ISAYA 42:25 - PIPÏLIA

²⁵ Nka nyoni kimungenecha sïngiryenyi, akwighecha kewongunenö owesyo poryot. Kimïlchï koro Israel kïmïkul nörekyenyi nyo nöghöy le ma, wölo melö kipköchecha lö ne nyo kigha amenetechanye ngölyontononi kïgh nyonikïny.

ISAYA 42:25 ပူးပေါင်းရင်းမြစ်များ

2 PÖYTOGHÏ 25:9

Akïpel Kö pö Tororöt nko kö pö pöytoghin nko korïn löwïr cho pö Yerusalem nko kö anka tïkwïl nyo ki wow.

AYUPU 40:11

Mïluna nörekyengu kïmïkul airos chi anka tïkwïl nyo menöy igh kïwö mut.

ISAYA 29:13

Kïlö Echotyon, “Lentöy pïchï kïsoghanïn, wölo melö tïng kinyiwut ngalekwa, ompöwölo lowöch mïkuliskökwa. Tigho kegh chane dini nyo rïpöy kinetut pö pich nko otöptinekwa cho kenet kegh akelimlim.

ISAYA 47:7

Kinonchinyi kegh lö olïku pöytoghin kokay, ntökupölinyi nonchinö mïkulöwungu anta inonchï kegh wölo lïku sörömuto ngalechoni.

ISAYA 48:8

Kyonkïtön lö melö kyochikwa pich cho kighönöy, pich cho le penyï kïnomnyö. Nka nyoni melö kyalïmakwa nyonikïny ngölyontononi, akunka nyoni tömömi ngölyon nyo kyalïmekwa yitikwo.

ISAYA 5:25

Kïnagh nyu nörekyo ECHOTYON ompö pikachi akughïtö ewunyi atö kunyaril kong chane. Potonchot kutïngkotï atökesupchï mïntïruch ortïna kanasyan le samï. Amelö choni opïn, melö wonyot nörekyenyi, wölo tökughïtoy ewunyi kïnömöy sitenyi nyo mungoy pikachi.

ISAYA 57:1

Meghsot pich cho karamach akï möminye chi nyo nkïtu anta sïnga nyonikïny. Wölo otini kömeghö chane, kïmelö mito kiwurata nyo ngwonchini chane.

ISAYA 57:11

Mwoghöy ECHOTYON lö, “Ngo tororötinechï otyeghonokwa ntökwighakwa omwowanïn ngala putintön, awutyeghenanïn. Kowutyeghekwa so okonyïtanïn ompöwölo kasisan nyo kogh?

ISAYA 9:13

Wölo melö kakitö pipö Israel, kïrkegh kichop kong ECHOTYON Kimuktoghin chane.

ISAYA 9:19

Pelöy ECHOTYON Kimuktoghin koronete kïtïryalit ompöwölo kanarek nyinte, pelöy pikö kïnöghyö le kwen cho kinoghöy, amelö mito chi atoni nyo söröpchini werïngwa.

YEREMIA 12:11

Kegh chane kore kïtïryalit nka nyï rirchinanïn. Kalïkwï kore surkwen, amelö mi chi nyo yongöy.

YEREMIA 5:3

Nyi we ECHOTYON, onkïtön lö imörenyi pich kwigh man kïtenö osis. Kimïghitönyi chane, wölo malïmtacha kïgh, kiryöpönyi chane, wölo machamcha lö kikelel. Kilïkwï pich cho kiyomö mötöwö kïtïl kogh, kïtagh nyoman kïkötö ngokikwa.

YEREMIA 7:20

Kïlenyana, kamwaghan ante Echotyon TORORÖT lö, arosa, omïlchinan yete nörekyenyan, omïlchinan ptangengmöt nko tyonkïn nko keti wuw nko pagh cho tökïmi paren. Nöghöy nörekyenyan nyoman nyo memukönye chi kïnuk.”

LOK 2:3

Kiwurwur Echotyon owesyo Israel ompö nörekyenyi. Kitagh kungarakecha otini kitwecha pung akiporyeghenecha le lyopöt pö ma, nyo pelöy kïgh anka tïkwïl lömïs.

LOK 2:4

Kiwutö pikachi kotï le punyontengwa, kipar pich löwïr cho kikïchömonecha kegh akuluma Yerusalem nörekyenyi nyo nöghöy le ma.

ESEKEL 20:34

Opunenokwa wölo mi pich aghamïtekwa apkanena koros chini kyotoytoyechikwa otini kyanarekan, awastekwa ompö charut.

OSEA 7:9

kikïsara puntonï chane owesyengwa amelö pköchini chane. Kikïrumunö karwal mötöw amenkïtcha chane.

NAUM 1:6

Otini kanarek ECHOTYON, ekï ngo nyo lenchini kegh ongötu? Ngo nyini lentöy oköngöy sïngiryenyi nyo ngwan nya? Mïlu kegh nörekyenyi le lyopöt pö ma, pespesöy ghatoy kïlïkwï terït le kwïle.

MALAKI 2:2

Mïchini okonyïtanïkwa ompö kïgh anka tïkwïl nyo oghekwa. Mwoghöy ECHOTYON Kimuktoghin. “Wölo ato materanïkwanye, ochïpokwa. Akyochïpokwa ompö nyete le ye, ompöwölo melö kyayangakwa ngal cho kyomwowokwa.

KINONO KIRURUT 32:22

Nöghöy nörekyenyan le lyopöt, akïnaghata ntökwit ngwen, pelöy kïgh anka tïkwïl nyo mi ngwïny, akïpel pchörino kutïngkot.