ISAYA 42:22 - PIPÏLIA

²² Wölo ye kakïchora pikachi tïkwïn, akekörchï chane wölo tuw aketorchï chelen. Karkegh nko tïkwïn cho sökosöy tyompö wudïn, akïpuryö nyo söru chane. Kakïnam wölo melö mi chi nyo lentöy, “Osörunö!”

ISAYA 42:22 ပူးပေါင်းရင်းမြစ်များ

TUMWÖY 102:20

Atökïlïm kiwongunöto pich cho rötote, akutyak chane cho kökikerwokyï meghat.

TUMWÖY 50:22

“Anana lasiny ngölyontonï, akwa löwïr cho otöghöy Tororöt, wölo atomaghakwanye lenyoni, owonsokwa lömïs amelö mi chi nyo sörwokwa.

ISAYA 1:7

Kikepar korenkwa kïlïkwï kïratyan akepel kanastinekwa lömïs. Chengöy pïnotï parenikwa osïwïyekwa akwane akuwur kïgh anka tïkwïl.

ISAYA 14:17

Akï nyinte nyanye kiwur kanastin akïwaghach kor kïlïkwï surkwen nya? Akï nyinte nyanye kitagh kutyak pich cho kirat kïpechï kegh kestonikwa?’

ISAYA 18:2

Yontoy piko korononi cho ghyongchini korengwa cho wutu lalwa Nile ompö tirïpken cho kikïnapa sus cho pito wölo le nyonyön, akelenchï omïlonchenö korengwo chona kakïyonwok oryöghöy lawel! Ape omwochinö ngölyon piko korengwo nyo kipesyö lalwatïna, pikökwo cho koghöch cho köromöch akwowesöch pikökwa cho koghöch akïtïlyönglyöng porwöy, akewöghöy ompö ngwïny kïmïkul.

ISAYA 24:18

Atolentöy chi omukyini ochïwïtöy anka ochïwïto pïrïm, kenömo ngöghöp. Ompöwölo yotisyot konyi pögh ompö yïm, kïpotonchö nyu pchörino ngwïny.

ISAYA 24:22

Tuyot Tororöt chane löwïr ompö pïrïm le mampustin. Körchini chane chela ntökwitïta asistangwa nyo pö kichopat.

ISAYA 24:3

Kighöy ngwïny kïtïryalit akewu, ompöwölo ECHOTYON nyo kangalan, akwigho lenyoni.

ISAYA 36:1

Kiporyeghö Senakerip pöytoghinto Asirya kanastina Yuda cho kikïtek nïyet akïrïnta ompö könyi taman nko angwan nyo pö paytaghpa pöytoghin Esekia.

ISAYA 42:23

Ngo ompö akwa nyo yotöy yitïnyi atökïlïm ngalechï? Oterekwa kïngeta ye kutang tagh ayang ngal nya?

ISAYA 42:7

ateyata konyi chepkarotin, aiyatïta pich cho kikïkörchï chela cho mi wölo tuw, kïpechï kegh.

ISAYA 45:13

Ani kegh nyo kangetnet Sayras kwigh kïgh, atökupuntö machatenyan kïpïntö, akïsat tïkwïn cho kighachitu kuten. Oghïtonan or anka tïkwïl nyo wegho nyinte. Teköy nyinte ngat kanasyantenyan Yerusalem akutyak piköchan cho rötote. Möminye chi nyo kal nyinte anta nyo ketö ropöw tökwigh ighisyononi.” Mwoghöy ECHOTYON Kimuktoghin.

ISAYA 5:29

Karkegh kelyeko nkarinekwa nko ngötuny cho kapar tyony akïmi kwipöy kutang wudöngwa wölo memukönye ntökösörunö chane.

ISAYA 51:23

Otöninan kölöwononi pich cho kipïrokwa, pïchoni lenchinokwa, ‘Oköpïghchinö kegh ngwïny töketïkatecha akwa,’ akïtïkata kïrutayikwa le ngwïny, le or nyo werotoy pich.”

ISAYA 56:9

Kömwochï ECHOTYON pipö punton cho le to kïpka le tïpö wudïn atökuwany pikachi,

YEREMIA 50:17

“Karkegh pipö Israel nko kechir cho sökosöy ngötïny kïtoyö. Kinya kïporyeghö chane pöytoghinto Asirya anyï ye kapar kïrïngarïng chane ko Nepukadnesa pöytoghinto Papilon.

YEREMIA 52:31

Otini kinam Epilmerodak paytaghpa Papilon, kusyonchï Yeoyakin, pöytoghinto Yuda ntökutyokunö chela. Asisoni kikityokwï Yeoyakin kï asispa 25 nyo pö arawa taman nko odeny nyo pö konyi 37 kïngata kemït pöytoghin Yeoyakin le ratan kïwö Papilon.