ISAYA 43:5 - PIPÏLIA

⁵ Mowöghisïyi, ompöwölo omitan nko akwa! “Omïtunan kaw piköku kïpkana koros cho lowöch, kïngetunö wölnö le kongasis ntökwit to.

ISAYA 43:5 ပူးပေါင်းရင်းမြစ်များ

TUMWÖY 106:47

Sörwecha, we ECHOTYON Tororötïnyo, aighamïtwecha kemïlisyeghenö koroswo punton, atökeyokuchanyi sörö akekwol kaynatengu nyo tïlil!

TUMWÖY 107:3

akïghamïtï kïpkana koros, kïpkana kongasis akïpkana ta akïpkana ewu löt akïpkana ewu tagh.

ISAYA 41:10

Amowöghisyö, omitan nko akwa! Ochan Tororötïnkwa momïghyö! Oghokwa osïke owesyö, angarakekwa, oghetokwa, asörwokwa.

ISAYA 41:14

Mwoghöy ECHOTYON lö, “Kïrkegh kochikwa mïnkech we pipö Israel, wölo mowöghisyö, ongörokokwa. Ochan sörunintenkwa, Tororöt pö Israel nyo Tïlil.

ISAYA 41:8

“Wölo akwa pipö Israel, cho ochï mötworichan, ochikwa pich cho kyakïlakwa, ochikwa pipö ara Apraam, mötworintenyan.

ISAYA 41:9

Kyamïtwakwa apkanena kor wölo low tya, kyokurokwa apkanena söremwok pö ngwïny, alenchokwa, ‘Ochikwa mötworichan.’ Melö kyataghakwa wölo kyakïlakwa.

ISAYA 43:1

Kangalan ECHOTYON, nyinte nyo kighinyi we Israel lö, “Mewöghisyö, osörunyi. Kokurinyi ompö kaynengu, ichinyi nyinyan.

ISAYA 43:2

Ato awerakwa pögh cho chang omitan nko akwa, mörïntonekwanye kömpölelutkökwo nyonikïny. Ato awerakwa ma, möpelokwanye. Medonekwanye kïgh tyomut cho ngwonöch cho onyorunekwa.

ISAYA 44:2

Ochan ECHOTYON nyo kyaghakwa, kyangarakakwa kïngetunö otini kikïyiyokwa. Mewöghisyö, akwa pipö Yakopo mötworichu, piköchan cho kakïlan achömonan kegh.

ISAYA 49:12

Pkono piköchan koros cho lowöch, ngetuno walaka okumpö löt nko wölnö le to, kïngetunö walaka Aswan nyo mi okumpö tagh.”

ISAYA 49:18

Syolö mö aitopöntö airos kamas nko kamas! Kötuyö piköku akïmi pkonöy wölo imitenyi! Kwam ECHOTYON muma lö, kïle otini söpöy nyinte, ikwolonyi kegh piköku le korka, nyo kwole kegh karichi cho pö koyögh.

ISAYA 54:3

Inoteghonyi söremwoktineko korengu ompö woptine löwïr. Kiyokyini piköku koroswekwa löwïr cho möngöy puntonï walaka. Kinyïghitöy pich kanastin cho tïryolöch otï le ye.

ISAYA 54:7

Kyopïstinyi nyo tangogh pat, wölo oyokunyi kaw ompö chomnyogh nyo wow.

ISAYA 61:9

Ororitu piko arengwa ompö pipö koros, akunkïtu chi anka tïkwïl nyo sïwïyi lö, pich chane cho kakusoyön ECHOTYON.”

ISAYA 8:10

Atata tötutkökwo! Wölo mötïngcha kinyiwut. Angalana ntökumuchö, wölo lïku choni lapay kwïle, ompöwölo mi Tororöt nko acha.

YEREMIA 23:7

“Kïlenyona omwoghan ante ECHOTYON lö, pkonöy osiswö cho melö tökuwolwolöy kegh pich kïlentöy, ‘Kïle ato satate ECHOTYON nyo kityak akwipunö pipö Israel Misri,’

YEREMIA 23:8

wölo, ‘Kïle ato satate ECHOTYON nyo kityak akwipunö pipö Israel kor nyo mi okumpö löt nko koros löwïr cho kyotoytoyechï chane.’ Atolapay kïmang korengwa.”

YEREMIA 29:14

Onyorwanïkwa nyo mötïny atolapay aghamïtunekwa woptin löwïr cho kyotoytoychekwa. Oyokwokwa omïlisyeno korengwo nyo kyayonenakwa apa le pïnot. Mwoghöy ECHOTYON.

YEREMIA 3:18

Ryomöy nyu osiswechoni pipö Yuda nko pipö Israel cho pkono koros cho mi okumpö löt akïmïlisyö kor nyo kyotönön köny papotïnekwa.

YEREMIA 42:11

Opïstenö mowöghe pöytoghinto Papilon ompöwölo omitan nko akwa atosörwokwa ompö morichi.

YEREMIA 51:46

Okilö kegh, amomïghyö ompö ngal cho olïmekwa kemwoghöy lö keghisyö chay könyinay kwighisyö chï könyinï, lö köporyö pöytoghinto nko pöytoghinte anka ngala ryöpöt nko poryot ompö kor.

YOEL 3:7

Oyokunan chane kïpkana koroswechoni kyolchikwa, ayokwokwa apele ompö kïgh löwïr nyo kyoghchikwa chane.

MIKA 2:12

Wölo oghömïtokwa löwïr pïchï pö Israel, atuyokwa le kechir ompö akol. Oghömïtokwa, we ngötunön pö Yakopo, le kyak ompö achey, alïkunekwa pich cho möngörï.

SAKARIA 8:7

Osörunenan piköchan koros cho mi okumpö kongasis nko ta

LUKA 13:29

Pkono pich kongasis nko wölnö röytoy asis ta, kïpkana walaka wölno akumpur kwomisyö ompö Pöyunöto Tororöt.

YOANA 10:16

Mito kechirye chichan walaka cho mömicha kweghonete! Mïchinanïn orongwï chane atökïlïm chane tïkwïl kutinyan akïlïkwï okwot akonga nko mösöwon akonga.

KINONO KIRURUT 30:3

Syonchinokwa nyu ECHOTYON Tororötïnkwa akuyokunenokwa puntonichoni löwïr kiyonchokwa nyinte akuperurokwa.