ISAYA 44:2 - PIPÏLIA

² Ochan ECHOTYON nyo kyaghakwa, kyangarakakwa kïngetunö otini kikïyiyokwa. Mewöghisyö, akwa pipö Yakopo mötworichu, piköchan cho kakïlan achömonan kegh.

ISAYA 44:2 ပူးပေါင်းရင်းမြစ်များ

TUMWÖY 46:5

Mito Tororöt kanasyantanoni amemukonye ntöketimtim, ngwïnöy Tororöt kungöroköy otini le kiwasan.

TUMWÖY 71:6

Kyotighan kegh nyi kïngata otini kikïyiyanïn, nyi nyini kimïtwanïn angwïna muyeto yonyu. Osölinyi kïtenö osis.

TUMWÖY 95:6

Apkana kengïrukisyenö akesagh nyinte, kekïtïngenö tawu ECHOTYON Ighintenyo!

ISAYA 27:11

Silonchot mori ket akïmïrisyö, atolapay kïghamït korï kïlïkwï kwenkakwa. Akwompöwölo melö kisïkwï pich kïgh, kïtagh Ighintengwa Tororöt kusyonchï chane.

ISAYA 41:10

Amowöghisyö, omitan nko akwa! Ochan Tororötïnkwa momïghyö! Oghokwa osïke owesyö, angarakekwa, oghetokwa, asörwokwa.

ISAYA 41:14

Mwoghöy ECHOTYON lö, “Kïrkegh kochikwa mïnkech we pipö Israel, wölo mowöghisyö, ongörokokwa. Ochan sörunintenkwa, Tororöt pö Israel nyo Tïlil.

ISAYA 41:8

“Wölo akwa pipö Israel, cho ochï mötworichan, ochikwa pich cho kyakïlakwa, ochikwa pipö ara Apraam, mötworintenyan.

ISAYA 43:1

Kangalan ECHOTYON, nyinte nyo kighinyi we Israel lö, “Mewöghisyö, osörunyi. Kokurinyi ompö kaynengu, ichinyi nyinyan.

ISAYA 43:21

Piköchan chane cho kyaghan akïlchan kegh, tökïtumwanïn chane sölut!”

ISAYA 43:5

Mowöghisïyi, ompöwölo omitan nko akwa! “Omïtunan kaw piköku kïpkana koros cho lowöch, kïngetunö wölnö le kongasis ntökwit to.

ISAYA 43:7

Piköchan chane kegh, cho kyaghan tökwipkanïn ororyö.”

ISAYA 44:21

Lentöy ECHOTYON, “Nana we Yakopo ngalechï, nana we Israel lö ichinyi mötworintenyan. Kyaghinyi atepöghisyewanïn, amelö owutyegheninyi, we Israel.

ISAYA 44:24

Lentöy ECHOTYON, sörunintengu, nyo kighinyi ompö muyeto yongu, “Ochan ECHOTYON nyo kyagh tïkwïn löwïr. Ani onkït nyo kyoghïtö yïmwöy, aghan ngwïny onkït ompö owesyenyan kegh.

ISAYA 45:11

Lentöy ECHOTYON, Tororöt pö Israel nyo Tïlil Ighintenyi, nyo sötöy osis cho tökïpkonöy, “Motïngkwanye man atepanïn kïgh paraku monechan, anta omwowanïn kïgh nyo mïchini aghan!

ISAYA 49:1

Atera ngalechan akwa pipö punton cho lowöch akwa chona omöngöy koros cho lowöch! Kikïlanïn ECHOTYON kïtomö keyiyanïn akïkïlanïn alïkwï mötworintenyi.

ISAYA 49:5

Kikïlanïn ECHOTYON kïtomö keyiyanïn, akwighanïn alïkwan mötworintenyi nyo yoku pikachi, ataghamïtan pikachi Israel cho kitoyö kïmïlonchö. ECHOTYON nyo konanïn konyït, nyinte nyo le owesyenyan.

YEREMIA 1:5

“Kyonkïtunyi tagh kïtomö aghinyi ompö muyeto yongu akïlchinyi kegh kïtomö keyiyinyi aghinyi lïkuna werkoyon ompö pipö punton.”

YEREMIA 30:10

“Mewöghisyö we Yakopo, amemïgh we Israel. Ompöwölo osörunyi mitenö kor nyo low. Oyokunan moneku kïpkana koro pïnotnön imïlonenyi, aimöngisyö ompö kalya. Amöminye chi nyo muköy kwotyegheninyi.

LUKA 12:32

“Amowöghisyö, okwotnï mïnïng, ompöwölo kacham Paponkwa nyo mi yïm kïkonokwa Pöyunötenyi.

RUMI 8:30

Kïlenyona nyu, pïchoni kikïl nyinte kïngeta otini le könyisyok, cho kikïkur, akï pïchoni kikïkur cho kiyityï nyinte man, akï choni kiyityï man cho kitö kïgham ororyenyi.

EPESO 1:4

Kïle Kristo wölo kikïltecha Tororöt ompö Kristo kelïkuna chechi otini kitomönye ketor kegh ngwïny, atöketïlilöchitunö akelïkwï pich cho puryö lelut ompö tawunyi, akwompö chomnyenyi.

KINONO KIRURUT 32:15

“Kinöryö pipö ECHOTYON, wölo kimen, kinöryö chane akïpïghyö, atolapay kïpïstö Tororöt nyo kigh chane, akïsas Ghatyengwa nyo pö sörunöt.

KINONO KIRURUT 33:26

Kuwanta Musa lö, “Akwa pipö Israel, Möminye tororöt nyo karkegh nko Tororötïnkwa, nyo weru poltoy atökungarakekwa, ngwïno mïröt ompö ororyenyi.

KINONO KIRURUT 33:5

Kilïkwï ECHOTYON pöytoghinto pipö Israel atanye kituyö piko ortïnekwa nko kintöghoghikwa.

1 TESALONIKE 1:4

Kinkïtöcha tupchenichu cho chömöy Tororöt lö kikïlakwa nyinte alïkuna pikachi.

EPRANIA 4:16

Kerikyinö nyu ngacharu Tororöt nyo pö ororyö ompö nyakanat, atökenyorunö pöropchö. Kïsïkonecha nyinte kisyonöt nko pöropchö nyo ngörokecha ompö asispa machat.