ISAYA 43:6 - PIPÏLIA

⁶ Omwochinan pipö ewu löt kïpïstö chane, amwochan cho pö ewu tagh kutyak chane. Nya kïmïlisyeghö chane koros cho lowöch, nya kïpkana koroswo ngwïny löwïr.

ISAYA 43:6 ပူးပေါင်းရင်းမြစ်များ

TUMWÖY 107:3

akïghamïtï kïpkana koros, kïpkana kongasis akïpkana ta akïpkana ewu löt akïpkana ewu tagh.

ISAYA 11:12

Atolapay kïsyol ECHOTYON pentera nyo porchini pipö punton lö kaghamït nyinte pipö Israel nko cho pö Yuda cho kitoytoyö kïngetunö luchtin angwan cho pö ngwïny.

ISAYA 18:7

Itu asis akonga ato toköy ECHOTYON Kimuktoghin ropöw cho pkono koronete kepesyö lalwatïna, mito pich cho köromöch akwowesöch, pich cho koghöch akïtïlyönglyöng porwöy, chane cho kiwöghöy ompö ngwïny kïmïkul. Pkonöy chane akïpusï kutïng pö Sayon,* wölini kïsogho ECHOTYON Kimuktoghin.

ISAYA 27:13

Kïkutöy kontï otini ketï asisoni nyo kuruno pich koro Asirya nko nyo pö Misri pipö Israel cho kipïnchï koroswechoni. Mïlonchot chane akïpka kïsagha ECHOTYON kanasyanta Yerusalem, kutïngtanyi nyo tïlil.

ISAYA 45:22

“Omïlonchenö wölo omitan, akwa pipö ngwïny kïmïkul atökesörwok! Ompöwölo ochan Tororöt amöminye anka.

ISAYA 49:12

Pkono piköchan koros cho lowöch, ngetuno walaka okumpö löt nko wölnö le to, kïngetunö walaka Aswan nyo mi okumpö tagh.”

ISAYA 49:22

Kïlenchï Echotyon TORORÖT Kimuktoghin pikachi, “Osyolchinan ewunyu pipö punton le machey, atökuyokwï chane monekwa kïmïlisyö kestonikwa.

ISAYA 54:3

Inoteghonyi söremwoktineko korengu ompö woptine löwïr. Kiyokyini piköku koroswekwa löwïr cho möngöy puntonï walaka. Kinyïghitöy pich kanastin cho tïryolöch otï le ye.

ISAYA 60:4

Topöne kamasungu köny tesïwena kïgh nyo mi kwigho. Kesup kegh piköku tökïpka kaw! Pkono werköku wölo low kïkösönu tipikwa le monïng.

ISAYA 60:9

Melin choni cho rotuno koros cho lowöch, akuntöghoghchini melino Tarsis. Yoku kaw moneku cho pkono wölo low. Ipu chane silpa nko koltinekwa, atökïkonyït ECHOTYON Tororötïngu, akïsal Tororöt pö Israel Nyo Tïlil, ompöwölo keghakwa osïkö ororyö.

ISAYA 66:20

Yoku chane pikökwa cho kitoyechï koroswechoni atökïpkana puntonichoni akïkonanïn kïlïkwï ropöw. Mïtu chane kïpkonöy kutïngtönyan nyo tïlil nyo mi Yerusalem, pkono chane angoletin nko sïkïröy nko tamasay nko nkaritin cho kichutöy kïkongityö nko ato ipu pipö Israel ropöwo pagh Konyan ompö tïkwïn cho tïlilöch.

YEREMIA 23:8

wölo, ‘Kïle ato satate ECHOTYON nyo kityak akwipunö pipö Israel kor nyo mi okumpö löt nko koros löwïr cho kyotoytoyechï chane.’ Atolapay kïmang korengwa.”

YEREMIA 29:14

Onyorwanïkwa nyo mötïny atolapay aghamïtunekwa woptin löwïr cho kyotoytoychekwa. Oyokwokwa omïlisyeno korengwo nyo kyayonenakwa apa le pïnot. Mwoghöy ECHOTYON.

YEREMIA 3:14

“ ‘Momïlisyö sonye akwa monechï mochï ghönote nya? Mwoghöy ECHOTYON. “Ompöwölo ochan Echotyontenkwa. Ochengan chi akonga ompö kanasyan achengan odeny ompö or anka tïkwïl nyo pö pipö Israel, atolapay amïtan kutïng pö Sayon.*

YEREMIA 31:8

Arosa, omïtunenan chane kor nyo mi okumpö löt. Oghömïtunenan söremwok pö ngwïny. Rotu löwïr puryö nyo dongöy, ngwïnöy chepkarot nko mwolöy. Pkonöy korï cho mirsyot nko cho kïghöy, mïlo söpïch nyo wow nyoman.

ESEKEL 36:24

Opunonekwa wölo mi puntonï aghamïtwekwa ompö koros löwïr apkana korengwo.

ESEKEL 37:21

Atolapay ilenchï chane lentöy Echotyon TORORÖT, opunan Israel kïpkana punton wölo kipa. Aghamïtwan chane löwïr ompö wölini mi amïtwan kïpka korengwa kegh.

YOEL 3:7

Oyokunan chane kïpkana koroswechoni kyolchikwa, ayokwokwa apele ompö kïgh löwïr nyo kyoghchikwa chane.

SAKARIA 6:6

Chutöy angoletinechinö tuwöch nkaringwa kughegh ewu tagh, kuchut chona relach nyingwa to, kuchut cho tolelos nkaringwa ewu löt.

KINONO KIRURUT 30:4

Ato mi pikökwa cho kikitoyö kïghömï ngwïny, kuyokunö ECHOTYON Tororötïncha wöloni,