ISAYA 45:12 - PIPÏLIA

¹² Kyaghan ngwïny aghan ptangengmöt tökïmang orinyi. Kyoghïtan yïmwöy ompö owesyenyan, apöytonan asis nko arawa nko kokel.

ISAYA 45:12 ပူးပေါင်းရင်းမြစ်များ

TOWUNÖT 2:1

Kïlenyona, kwighisyö yïmwöy nko ngwïny nko tïkwïn löwïr cho mi oringwa.

ESRA 1:2

“Kamwa Sayras pöytoghinto Pasya lö, kikonanïn ECHOTYON Tororöt pö yïm apayta ngwïny kïmïkul, akïmwowanïn otekyan nyinte konyi ompö Yerusalem nyo mi koro Yuda.

NEEMIA 9:6

Atolapay kïsagh Esra lö, “Ichinyi ECHOTYON onkït, kighanyi yïm nyo pö yïmwöy nko kokel nko ngwïny nko tïkwïn löwïr cho mi ori. Akighanyi nanamtin nko tïkwïn löwïr cho mi ori. Ikomönenyi chane löwïr akï soghinyi söpïchis pö yïm.

AYUPU 37:18

Imukenyi körkore yïm le Tororöt aigh kwangerit akuryal le kiyo nya?

TUMWÖY 102:25

Kighanyi ngwïny otini le könyisyok, aighenyi ewuneku yïmwöy.

TUMWÖY 104:2

ilokyinenyi kegh löpoyïn le sïra, aighïtenyi yïm le sïra nyo wow

ISAYA 37:16

“ECHOTYON Kimuktoghin, Tororöt pö Israel nyo impuruno ngacharungu nyo mi paraku kerupim,* nyi onkït nyo ichï Tororöt nyo ipöytoy pöyunötin löwïr cho pö ngwïny. Kighanyi ngwïny nko yïm.

ISAYA 40:12

Akïmi chi nya, nyo muköy ntökupima ewunechi nanam anta pima ewunechi yïm? Akïmi chi nyo muköy kïtökögho nyïngwïtyanta ngwïny kölöw anta pima kilen kutïngkot cho echön nko cho mïnkech?

ISAYA 40:22

Kigh nyinte nyini töpo ngacharunyi nyo mi wölnö le mïröt, poltoy parak. Karkegh pich cho möngöy ngwïny ompö nyinte nko kolyong. Kighïtö yïm le ananka le ema nyo kïmöngöy.

ISAYA 40:26

Otopöne köny, wölnö le mïröt! Ngo nyini kigh kokel cho osïwïyekwa? Nkït nyinte nyini ntöghoghchini chane le pipö lïk lö tya chane tïkwïl, akïkuröy kaynötutkökwa löwïr! Wow tya owesyenyi, möminye ompö akong nyo potöy kokay!

ISAYA 40:28

Tomönye so nkïtunönyi? Akïtomönye lïmanyi so? ECHOTYON kï Tororöt pö kokay. Kigh nyinte ngwïny kïmïkul, melö meghöy mu anta aghach, möminye chi nyo nkïtu kinonutkachi.

ISAYA 42:5

Kigh Tororöt yïmwöy akughïtö, kighïtö ngwïny akutö tïkwïn löwïr cho möngöy orinyi. Kitö pich kimïny cho möngöy wöloni mwochini ye nyu ECHOTYON Tororöt mötworintenyi lö,

ISAYA 44:24

Lentöy ECHOTYON, sörunintengu, nyo kighinyi ompö muyeto yongu, “Ochan ECHOTYON nyo kyagh tïkwïn löwïr. Ani onkït nyo kyoghïtö yïmwöy, aghan ngwïny onkït ompö owesyenyan kegh.

ISAYA 45:18

Ompöwölo mwoghöy ECHOTYON, nyo kigh yïmwöy lö, nyinte kï Tororöt! Nyinte nyo kigh ngwïny kughyö kokay. Melö kigh ngwïnyinï kïlïkwï siriron, wölo kigh kïlïkwï wölo möngöy pich. Nyinte nyini lentöy, “Ochan ECHOTYON akï möminye anka.

ISAYA 48:13

Kigh ewunechan pchörino ngwïny, akughïtö wölnö le mïröt. Otini kokurön ngwïny nko yïm pkonöy chane panini.

ISAYA 51:13

Kewutyeghenyi so ECHOTYON nyo kighinyi, akughïtö wölnö le mïröt akïtek pchörin cho tighöy ngwïny? Akwompö ne tetöpenönyi ompö nyökoryö ompö pich cho reyinyi nko cho mi kïpsach kïparinyi? Melö tökumuköy sïngiryengwa kïswonginyi ngat.

YEREMIA 27:5

ani nyo kyagh ngwïny nko pich nko tyonkïn cho söpsot cho mi ngwïny kïmïkul ompö owesyenyan nyo wow, atöninan chi owesyö lenyini kachaman.

YEREMIA 32:17

“Nyi we Echotyon TORORÖT, nyo kigh möminye kïgh nyo pölinyi!

SAKARIA 12:1

Lentöy ECHOTYON nyo kikarkar yïmwöy akwigh ngwïny akutö söpon ptangengmöt,

KINONO KIRURUT 4:32

“Tepe köny ngala könyisyok, osis cho kitomönye keyiyinyi, kïngata otini kigh Tororöt chi ompö ngwïny. Aiyar ngwïny kïmïkul tesïwena lö ekïmi kïgh nyo wow nyo teno nyete nyo kikwigha anta mi chi nyo kakïlïm kïgh nyo wow nyo teno nyete?

EPRANIA 11:3

Pköchinecha ompö kighanat lö kigh Tororöt yïm kwigha ngölyontenyi atö kïlïkwï lö tïkuchï kïsïwïyi kï kikigha tïkwïn cho mökïsïwïyinye.