ISAYA 42:11 - PIPÏLIA

¹¹ Nya kïsal Tororöt wölo le kew nko kanastinechi, akanya kïsal nyinte pipö Kedar. Akanya kïsal nyinte pich cho möngöy kanasyanta Sela, nya kuteghyö ompö ngörekyö ompö kutïngkot parak!

ISAYA 42:11 ပူးပေါင်းရင်းမြစ်များ

TOWUNÖT 25:23

Kïlenchï ECHOTYON, “Mi muyengu puntonï odeny Akï syölöy puntonichï kwodeny iyiyenyi. Owesitu anka kïsir anka, pöghisyechini nyo wow nyo mïnïng.”

TUMWÖY 120:5

Heywey ani nyo omöngotoy Mesyek ani nyo owuchinotöy köpörtino Kedar

ISAYA 12:5

Otumchinö ECHOTYON, ompö tïkwïn cho echön cho kegh nyinte. Akanya kïlïm ngwïnya kïmïkul ngalechoni.

ISAYA 16:1

Kitötö pipö Moap wawa kech kïlïkwï ropöwon kïngeta kanasyanta Sela nyo mi surkwen, akïropchï pöytoghin nyo mi Sayon.*

ISAYA 21:16

Ompöwölo kilenchanïn Echotyon, “Wonyot wowïn pö pipö Kedar, otini ketïta köny akonga laras.

ISAYA 32:16

Kïpöghisyeghö man onkït ompö korononi kïmïkul.

ISAYA 35:1

Ngörököy wölo le wuw nko wölo le ompölyon, turönöy wölo tïyame akïpito tapïkoyï wölo le surkwen.

ISAYA 35:6

Komtoy cho ngwolsot akudanga. Teghyot pich ompö ngörekyö cho le kïmanytin, ompöwölo yintegho pögh kor wölo le surkwen,

ISAYA 40:3

Kakïlïm kut nyo teghöy lö, “Agha aramït wölo le surkwen ompö ECHOTYON! Oghïtenö or nyo pö Tororötïncha ompö wölo le siriron!

ISAYA 43:19

Okönö kïgh nyo rel nyo oghan. Kïgh nyo kikwigha omukekwa osïwïye nyete le ye! Oghan ara mït nyo weröy wölo le siriron akonokwa ompö wöloni lalwatïn cho yintegho pögh.

ISAYA 52:7

Wechï mïlöy pich kesïwa chi nyo rökuno kutïngkot, akwipu lökoy cho karamach cho pö kalya! Chi nyo mwowu ngala sörunöt, akï mwochini Sayon lö, “Pöytoghin Tororötïngu!”

ISAYA 60:7

Kïropkokwa kechir löwïr cho pö koro Kedar, oghekwa mökol cho pkono Nepaiot kïlïkwï amörostin, cho chömöy ECHOTYON. Minöy nyu ECHOTYON Konyi kïsïch ororyö nyo wow.

YEREMIA 21:13

Konömchinyi lat we Yerusalem, oporyegheninyi! Nyi nyo imi ghat parak ompö ato syolote. Nyi nyo ilentöy, ‘Ekï ngo köny nyo muköy kungwïn akïlïtï möngencha nyo ripote, akï ngo nyo muköy kïporyeghenecha?’

YEREMIA 48:28

Akwa pipö Moap! Opïstenö momönge kanastin. Ape amanga köpönoti koghïn. Agha le chepïrïmpen cho teköy korikwa renkeröy

YEREMIA 49:16

Kalïsinyi ngaleku chay iotyeghonyi koros walaka nko menötengu, nyi wey nyo imöngöy köpönoti koghïn cho mi kutïng parak! Kïrkegh kemang renkeröy le sich, ongwïnan otyoruneninyi wöloni imi. Kamwaghan ante ECHOTYON lenyoni.

YEREMIA 49:31

“Anapa kegh nyu apa poryot, apara kor nyo mi payasa, nyo lïmchini kegh lö omi kalya. Mötïngnye kanastinechi kukot anta miröw cho pö körin. Töpo korononi onkït.

ESEKEL 27:21

Kyoltowunyi pipö Arapia nko yetïntino Kedar löwïr wara kechir nko mökol nko ngaror.

OPADIA 1:3

Kalïsinyi menötengu, otï kesïwenyi lö kikïtekyï kanasyantengu nyo wow ghat parak, aimöngenyi kutïng nyo kogh. Inonchinenyi kegh lö, ‘Nyorwanïn ngo ntökureytanïn ngwïny nya?’ ”

NAUM 1:15

Akwa pipö Yuda, arose! Ketï chi nyo köwolï kutïngkot, chi nyo ipu lökoy cho karamach. Ngwïnöy kïmwowu lö kikerïnta koro Asirya. Kïlenyona ye akwa pipö Yuda, ongörekyenö ompö ichontinekwo. Otönö Tororöt tïkwïn cho kyawalwalakwa lö kitöni. Ompöwölo melö tökupokyini ngat korenkwa pich cho ghach. Kikenyar pïchoni kuwonyö lömïs.