ISAYA 43:11 - PIPÏLIA

¹¹ “Ani onkït nyo le ECHOTYON, möminye sörunin anka kïpoto ani.

ISAYA 43:11 ပူးပေါင်းရင်းမြစ်များ

TUMWÖY 3:8

Pö ECHOTYON sörunötö. Nya kïtöpö kisoyönötengu nko piköku. Ompö kintöghoghinto tumï kïpöghisyeghö pïkan. Tum pö Daudi.

ISAYA 12:2

“Ghetintenyan Tororöt, otighonan kegh nyinte amowöghanye kïgh. Ompöwölo konanïn ECHOTYON owesyö, ghetintenyan nyinte.”

ISAYA 19:20

cho poru söwintön lö mito ECHOTYON Kimuktoghin koro Misri. Ato rirchï ECHOTYON ompö korononi cho kakichop kong, kïyonchï nyu chi chane nyo ghetöy.

ISAYA 42:8

“Ochan ECHOTYON, kaynenyan nyoni, motöninanye chitö anka ororyenyu. Amelö kitöni salatenyan körkeyïntin cho kipötöy.

ISAYA 43:3

Ompöwölo ochan ECHOTYON Tororötïnkwa, Tororöt pö Israel nyo Tïlil nyo sörwokwa. Otötenan Misri tosïkökwa kityakat, otötenan tïkwïl Etopya nko Sepa ompö sörunötenkwa.

ISAYA 44:6

Mwoghöy ECHOTYON Kimuktoghin, nyo pöytoy akïghetöy Israel lö, “Ochan nyo pö tagh, achan nyo pö löt, Tororöt nyo le nyinte onkït, möminye anka kïpoto ani.

ISAYA 44:8

Mowöghisyö, we pikachu! Onkïtökwa kïngeta otini le awïyay nko nyete le ye lö kyangoran tïkwïn cho ighisyot achikwa söwichan. Ekïmi tororöt anka nya? Ayo, mi ghatya anka nya? Tomönye alïman nyu nyona!”

ISAYA 60:16

Pöghinyi pipö koros, pöghoninyi pöytoghï omisyo nyo karam. Inkïtunenyi nyu lö ochan ECHOTYON Sörunintengu, akï Ghetintengu, Tororöt pö Yakopo nyo awes.

OSEA 1:7

Wölo osyonchinan pipö Yuda. Ani, ECHOTYON Tororötïngwa, nyo osöru chane, wölo melö ompö kari lïk cho lata chokon anta kotï anta ompö angoletin nko kotikwa.”

OSEA 13:4

Wölo ochan ECHOTYON Tororötïngu nyo kyomïtuneninyi koro Misri Amöminye Tororöt anka nyo isoghenyi kïpoto ani, amöminye ghetin anka kïpoto ani.

YONA 2:10

Kimwochï ECHOTYON koghoghwö kïwö kungungchï Yona sany wölo tïyame.

SAKARIA 9:9

Akwa pipö Sayon,* ongörekyenö nyoman! Akwa pipö Yerusalem, oteghyenö ompö ngörekyö! Anyona pöytoghintenkwa ketï! Ketï ompö turönöt nko rïntagh! Talase nyinte akï wegho sïkïryö akï sïkïrye nyo le moda!

LUKA 1:47

Ngörökyini söpontönyan Tororöt, Ghetintenyan,

LUKA 2:11

Kikeyï asisete ompö kanasyanta Daudi Ghetin ompö akwa nyo le Kristo* akï Echotyon.

IGHISYEWUT 4:12

Amöminye sörunötö nyo kïnyoruno chitö anka, ompöwölo, möminye kaynat anka ngwïny nyo kikitö pich tökïsörwecha.”

KINONO KIRURUT 6:4

“Atere ye nyu, pïchï pö Israel! ECHOTYON Tororötïncha kï ECHOTYON akonga.

TITO 2:10

anta chora tïkukwa. Wölo mïchini kuparta kegh lö pich cho tölose akughönote, atökïsïch kinetut pö Tororöt Ghetintenyo salat ompö or anka tïkwïl.

TITO 2:13

otini kïmïtecha keköngöy Asis nyo soyönote, otini kiporu ororyo tororötïnyo nyo wow tya nko Ghetintenyo Yeso Kristo.*

2 PETRO 3:18

Wölo atasa tagh oghetunö ompö pöropchö nko kinkïtöto Echotyontenyo akï Ghetintenyo Yeso Kristo.* Nya kïsïch nyinte ororyö kïngeta ye nko kokay! Amen.

1 YOANA 4:14

Akakesïwecha akemwochinecha pich, lö kiyonï Papo Werïnyi kïlïkwï Ghetinto ngwïny.

NGONGUT 1:11

nyo kilentöy, “Kirchinö kitapï ngal cho isïwïyenyi aipchï kanisenichay le mut nko odeny, kanisa: Epeso nko Smurna nko Perkamo nko Tuatira nko Sardis nko Piladelpia nko Laodikea.”