ISAYA 44:3 - PIPÏLIA

³ “Ompöwölo oyinan pögh kor wölo tïyame, aghan kor nyo le siriron kuyintegha pögh. Omïlchinan mïkulöwunyan moneku, amïlchan kisoyönutkachu yiyengu.

ISAYA 44:3 ပူးပေါင်းရင်းမြစ်များ

AYUPU 5:25

Isïwïyenyi ngat lö chongitu moneku akïchangit yiyengu le sus.

TUMWÖY 107:35

Kigh nyinte surkwen ngörpilwo pögh akwigh wölo tïyame kïlïkwï kori pöghon.

TUMWÖY 63:1

Ichinyi, Tororötïnyan, we Tororöt, oyörinyi köninyi portönyan nyoman, omchinanïn maral nyi, le kor nyo tïyame nyo puryö pögh.

NGÖTÏNYÖ 1:23

Atera kinetutkochan oyinokwa kinonutköchan aporwokwa ngalechan.

ISAYA 27:3

“Oripan parenyu, apïsö pögh kïnomnyö, kïnomnyö, arip nangat nko pöghet, atömengwïn chi kunyar.

ISAYA 32:15

Wölo tökïyonwecha Tororöt mïkulöwunyi ngat. Wöghöko korö wölo tïyame kïlïku paren cho okwoghöch akïrïro omisyö nyo wow.

ISAYA 32:2

Kikongityot atoni chi nko wölo kïghïpchegho ompö yomat nko wölo kikolo ompö chepkiriri. Kikongityot chane nko lalwatïn cho yintoy kuweröy kor wölo tïyame, akïkarkegh nko rurwo kogh nyo wow ompö kor nyo ngwan maral.

ISAYA 41:17

“Akwoto yaranïn piköchan otini kyam maral kïngwanit otini kingötyö sïghinywö ompö maral, oterchan nyu ani ECHOTYON saghatengwa, mochopanye chane, ani nyo ochï Tororöt pö Israel.

ISAYA 48:19

akitö chongitu monekwa le ngayam, akitö oripan chane tömökiwany ompö tawunyan.”

ISAYA 48:21

Melö kiwongwï ompö maral pipö ECHOTYON, otini kimït nyinte chane kuwer surkwen. Kigh ghat kïkosunö pögh cho kigha chane, kikarer ghat kïpesyö kïmïluna kegh pögh.

ISAYA 49:10

Momöcha kömöy anta maral. Melö pelöy asis amedonye kïgh yomo surkwen, ompöwölo ntöghoghchini nyinte nyo syonchini chane. Ntöghoghchini chane ntökwit kori pöghon.

ISAYA 55:1

Mwoghöy ECHOTYON lö, “Nyonö chi anka tïkwïl nyo omin maral, achï pöghe ghegha! Nyonö nyo chopöy ropïyen, nyonö ala aiyomisyö! Nyonö ala dipay* nko chö! Melö mito kïgh nyo itötonyi akï puryö olyot!

ISAYA 59:21

Atolapay aman mumanï* nko akwa: Töpo nko akwa kokay, Mïkulöwunyan nyo mi nko akwa, nko ngalechan cho kotönön kutïwekwa. Töpisot tïkwïl nko monekwa nka monekwa, kïngeta ye kutang tagh, kokay nko kokay.”

ISAYA 61:9

Ororitu piko arengwa ompö pipö koros, akunkïtu chi anka tïkwïl nyo sïwïyi lö, pich chane cho kakusoyön ECHOTYON.”

ISAYA 65:23

Melö wiröy wuw ighisyö nyo ighöy chane, amönyorucha monekwa nyarïl. Osoyönan chane nko piko arengwa ompö osis cho pkonöy kokay.

ESEKEL 34:26

Osoyönan chane nko koros cho kewit kutïngtönyan nyo tïlil. Oyokyinan chane rop otini kösyökï, kïlïkwï pkopïs pö kisoyonöt.

ESEKEL 36:27

Otönan nyu mïkulöwunyan kïtöpö orinkwa tökwighekwa arïpa ngalechan nko kirurutköchan lasiny.

ESEKEL 39:29

amelö topörchinan chane patagh kokay, ompöwölo omïlchan chane mïkulöwunyu.” Mwoghöy Echotyon TORORÖT.

ESEKEL 47:8

Kïlenchanïn chichay, “Yintoy pöghechï kutöngöy okumpö kongasis akïröytö Arapa atolapay kïlït nanampa Paryan. Otini kilïtöy pöghechï nanam kïkaramachitu.

OSEA 10:12

Akatkata köromnyö ompö tösunötengwo atonyorunö akwa chomnyogh nyo mewonyotnye. Angora parenichay kiruyö ompöwölo ketomtö ato kïyöröy ECHOTYON ye tökungwïn kïropönï kisoyönut.

YOEL 2:27

Onkïtunekwa lö omitan kwenu pipö Israel ankïtunkwa lö ani nyo ochï Tororötïnkwa nyo möminye anka, amöketöninye ngat piköchan arasï.

YOEL 2:28

“Kïkany ompö osis cho pkonöy, omïlchinan mïkulöwanyan pich löwïr ngorsïyi werkökwa nko tipikwa rwotïtoy poyikwa kirwotïtogh kïngonchini chumwakökwa ngongut.

YOEL 3:1

Mwoghöy Tororöt lö, “Oyokyinan Yerusalem nko Yuda ororyenyi nyo pögh tagh pöghetunoni pö osiswechoni.

YOEL 3:18

“Akwompö asisoni yinuno kutïnkot dipay cho kirïr, kuyinuna ronkotïn chö, akuyintoy lalwatïna Yuda lapay, akïghyögho kompa pögh Kö pö ECHOTYON Tororöt.

MIKA 5:7

Kilïkwï nyu pipö Israel cho pö man kisoyönöt ompö punton le röyon nko rop nyo konu ECHOTYON kingarak kïgh anka tïkwïl cho melö kiköngöy kïkonu pich anta ropï pich.

SAKARIA 12:10

“Onyïghitan mïkulöwu kisyonchin nko saghat pipö ara pöytoghin Daudi nko pipö kanasyanta Yerusalem. Ato topön chane nyinte nyo kipara chok, kïsönönchï le chi nyo sönönchini montanyi nyo le akonga atoma, anta le nyo kamegha poretyenyi.

MATAYO 12:43

“Ato ngeta chi oyin nyo le sïmnyon, kuwerotoy kor wölo mömicha pögh kïyöröy wölo mungo, ato mönyorïnye

IGHISYEWUT 10:45

Kïtangany pipö Yaudi cho kikughan cho kipkono Yopa nko Petro otini kisïwa lö ketö Tororöt pipö punton tïkwïl Mïkulögh nyo Tïlil.

IGHISYEWUT 2:17

‘Mwoghöy Tororöt ompö osiswo söröm lö, Otöninan pich löwïr Mïkulöwunyu. Ngorsïyi werkökwa nko tipikwa sïwïyi chumwakökwa kiporut rwotïtöy poyikwa tïkwïn.

IGHISYEWUT 2:33

Ompöwölo kiketöror nyinte aketö kïtöpö okumpö tagh nyo pö Tororöt, akïtach ompö kwanta ayomis nyo pö Mïkulögh nyo Tïlil. Kunka nyete kökonï nyu kïyete osïwïyekwa ye alïmöy.

IGHISYEWUT 2:39

Ompöwölo nyinkwa kiyomisötononi nko monekwo nko löwïr cho mi wölo low nko tïkwïl cho kuröy Echotyon Tororötïnyo kipkonchï nyinte.

NGONGUT 21:6

Akïlenchanïn, “Kikwighisyö! Ochan Alpa nko Omeka towunöt nko söröm. Otöninan chi anka tïkwïl nyo amate maral kïgheghöy pögh kwïle cho pkono kongpa pögho söpon.

NGONGUT 22:17

Kölenchï Mïkulögh nko Mïrara kensyö Yeso, “Nyonö!” Akï anka tïkwïl nyo kalïm ngölyontonete, kïmwa tïkwïl lö, “Nyonö!” Anka tïkwïl nyo amate maral akömököy, kumuköy tach kungwïn akï pögho söpon, cho pö kwïle.