ISAYA 45:13 - PIPÏLIA

¹³ Ani kegh nyo kangetnet Sayras kwigh kïgh, atökupuntö machatenyan kïpïntö, akïsat tïkwïn cho kighachitu kuten. Oghïtonan or anka tïkwïl nyo wegho nyinte. Teköy nyinte ngat kanasyantenyan Yerusalem akutyak piköchan cho rötote. Möminye chi nyo kal nyinte anta nyo ketö ropöw tökwigh ighisyononi.” Mwoghöy ECHOTYON Kimuktoghin.

ISAYA 45:13 ပူးပေါင်းရင်းမြစ်များ

ESRA 1:3

Omïlisyenö Yerusalem nyo mi koro Yuda akwa löwïr cho ochï pikachi atek ngat Kö pö ECHOTYON Tororöt pö Israel, nya kungarakakwa Tororöt nyo mi Yerusalem.

TUMWÖY 65:5

Kewöghökunyi aisörwecha ompö töngönchin, we Tororöt, nyo le sörunötencha. Twoytoninyi kegh pich ompö ngwïny kïmïkul ntökwit sörömu nanam.

NGÖTÏNYÖ 3:6

Twaytena kegh nyinte ompö ngaleku löwïr, tökulïtit nyinte ortïneku.

ISAYA 13:17

Mwoghöy ECHOTYON lö, “Ongetan pipö Mede tökïpa kïporyeghö Papilon. Melö yitöy chane silpa, amelö ngörekyini chane koltin.

ISAYA 14:17

Akï nyinte nyanye kiwur kanastin akïwaghach kor kïlïkwï surkwen nya? Akï nyinte nyanye kitagh kutyak pich cho kirat kïpechï kegh kestonikwa?’

ISAYA 41:2

“Ekï ngo nyini kimïtuna chi nyo awes kongasis, akwigh nyinte kïrïnta pungkachi ompö woptin löwïr? Ngo nyini töni nyinte owesyö nyo rïntegho pöytoghï nko pipö punton? Pöro chane chokenyi kïtïryalit le terïtyon. Toyegho chane kotichi le mopö cho kakut yomat.

ISAYA 41:25

“Kakïlan chi nyo möngöy kongasis, oyonunan nyinte kupokinokwa ompö okumpö löt. Tïkotoy nyinte pöytoghï le norayon, kïle wölo idoy ighinto tören mönö.

ISAYA 42:6

“Ochan ECHOTYON, nyo kokurinyi ompö man, onömotoninyi egh aripinyi. Otötoninyi le muma* ompö pich ailïkwï löpoyïn ompö pipö punton,

ISAYA 44:28

Olenchinan pöytoghin Sayras, ‘Ichinyi mösöwontenyan nyo intöghoghchini piköchan, nyi nyo ilïtitöy möchutköchan löwïr. Ighenyi ketek ngat Yerusalem atöketor teksyo Kö pö Tororöt.’ ”*

ISAYA 45:2

Ani kegh nyo ontöghoghunyi, oporan kutïngkot ompö tawungu kïrumï or. Omïreghan kukotikwa pö taghöy kïlïkwï syawsyaw, atörotörön möröwekwa cho pö karïn kïmïrisyö.

ISAYA 46:11

Okuran chi kungwïna kongasis, nyo wokini kïgh ompö ngwïny le sirörö atökupuntö kïgh nyo kyatatan. Kangalanan akwigho lenyini.

ISAYA 49:25

Mölyöngu nyu ECHOTYON lö, “Nka nyoni kïgh nyo igho, kïsöro askaryan mampustin akerit tïpö chi nyo kolkol. Oporyeghonan chi anka tïkwïl nyo poryeghenokwa asörunan monekwa ompö morikwa.

ISAYA 52:5

Anyï ye nyu kegha kïgh nyo lata nyoni ompö koro Papilon. Ochikwa rötote akï möminye kïgh nyo kikyalenakwa. Kwolöy kegh pïchoni pöytonokwa akunisonchö akïsasanïn.

MIKA 4:10

Ochïtö ompö ngwonïn akwa pipö Sayon, le korka nyo kïghöy. Ompöwölo opeghenekwa kanasyantanï apa amang wuw. Opetekwa Papilon alïkwï pïnot. Kisörwokwa nyu ompö wölini, sörwokwa ECHOTYON, ompö mori pungkökwa.