ISAYA 42:4 - PIPÏLIA

⁴ Mömeghönye mu anta wonyeghö nyakanat ntökïtenö kutö man ngwïny. Köngöy koroswö cho lowöch kinetutkachi ompö kikönöt nyo wow.”

ISAYA 42:4 ပူးပေါင်းရင်းမြစ်များ

TOWUNÖT 49:10

Melö wegho lïpö paytagh Yuda. Pöytoy monechi kokay ntökïtenö kungwïn nyinte nyo mïchini kïpayta, akïkïtïngchini pipö punton nyinte.

TUMWÖY 22:27

Nonöy puntonï löwïr ECHOTYON akïparta wölo mi nyinte, soghöy nyinte pipö ngwïny löwïr.

ISAYA 40:22

Kigh nyinte nyini töpo ngacharunyi nyo mi wölnö le mïröt, poltoy parak. Karkegh pich cho möngöy ngwïny ompö nyinte nko kolyong. Kighïtö yïm le ananka le ema nyo kïmöngöy.

ISAYA 40:28

Tomönye so nkïtunönyi? Akïtomönye lïmanyi so? ECHOTYON kï Tororöt pö kokay. Kigh nyinte ngwïny kïmïkul, melö meghöy mu anta aghach, möminye chi nyo nkïtu kinonutkachi.

ISAYA 41:5

“Kakïsïwa pipö koros cho lowöch tïkwïn cho kaghan, akïmïghyö. Nka nyoni kituyö chane löwïr akïpka.

ISAYA 42:10

Otumchinö ECHOTYON tum nyo rel otumchinö ngwïnya kïmïkul salatenyi! Asala nyinte akwa cho opegho nanam, asala tïkwïn löwïr cho mi nanam ori, otumö koroswö cho lowöch nko löwïr cho möngöy koroswechoni!

ISAYA 42:12

Nya kutö ECHOTYON salat nko ororyö, pich tïkwïl cho möngöy koros cho lowöch!

ISAYA 42:21

ECHOTYON kï Tororöt nyo mököy kösörwokwa, nka nyoni kikus kirurutkachi nko kinetutkachi, akomököy nyinte pikachi kïkonyïtöy.

ISAYA 49:1

Atera ngalechan akwa pipö punton cho lowöch akwa chona omöngöy koros cho lowöch! Kikïlanïn ECHOTYON kïtomö keyiyanïn akïkïlanïn alïkwï mötworintenyi.

ISAYA 51:4

“Atera pikachu ngalechan, alïma kïgh nyo omwoghan. Otöninan pipö punton kinetutkachu, ipchini kirurutköchan pipö punton löpoyïn.

ISAYA 51:5

Ongwïnan osöru chane lawel, melö low sayenyan nyo opunan sörunöt. Opöytonan ante pipö punton. Mito koroswö cho lowöch kïkönganïn, könanïn tosörwan chane.

ISAYA 55:5

Ikurenyi ye nyu koros cho menkïtönyinye, koros cho melö nkïtinyi akïryöwu kïsorinyi. Igho lenyoni akwompö ani ECHOTYON, Tororötïngu, Nyo Tïlil nyo pö Israel. Okonokwa konyït nko ororyö.”

ISAYA 60:9

Melin choni cho rotuno koros cho lowöch, akuntöghoghchini melino Tarsis. Yoku kaw moneku cho pkono wölo low. Ipu chane silpa nko koltinekwa, atökïkonyït ECHOTYON Tororötïngu, akïsal Tororöt pö Israel Nyo Tïlil, ompöwölo keghakwa osïkö ororyö.

ISAYA 66:19

akunkïtï lö ani nyo kachop kong chane. “Wölo otukan walaka ompö chane atayontan kïpa wölo mi puntonï cho lowöch, cho tomöcha kïlïm kaynatenyan anta sïwa wowïntönyan nko owesyenyan, petöy koro Tarsis nko Lipya nko Lud kïmi nko pich cho nkït kïwutïtoy kotï, akïpa ntökwit Tupal nko Akaya. Mwotïtoy pïchoni walaka wowïntönyan.

ISAYA 9:7

Letöy tagh kïghetu owesyo paytaghtanyi, mi kalya paytaghtanyi osis löwïr. Pöytoy nyinte kïtöpö otini kimi Daudi, chïchïmo owesyenyi kitenat nko man, kïngeta nyete le ye nko kokay. Ighöy nyakanata ECHOTYON Kimuktoghin choni lapay.

DANIEL 9:24

“Kakïmutyï piköku nko kanasyan nyo tïlil könyis 70 kïnyïl mut nko odeny atökïpïstö ngokï nko ghöyïn atökemista ngokï akegh man nyo pö kokay atökïpïntö ngala sïwïyagh nko werkoynön aketïlil Kö pö Tororöt* nyo tïlil.

SAKARIA 2:11

Pkonöy koroswö osiswechoni akïlinyö nko ECHOTYON. Lïku nyu chane piköchan, amangan kwenungwa. Onkïtukwa nyu lö, ECHOTYON Kimuktoghin nyo kiyokwanïn wölo omikwa.

MATAYO 12:21

Akukönöy kaynenyi pipö punton.”

MARKO 3:3

Kïlenchï Yeso chichay kimeyta ewï, “Nyone yi.”

RUMI 16:26

wölo kikengongwï ye kuwerï Kikirut pö werkoy. Akwompö kuti Tororöt nyo satate kokay, keporchï pipö punton löwïr ngalechoni pö man atökumï chane tïkwïl kughan nyinte akïrïp ngalechi.

1 KORINTO 9:21

Kïkany ompö pich cho lowöch nko kirurut, otöpan nko chane le chi nyo lowö kirurut atamuk otyï pïchoni lowö kirurut. Wölo meporunye nyoni lö motïngetanye Kirurut pö Tororöt, nyoman omitan ngwïnyi kirurut pö Kristo atömanyïl otyï chane cho mi sanypa kirurut.