ISAYA 42:6 - PIPÏLIA

⁶ “Ochan ECHOTYON, nyo kokurinyi ompö man, onömotoninyi egh aripinyi. Otötoninyi le muma* ompö pich ailïkwï löpoyïn ompö pipö punton,

ISAYA 42:6 ပူးပေါင်းရင်းမြစ်များ

ISAYA 26:3

Nyi, ECHOTYON nyo itöni kalya nyo tenate pich cho tïng machat nyo chïchïmate akïmi chane kughöninyi.

ISAYA 27:3

“Oripan parenyu, apïsö pögh kïnomnyö, kïnomnyö, arip nangat nko pöghet, atömengwïn chi kunyar.

ISAYA 32:1

Arosa lö itu asistanka pöytoghintö nyo pöytoy ompö konyït nko kintöghoghï cho pöytoy ompö man.

ISAYA 41:13

Ochan ECHOTYON Tororötïnkwa nyo okilokwa lö, ‘Mowöghisyö, ongörochokwa.’ ”

ISAYA 41:2

“Ekï ngo nyini kimïtuna chi nyo awes kongasis, akwigh nyinte kïrïnta pungkachi ompö woptin löwïr? Ngo nyini töni nyinte owesyö nyo rïntegho pöytoghï nko pipö punton? Pöro chane chokenyi kïtïryalit le terïtyon. Toyegho chane kotichi le mopö cho kakut yomat.

ISAYA 42:1

Mwoghöy ECHOTYON lö, “Anyï mötworintenyan nyo kotönön owesyö, nyinte nyini kyakïlan, akï nyinte nyo ongörokyinan kanyïghitan nyinte mïkulöwunyu akï nyinte nyo ipchini man pipö punton löwïr.

ISAYA 43:1

Kangalan ECHOTYON, nyinte nyo kighinyi we Israel lö, “Mewöghisyö, osörunyi. Kokurinyi ompö kaynengu, ichinyi nyinyan.

ISAYA 45:1

Lenchini ECHOTYON Sayras nyo kikïl kïlïkwï pöytoghin, “Kokoninyi owesyö rïntena koros cho mi tawungu, ikwönteghonyi pöytoghï ngöcherwekwa pö paytagh. Oyotunyi ante ECHOTYON ortïna kanastinekwa.

ISAYA 45:13

Ani kegh nyo kangetnet Sayras kwigh kïgh, atökupuntö machatenyan kïpïntö, akïsat tïkwïn cho kighachitu kuten. Oghïtonan or anka tïkwïl nyo wegho nyinte. Teköy nyinte ngat kanasyantenyan Yerusalem akutyak piköchan cho rötote. Möminye chi nyo kal nyinte anta nyo ketö ropöw tökwigh ighisyononi.” Mwoghöy ECHOTYON Kimuktoghin.

ISAYA 49:6

Kimwowanïn ECHOTYON lö, “Möghömönye pat lïkunanyi mötworintenyan, nyo isyolöy pipö Israel chi kingötï, wölo oghinyi tïkwïl lïkune löpoyïn pö pipö punton atökesörï nyu ngwïny kïmïkul.”

ISAYA 49:8

Akïlenchï ECHOTYON pikachi, “Kyomölyöngwokwa atanya kitökïchömunote, angarakakwa ompö asispa sörunöt. Otötonokwa olïkune muma* ompö pipö ngwïny löwïr. Apïswokwa ngat omïlonchenö korengwo, kor nyo kikechal akepïstö kïlïkwï siriron.

YEREMIA 12:16

Kïkany ato cham chane kïrïp ortïna piköchan Israel akuwalwal ompö kaynenyan kïlentöy, ‘Kïle wölo söpöy ECHOTYON,’ le wölo kinet piköchan kuwalwal ompö kayna Paal,* kïlïku chane tïkwïl piköchan.

MATAYO 26:28

Ompöwölo kisönköchan chete, nyo puntoy muma* Tororöt cho kïmïltoy ompö pich cho chang atökelöstoghchï chane ngokikwa.

LUKA 2:32

Löpoyïn nyo ngongchini pipö punton machatengu akwipchini ororyö piköku Israel.”

YOANA 8:12

Kïmwochï Yeso Parisaytinechay ngat lö, “Ochan löpoyïn pö ngwïny, chi anka tïkwïl nyo rïpanïn kïsïköy löpoyïn pö söpon amökïwesteghonye tuwïn nyonikïny, wölo sïköy löpoyïn pö söpon.”

IGHISYEWUT 13:47

Ompöwölo lenye nyoni wölo kimwowuntecha Echotyon lö, ‘Kotöninyi lïkuna löpoyïn pö punton, atepchinö sörunöt ngwïny kïmïkul.’ ”

IGHISYEWUT 26:23

lö, kichopöy kong Kristo,* atökïlïkwï nyo tagh nyo tutuno pich cho kimeghö, atökïmwochï pipö Yaudi nko pipö punton lö, kimuköy kesöru chane, köröy kegh nyoni nko löpoyïn ompö chane.”

2 KORINTO 1:20

Ompöwölo nyinte nyo le, “Owöy” pö kiyomisut pö Tororöt kïmïkul. Nka nyoni kïmwoghecha lö, “Owöy,” kuwerï ara Kristo ompö salata Tororöt.

EPRANIA 12:24

Kapkanakwa wölo mi Yeso nyo kingwïn kwigh muma* nyo rel akï kïmïlta kisönkachi cho ngölonöy tïkwïn cho karamach kïtïl chanya pö Apel.

EPRANIA 13:20

Nya kwighakwa Tororöt pö kalya otïlilitunö ompö köromnyö anka tïkwïl nyo kigh Echotyontencha Yeso nyo le Mösöwonto kechir nyo Wow ompö areto meghenyi kututunö wölo mi cho kimeghö akukïninieghö nyoni muma* nyo pö kokay.

EPRANIA 7:2

Kutö Apraam nyinte kareranpa taman cho pö pöröw löwïr. (Ato kïwaghach kayna Melkisedek nyo pö tagh kelentöy, “Pöytoghinto Man.” Akwompöwölo ki pöytoghinto Salem kuporu kaynenyi tïkwïl lö, “Pöytoghinto Kalya.”)

EPRANIA 7:26

Yeso nyu onkït nyo le Tïsin nyo Wow* nyo mïchinecha. Tïlil nyinte akïmötïngnye lelut anta ngokï ompö orinyi. Kikepesyö nyinte nko mwokïyis aketotegha kïwö yïm parak.

EPRANIA 8:6

Wölo kakitö ye nyu Yeso kïlïkwï tïsin nyo pö tïlat, kïlenyona kulinyö pich nko Tororöt ompö muma nyo karam tya nyo kikïteka towunöto teksyo kiyomisöto man.

EPRANIA 9:15

Ompö atoni nyu Kristo nyo le kilinyoghinto muma nyo rel atökumï pich cho kikur Tororöt kïsïch kisoyönöt nyo pö kokay. Nyoru chane kisoyönötononi ompöwölo kima Kristo atökïsörunö pich ngokikwa cho kigh otini kitökïmi chane ngwïnyi mumanay pö köny.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.