ISAYA 45:18 - PIPÏLIA

¹⁸ Ompöwölo mwoghöy ECHOTYON, nyo kigh yïmwöy lö, nyinte kï Tororöt! Nyinte nyo kigh ngwïny kughyö kokay. Melö kigh ngwïnyinï kïlïkwï siriron, wölo kigh kïlïkwï wölo möngöy pich. Nyinte nyini lentöy, “Ochan ECHOTYON akï möminye anka.

ISAYA 45:18 ပူးပေါင်းရင်းမြစ်များ

TOWUNÖT 1:1

Otini le towunöt, kigh Tororöt yïmwöy nko ngwïny,

TOWUNÖT 1:2

kimörumunye ngwïnya le kïgh nyonikïny, akipuryö kïgh nyo kimi orinyi. Kilum tuwïn nanam akimi mïkulöwu Tororöt kïwestegho pögh parak.

TOWUNÖT 1:26

Atolapay kïlö Tororöt, “Kegha chi ompö kïtontönyo, nyo karkegh nko achone tökïpayta kaghagh nko törit nko kyak nko tïpö wudïn löwïr cho mi wuw, cho echön nko cho mïnkech.”

TOWUNÖT 1:28

Kusoyön Tororöt chane akïlenchï, “Oyiyenö achangitï atanyïghita ngwïny apayta. Apaytena kaghagh nko törit nko tyonkïn löwïr cho mi ngwïny.

TOWUNÖT 9:1

Kusoyön Tororöt Noa nko werkachi akïlenchï, “Osïch monïng cho chang tösisyö atanyïghita ngwïny.

TUMWÖY 115:16

Pö ECHOTYON yïmwöy, wölo kitö ngwïny ptangengmöt.

NGÖTÏNYÖ 30:4

Ngo nyo kapusta yïm akïrokwï nya? Akï ngo nyo kakïghamïta yomat morïnenyi? Ngo nyo kamömönchï pögh sïra? Akï ngo nyo kichïchim luchtina ngwïny kïmïkul? Ngo kaynenyi akï ngo kayneto werïnyi? Inkïtönyi nyoman!

ISAYA 42:5

Kigh Tororöt yïmwöy akughïtö, kighïtö ngwïny akutö tïkwïn löwïr cho möngöy orinyi. Kitö pich kimïny cho möngöy wöloni mwochini ye nyu ECHOTYON Tororöt mötworintenyi lö,

ISAYA 44:24

Lentöy ECHOTYON, sörunintengu, nyo kighinyi ompö muyeto yongu, “Ochan ECHOTYON nyo kyagh tïkwïn löwïr. Ani onkït nyo kyoghïtö yïmwöy, aghan ngwïny onkït ompö owesyenyan kegh.

ISAYA 45:12

Kyaghan ngwïny aghan ptangengmöt tökïmang orinyi. Kyoghïtan yïmwöy ompö owesyenyan, apöytonan asis nko arawa nko kokel.

ISAYA 48:13

Kigh ewunechan pchörino ngwïny, akughïtö wölnö le mïröt. Otini kokurön ngwïny nko yïm pkonöy chane panini.

ISAYA 51:13

Kewutyeghenyi so ECHOTYON nyo kighinyi, akughïtö wölnö le mïröt akïtek pchörin cho tighöy ngwïny? Akwompö ne tetöpenönyi ompö nyökoryö ompö pich cho reyinyi nko cho mi kïpsach kïparinyi? Melö tökumuköy sïngiryengwa kïswonginyi ngat.

YEREMIA 10:12

Nyinte ECHOTYON nyo kigh ngwïny ompö owesyenyi. Kipintit kor ompö ngöghomnyenyi akukarkar yïmwöy ompö chïreryenyi.

YEREMIA 51:15

“Nyinte ECHOTYON nyo kigh ngwïny ompö owesyenyi. Kipintit kor ompö ngöghomnyenyi, kighïto yïmwöy ompö chïreryenyi.