ISAYA 42:13 - PIPÏLIA

¹³ Setöy ECHOTYON lïk le nyakan omöy sirmoy le chi, le atay chïlöy kegh pich. Kutöy nyinte kontï nyo kurchini pich poryot. Ighchini pungkachi ngal cho echön.

ISAYA 42:13 ပူးပေါင်းရင်းမြစ်များ

TUMWÖY 118:16

Kakïnyorucha rïntagh ompö ewunyi nyo awes. Karïnta ewu ECHOTYON ompö owesyenyi!”

TUMWÖY 78:65

Atolapay kïnget Echotyon le chi nyo ngetuno rïwön, le nyakan nyo kanam sirmoy ato gha kumïn.

ISAYA 26:11

Menkïtcha punköku lö imungenyi chane. Tönö chane arasï, we ECHOTYON aikany kuwongwï chane. Pïsyinö chane kuwongunö nyarïl nyo kitötyinyi chane aiporchï wölo ichömtonyi piköku.

ISAYA 31:4

Ompöwölo kilenchanïn ECHOTYON, “Kïrkegh köriryö kiyokwïyi kyak akuteghyö lö ne, kïmemuköcha ntökwotyeghö ngötïny kupertegha pentanyi nyo kötïgh. Lata nyoni tïkwïl ompö ani, möminye chi nyo körtonanïn, tömakartan kutïng pö Sayon,* ochan ECHOTYON Kimuktoghin.

ISAYA 37:32

Ompöwölo ngötuno pich Yerusalem akïngötunö kutïng pö Sayon, ompöwölo ECHOTYON Kimuktoghin nyo kamach kwigha lenyoni.

ISAYA 63:15

Topönö ngwïny ompö yïm, we ECHOTYON, aitopön ompö wölini le möngengu ompö tïlilyengu nko töroryengu. Köwö onö sïngatengu nyo wow ompö acha? Köwö onö owesyengu? Köwö onö chomnyengu nko kisyonötengu? Inanecha.

ISAYA 66:14

Ongörechokwa ato asïwekwa kïyoni kwigha. Konokwa owesyö nko porwöy cho karamach. Atolapay onkïtukwa nyu lö ani ECHOTYON nyo ongöroköy pich cho tekanïn, wölo oporchinan nörekyenyu punkachu.”

ISAYA 9:7

Letöy tagh kïghetu owesyo paytaghtanyi, mi kalya paytaghtanyi osis löwïr. Pöytoy nyinte kïtöpö otini kimi Daudi, chïchïmo owesyenyi kitenat nko man, kïngeta nyete le ye nko kokay. Ighöy nyakanata ECHOTYON Kimuktoghin choni lapay.

YEREMIA 25:30

“Kïlenyona, Yeremia, wïyö mwochinö chane lö, ‘Pororo ECHOTYON yïm, kïlïmöy kutinyi nyo ngwïno möngenyi wölo tïlil. Köpororchï pikachi ompö kut nyo wow, nyo lata kiteghata pich cho työkotyököy sapipun, ompö pich cho mi ngwïny kïmïkul.

OSEA 11:10

Pkonöy piköchan kïrïpanïn otini kotïlön le ngötïny pkono werkachï ta kïpotonchöt otini kötïl ECHOTYON le ngötïny.

YOEL 3:16

Akïtïlö ECHOTYON Sayon* akïngalan nyoman kelïma Yerusalem kutimtimö yïmö nko ngwïny.

AMOS 1:2

Kïlö nyinte, “Tïloy ECHOTYON kutïng pö Sayon,* kïlïmo kutinyi nyo wow Yerusalem. Köyomö suswo kyak, mökïminye suswon kutïng pö Karmel.” Sirya

NAUM 1:2

Töni ECHOTYON Tororöt sitöt nyo mötïny pich cho söghöy tororötin walaka. Mungöy pich ompö kitököt ompöwölo pïchoni cho kigh nyinte kïnarek.

SEPANIA 1:18

Memukönye kïsörï chi silpa nko koltin asisoni pö ECHOTYON, ompöwölo nyoröy ECHOTYON ngwïny kïmïkul ompö nörekyenyi nyo ngwan akuwany lömïs pich cho möngöy ori.

SEPANIA 3:8

Kïlenyona, lentöy ECHOTYON, “Akanyanïkwa nyu! Itïtoy ato orwokyinan pipö punton. Kyamutan akonga lö oghömïtunan koros nko pöyunötin atomïlchinan chane nörekyenyan nyo ngwan lakat, nörekyenyan nyo pö sastagh nyo nyoröy ngwïny kïmïkul.”