ISAYA 45:1 - PIPÏLIA

¹ Lenchini ECHOTYON Sayras nyo kikïl kïlïkwï pöytoghin, “Kokoninyi owesyö rïntena koros cho mi tawungu, ikwönteghonyi pöytoghï ngöcherwekwa pö paytagh. Oyotunyi ante ECHOTYON ortïna kanastinekwa.

ISAYA 45:1 ပူးပေါင်းရင်းမြစ်များ

1 PÖYTOGHÏ 19:15

Kïlenchï ECHOTYON, “Mïlena aiwö ara surkwen nyo weröy ato lekïto Damaska, atolapay ilït kanasyan aiyil Asael kïlïkwï pöytoghinto Sirya.

ESRA 1:1

Kipuntö ECHOTYON ngölyontenyi ompö könyi tagh nyo pö paytaghpa Sayras nyo pö Pasya ompö kuti Yeremia. Otini kigh pöytoghin kïmwatïta ngalechï kïghömï pöyunötenyi akukir lö,

ESRA 1:2

“Kamwa Sayras pöytoghinto Pasya lö, kikonanïn ECHOTYON Tororöt pö yïm apayta ngwïny kïmïkul, akïmwowanïn otekyan nyinte konyi ompö Yerusalem nyo mi koro Yuda.

AYUPU 12:21

Mïlchini arasï wowïntin akupörchoch nyakanata pich cho owesöch.

TUMWÖY 73:23

Wölo kïrkegh kïlenyoni, we Tororöt, anyï omitan nko nyi kïnomnyö aiminyi inömöy ewunyan.

ISAYA 13:2

Kakïsyolö pentera poryot nyo puryö ket! Oteghchinö pipö lïk, asyol ewunekwo atökuporchï chane lö ketïta ato poryegho chane ortïna kanasyantanoni kwolöy kegh.

ISAYA 13:3

Kimwochï ECHOTYON pikachi cho owesöch, cho nisonchot kïset lïk nyo tïlil, atökïpa kunyaril kong pich cho kisus nyinte.

ISAYA 41:13

Ochan ECHOTYON Tororötïnkwa nyo okilokwa lö, ‘Mowöghisyö, ongörochokwa.’ ”

ISAYA 41:2

“Ekï ngo nyini kimïtuna chi nyo awes kongasis, akwigh nyinte kïrïnta pungkachi ompö woptin löwïr? Ngo nyini töni nyinte owesyö nyo rïntegho pöytoghï nko pipö punton? Pöro chane chokenyi kïtïryalit le terïtyon. Toyegho chane kotichi le mopö cho kakut yomat.

ISAYA 41:25

“Kakïlan chi nyo möngöy kongasis, oyonunan nyinte kupokinokwa ompö okumpö löt. Tïkotoy nyinte pöytoghï le norayon, kïle wölo idoy ighinto tören mönö.

ISAYA 42:6

“Ochan ECHOTYON, nyo kokurinyi ompö man, onömotoninyi egh aripinyi. Otötoninyi le muma* ompö pich ailïkwï löpoyïn ompö pipö punton,

ISAYA 44:28

Olenchinan pöytoghin Sayras, ‘Ichinyi mösöwontenyan nyo intöghoghchini piköchan, nyi nyo ilïtitöy möchutköchan löwïr. Ighenyi ketek ngat Yerusalem atöketor teksyo Kö pö Tororöt.’ ”*

ISAYA 45:5

“Ochan ECHOTYON, amöminye anka. Möminye Tororöt anka kïpoto ani. Okoninyi owesyö kïrkegh menkïtanïnyinye.

ISAYA 48:15

Ani kegh nyo kyongölonchï akur nyinte. Kyontöghoghchan nyinte asoyön arenyi.

YEREMIA 27:6

Nyete le ye, kotönön koroschï löwïr mori mötworintenyan Nepukadnesa, pöytoghinto Papilon kotönön tïkwïl morichi tïpö wudïn atökïpöghisyechï nyinte.

YEREMIA 43:10

Atomuchö, ilenchï pïchoni pö Yuda lö kamwaghan ante ECHOTYON Kimuktoghin, Tororöt pö Israel lö, omïtunan Nepukadnesa, pöytoghinto Papilon, nyo le mötworintenyan, Ngwïnöy kutöni ngacharunyi pö paytagh kughyongö paraku koghichï kotïpchan yi akïparta emenyi nyo pö paytagh koghichoni parak.

YEREMIA 50:3

“Ompöwölo, ngwïno korö okumpö löt kïporyegho Papilon akunyar kekarkegh nko surkwen. Ryöghöy akïtoyeghö pich nko tïpö wudïn korononi, kïlenyona puryö chi anta tyompö wuw nyo möngöy korononi.”

YEREMIA 50:35

Lentöy ECHOTYON, “Kïpöröy pipö Papilonia, nko pich cho möngöy Papilon nko kintöghoghï nko pikachi cho ngöghomöch.

YEREMIA 51:11

Lentöy ECHOTYON, “Owïkunan pöytoghi Mede pkonöy kïpöröy Papilon otökisïyan ompöwölo kinyar Konyan. Alïta kotikwo! Ateka longoy!

YEREMIA 51:30

Kikelot lïko Papilon ompö poryot köwïnchï kegh wölo mi teköwekwa amökïtïngcha owesyö nyonikïny karkegh nko kor. Kikeriy kukot pö körin ompö kanastina Papilon, akepela ma korikwa cho möngöy.

YEREMIA 51:58

Rulsot nïyet pö kanastina Papilon cho töpesöch kïpelöy lömïs kukotichi cho koghöch. Kwïle pöghisyö nyo kegh pich, akawirta kegh koroswö kwïle. Ompöwölo sörömu tïkuchoni kï kepela ma.” Mwoghöy ECHOTYON Kimuktoghin.

ESEKEL 29:20

Kyotönön nyinte koro Misri kïlïkwï mïsyarechi ompö kasinini kïgh nyinte ompöwölo kipöghisyewanïn chane. Mwoghöy Echotyon TORORÖT.

DANIEL 5:6

Kwotyö pöytoghintö akïmïgh nyoman ntökïpotonchö kelyon.

DANIEL 7:5

“Kilata tyontö nyo pö odeny chepökerï. Kighyongtegho kelyo löt akimi kutinyi köroswö sömökï, kelenchï, ‘Ngeta ama panye kïmïchin!’

DANIEL 8:3

Asïwan makal ompö sörömu lalwanay nyo tïng kuy odeny cho koghöch. Kikogh anka kïtïl anka. Kikogh nyo kipitï lötï ompö nyinö anka.

DANIEL 8:4

Asïwan makalanay kwam sirmoy ompö kuyechi kutang okumpö ta nko okumpö löt nko ewu tagh. Kimöminye tyony nyo kimuköy nyinte anta chïwït ompö owesyö nyo kitïng, kip kegh parak akwigh le ato kimököy.

NAUM 2:6

Atolapay kïyat pung kukot cho kimi okumpö lalwa, kïwir nyu otyogh nyo wow pipö ka pöytoghin.

NAUM 3:13

Körkör pipö lïkengu le kor ompö poryot. Makïmicha mïrön cho ghetöy pich ato pokï pung. Pelöy ma kari kukoti kanastinekwa lömïs.