ISAYA 43:7 - PIPÏLIA

⁷ Piköchan chane kegh, cho kyaghan tökwipkanïn ororyö.”

ISAYA 43:7 ပူးပေါင်းရင်းမြစ်များ

TUMWÖY 100:3

Onkïtï lö, ECHOTYON kï Tororöt, kighecha nyinte akïchicha chechi kïchicha pikachi akechï kechiryechi.

TUMWÖY 50:23

Konyïtanïn chi nyo konanïn sörö le amörostanyi asörunan nyo mötïny chi anka tïkwïl nyo rïpöy ngalechan.” Ompö kintöghoghinto tumï. Tum pö Daudi, otini kikïmwochï werkoyon Natan nyinte paraku cheporesnanenyi nko Patsyepa.

ISAYA 27:11

Silonchot mori ket akïmïrisyö, atolapay kïghamït korï kïlïkwï kwenkakwa. Akwompöwölo melö kisïkwï pich kïgh, kïtagh Ighintengwa Tororöt kusyonchï chane.

ISAYA 29:23

Ompöwölo otini kasïwekwa monïng cho okonokwa, onkïtukwa nyu lö ochan Tororöt pö Israel nyo Tïlil. Okonyïtanïkwa, atïlil kaynatenyan.

ISAYA 43:1

Kangalan ECHOTYON, nyinte nyo kighinyi we Israel lö, “Mewöghisyö, osörunyi. Kokurinyi ompö kaynengu, ichinyi nyinyan.

ISAYA 43:21

Piköchan chane cho kyaghan akïlchan kegh, tökïtumwanïn chane sölut!”

ISAYA 44:23

Otumö yïmwöy ompö ngörekyö! Otumö tïkwïl wölnö le ngwen! Otumö kutïngkotï nko ket löwïr cho mi wuw! Ompöwölo kösörï ECHOTYON Yakopo akïnyorchini nyinte ororyö koro Israel.

ISAYA 46:13

Opunan asispa sörunötenkwa kïlekïtit, melö tökïlow. Melö pöghönöy nyo kogh sörunötenyan. Osörunan Sayon* akwompö Israel nyo le ororyenyan.”

ISAYA 48:11

Kaghan chete akwompö kaynenyan kegh, mochömchinanye kesas kaynenyan, amelö oporan ororyenyu nko anka.”

ISAYA 56:5

kïnyorunenanïn kïgh nyo karam kïtïl monïng cho le wor nko tipïn, amelö kïwutyegho nyinte.”

ISAYA 60:21

Ighöy piköku nyu tïkwïn cho tenote, mïlöy nyu chane kore kokay. Kyaghan chane akatkatan aghan kïrumtö ororyenyan ompö pich löwïr.

ISAYA 63:19

Keghwechanyi le ato kimelö kichinyi pöytoghintencha, le ato kitomönye kelïkunacha piköku ato le tagh.

YEREMIA 14:9

Ayo, kegha ne tekara kegh nko chi nyo le kwöngön, le nyakana lïk nyo kepöl kïsörï chi? Wölo iminyi kwenuncha we ECHOTYON, kïchicha piköku, mepïstecha!’ ”

YEREMIA 33:16

Kïsöru pipö Yuda nko Yerusalem kïtïpï ompö kalya akïsïköy kanasyantanoni kaynat nyo kïlentöy, ‘ECHOTYON nyo le sörunintencha.’

DANIEL 9:18

Terwante we Tororötïnyu. Rosa nyörilwoköcha, airos wölo kiwongwï kanasyantengu, nyo kïkurtegho kaynengu melö kisoghecha nyi ompöwölo kïchicha pipö man, wölo ompöwölo itïngönyi kisyonchin.

DANIEL 9:19

Tera, we Echotyon ailöstewecha. Tera we Echotyon, aigh, meropï akwompö kaynengu, we Tororötïnyu ompöwölo kïkurtegho kanasyante nko piköku kaynengu.”

AMOS 9:12

Atö kïmïl koro Edom nyo kingotï nko punton löwïr cho kile chichan. Mwoghöy ECHOTYON nyo ighöy ngalechï.

YOANA 15:8

Kïkonyïtöy Paponyan ato ayinukwa akwa cho chang alïkwï nyu ompö aranoni kinetankachi.

IGHISYEWUT 11:26

Nyini kinyorï, kumïtï nyinte kutöngwï Antiokia. Kumpur wöloni köny akonga kïmïkul, kuryam nko pipö kanisa akunet pich cho chang. Ki Antiokia nyo kikïtowunö kekurö pich cho kile kighönï pipö Kristo.

RUMI 9:23

Akimököy tïkwïl kïngongu ororyenyi nyo wow nyo kikemïlwecha cho kiketötwech kisyonötenyi, acha cho kisatech nyinte otini le könyisyok kenyorunö ororyenyi.

2 KORINTO 5:17

Kïlenyona nyu ato tuyö kegh chi anka tïkwïl nko Kristo kïkalïkwï nyinte ighan nyo rel, kikuwer ngala köny, ketï otöp nyo rel.

KALATIA 6:15

Mökïghnye ato köwö chi tum anta ewo. Kïgh nyo pïchigh kï kelïkwï ighan nyo rel.

EPESO 1:12

Kïlenyona acha chona kikïnyagh kekön Kristo kesal ororyo Tororöt.

EPESO 1:6

Kesala nyu Tororöt ompö pöropchenyi nyo töror nyo kikonecha nyinte kwïle ompö Werïnyi nyo le chamanenyi!

EPESO 2:10

Kïchicha ighanpa Tororöt kighecha nyinte ompö Kristo Yeso, atökegha ighisyewut cho karamach cho kisötwecha nyinte kegha könyisyok.

YAKOPO 2:7

Akï möchanenye so ngat chay ngölono nyo gha kaynanay karam kikïkonokwa?

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

1 PETRO 4:11

Ato kikïkurïn lïkuna ngölonin, ingalan kïrïp kegh nko ngölyonto Tororöt, kïkany nyo pöghisyechini pikö walaka, kïmïchini kwigh lenyoni ompö owesyö nyo töni Tororöt nyinte. Ato aghakwa lenyoni, kïnyoru Tororöt salat ompö ara Yeso Kristo nyo nyenyi ororyö nko owesyö kokay nko kokay. Amen.

1 PETRO 4:14

Ongörekyenö ato mwaghakwa pich ompöwölo ochikwa pipö Kristo. Poru nyoni mi kïtöpo nko akwa Mïkulöwu ororyö akï nyoni kï Mïkulöwu Tororöt.

NGONGUT 3:12

Oghan chi nyo rïntoy kïlïku koghpa luch nyo pö Kö pö Tororötïnyan* amöngetonye wölini kokay. Okirchinan nyinte kayneto Tororötïnyan nko kayneto kanasyanta Tororötïnyan, nyoni kï Yerusalem nyo rel nyo rökuno yïm kungwïno wölo mi Tororötïnyan, akirchinan chane ngat kaynenyan nyo rel.

1 SAMWEL 12:22

Kikuyomis ECHOTYON lö, möpïstonekwanye, ompöwölo kikïlakwa alïkunakwa pikachi kegh.