ISAYA 42:24 - PIPÏLIA

²⁴ Ngo nyini köpïsyï pipö Israel mori pungkökwa? Melö so ki ECHOTYON nyini kikighchicha ngokï? Melö kikïtïpicha kïrïp kegh nko machatenyi anta kïterchï nyinte kinetutkachi cho kikonecha.

ISAYA 42:24 ပူးပေါင်းရင်းမြစ်များ

2 OTÖPTINO OSIS 15:6

Kimi kore anka kïpöröy kore anka akupokyï kanasyante anka kanasyante anka, ompöwölo kitö Tororöt chane kisusut nko kömpölelut cho chang.

2 OTÖPTINO OSIS 36:17

Kïlenyona kïyonchï ECHOTYON chane pöytoghinto Papilonia kungwïn kïpara chok chumwakökwa ompö cho kömi wölo tïlil. Kimötïngnye kisyonöt ompö karöchïnin anta työ, anta mïrön anta nyo kiyosit kitö chane löwïr mori pöytoghinto Papilon.

TUMWÖY 81:12

Opïstan nyu chane kïrïp tighintöno mïkulöwekwa, atökwigh kïgh anka tïkwïl nyo kacham chane.

TUMWÖY 81:13

Ntököterwanïn piköchan wey, akïrïp pipö Israel ortïnechan!

ISAYA 30:15

Ompöwölo mwoghöy Echotyon TORORÖT Kimuktoghin, Tororöt pö Israel nyo Tïlil nyo pö Israel pich lö, “Kïsörwokwa ato omïlonchekwa, aghananïn. Osïkekwa nyu owesyö atïpï ato tïghume.” Wölo ataghakwa agha lenyoni!

ISAYA 42:23

Ngo ompö akwa nyo yotöy yitïnyi atökïlïm ngalechï? Oterekwa kïngeta ye kutang tagh ayang ngal nya?

ISAYA 45:7

Oghan löpoyïn nko tuwïn, opchinan pich kisoyönöt nko nyarïl tïkwïl. Ani ECHOTYON nyo oghöy tïkuchoni löwïr.

ISAYA 47:6

Kyonörekyan pikachu, kyoghchan chane le atomelö kitökïpiköchan ngat. Nka nyoni kyotönön chane ewuneku amelö kisyonchinyi chane kïrkegh ompö chini le poy.

ISAYA 48:18

“Ntö kile nyo kyarïpakwa kiyomisutköchan! Kitö kïmïlwokwa kisoyönut cho lata lalwa nyo mötengönye! Kyomïlunyi mantangu le mirtino pögho nanam,

ISAYA 57:17

Kyonörekyan chane ompö ngokikwa nko pïrchintöngwa, nka nyoni nyu kyachopan kong, achal chane. Wölo kighechön mötöwöy akïtas tagh kïrïp orengwa kegh.

ISAYA 63:10

wölo kïpeny ngalechi akwigh nyinte kuwongwï ompö chane. Nka nyoni kilïkwï ECHOTYON punyontengwo nyo kiporyeghö chane.

YEREMIA 44:10

Akwompö nyete le ye tomönye arïngakwa kegh, atomönye oporunökwa otyogh anta arïp kirurutköchan cho kyokonokwa atö papotïnekwa.

YEREMIA 5:15

“Akwa pipö Israel, opkokwa pich cho pkono kor nyo low. Mwoghöy ECHOTYON. Pkonöy chane kïpörokwa, pich chane cho owesöch nyoman akï pö könyisyok, akï cho monkïtökwanye kutingwa, amöpköchinokwanye kïgh nyo mwoghöy.

LOK 1:14

“Kisup Echotyon ngokichan löwïr akuwusö katïnyan kutunganïn le nyayma Kipïsyanïn ECHOTYON mori punkachan cho kimokönganye ompö poryot.

LOK 1:18

“Wölo pö man ECHOTYON, ompöwölo kyapenyan ngalechi. Wölo aterane akwa löwïr cho omi woptin löwïr, arose ngwonïn nyï omitan. Kikïrang monechan, tipi nko werkö, kapa le pïnot koros cho lowöch.

DANIEL 1:2

Kutö nyu Echotyon Yeoyada pöytoghinto Yuda mori Nepukadnesa akïpïsyï kïcheng kari Kö pö Tororöt.* Kip nyu kutang koro Papilonia akutö kaplawachpa kö pö tororötïnyi.

AMOS 3:6

Ayo, chöghöy konti poryot ompö kanasyan, amotyonye pich? Akwityini nyarïl kanasyan ato metyorchïnye ECHOTYON?

MATAYO 22:7

Kïnarek pöytoghintö akïyonta askarinechi kïpa kuwany pörichini akïpel kanasyantengwa.

KINONO KIRURUT 28:49

Yoku ECHOTYON pipö punton cho pkono wölo low, cho molïmekwanye ngalekwa kïporyö nko akwa. Sirirchinokwa chane le sich.

KINONO KIRURUT 32:30

Kïlö ne tökïyon chi akong pich cho le elpu akonga, akïyon pich odeny opïn pich elpun taman? Kïpoto ato kyalta ECHOTYON chane, akïpïstö Ghetintengwa chane.

KIRWOKÏ 10:7

Kïlenyona kïnörekyï ECHOTYON pipö Israel akutö mori pipö Pilisti nko cho pö Amon.

KIRWOKÏ 2:14

Kïngwanit lö kat nörekyo ECHOTYON ompö pipö Israel, kïpïstö chane kenam akesara tïkukwa, akutö chane moriko pungkökwa cho kimang kuwitwit chane, amelö kitökumï pipö Israel ntökughyongtö ngat.

KIRWOKÏ 3:8

Kïlenyona kïngwanit nörekyo ECHOTYON lö kat ompö pipö Israel, akwigh chane kerïnta kïpöghisyechï pipö Israel Kusyan Risyataim pöytoghinto Mesopotamia könyis mut nko sömök.