöngön, nömöy arasï pïchay ighöy körkeyïntin, ompöwölo pö putintön tororötinechï le körkeyïntin amötïngcha söpon.

YEREMIA 10:5

Karkegh körkeyïntinekwa choni nko tïkuchay kimugho törit ompö para marakwen. Memuköcha kokay kïngalan, kïsïtotoy ompöwölo memuköcha kïpesta. Maway körkeyïntenechoni, medonekwanye kïgh amöminye köromnyö nyo muköy kwighwekwa.”

YEREMIA 10:8

Sölwöy akïtïsyote löwïr, mi so kïgh nyo muköy kunet chi körkeyïntinechay kikipata ket?

YEREMIA 48:13

Nömöy nyu arasï pipö Moap ompö tororötïngwa Kemos le wölo kinamta asistanka arasï pipö Israel ompö Petel tororötïngwa nyo kitwayta kegh.

YEREMIA 48:47

Wölo kamwaghan ante ECHOTYON lö ompö osis cho pkonöy, osoyönan Moap kïnyorï tïkwïn ngat le nyo kipö tagh.” Teno choni ngala kirwok nyo nyoru pipö Moap.

YEREMIA 50:28

“Atere köny! Peru pich cho chïwïtyeghö Papilon akïpka kïmwatïtegha Sayon wölo töktoy ECHOTYON Tororötïnyo ompö pipö Papilon cho kinyar Konyi nyo pö saghat.

EPESO 2:12

Onkïtï lö kyochikwa lowöch nko Kristo osiswechoni, kyomitekwa sanypa pipö Israel. Kyochikwa pïnot akimoghönekwanye kïgh ompö kiyomisut pö Tororöt. Kimotïngetekwanye kikönöt akimononekwanye lö mi Tororöt ngwïnyinï.

EPESO 2:16

Atö kuwany megha Kristo punyontönengwa ompö kimurtöwon, akumï kunyoryö puntonichoni kwodeny kïlïkwï por akonga akuyokwï chane kïmïlisyö wölo mi Tororöt.