6 Kingarak kegh pich cho chïreröch, akukil kegh chane.
Olenchinö chi anka tïkwïl nyo kima mu, “Alïkuna nyökon, mowöghisïyi! Ngwïnöy Tororöt kïsörwokwa, akungwïn kuchop kong pungkachi.”
Melö lenye nyinte körkeyïn nyo pötöy pich atökutang karïn cho lumo koltin akutongchï söremwokökwa kari ropïyen.
“Kakïsïwa pipö koros cho lowöch tïkwïn cho kaghan, akïmïghyö. Nka nyoni kituyö chane löwïr akïpka.
Kikil mutinto mpawtin kitonginto koltin lö, ‘Keghanyi nyo karam!’ Kilöy chi nyo ghïtegho nyuntï körkeyïn chitö nyinö anka nomnyot atökïtuyö. Mito chane kïlentöy, ‘Könomnyö kuten,’ atolapay kïwudochï körkeyïnay otini le otöptanyi kwaghïghit.
Chengöy kitongintö karïn akutö paraku ngeset, atolapay kulïwö ewunyi nyo awes kïkongityö nko körkeyïn nyo kömököy nyinte. Omöy kömöy akwam maral akwaghach otini mito kïsïngöy lenyoni.
