ISAYA 41:29 - PIPÏLIA

²⁹ Arosa nyu lö kwïle tororötinechï löwïr! Möminye kïgh nyonikïny nyo muköy kwighöy chane, mötïngcha körkeyïntinö owesyö.”

ISAYA 41:29 ပူးပေါင်းရင်းမြစ်များ

TUMWÖY 96:5

Körkeyïntin pat tororötino punton walaka löwïr, wölo ECHOTYON nyo kigh yïmwöy.

ISAYA 17:8

Melö tökïtigho kegh ngat ato kïpelo amöros, cho kiteka chane morikwa cho le körkeyïntino tororöt Asyera* nyo le korka nko wölo töror kïpelo tïkwïn cho ngutoy nyo karam.

ISAYA 2:8

Kinyïghï ngat korengwa körkeyïntinö, soghöy chane ighisyewutko ewunekwa, tïkwïn cho kigha chane morikwa.

ISAYA 37:19

akïpel tororötinekwa cho kimelö ki tororöt nyonikïny, wölo ki körkeyïntin cho kikigha ket nko koghïn cho kipata ewuno pich.

ISAYA 41:24

Ochikwa kwïle, aghekwa tïkwïn cho pö kwïle, lilunate pich tïkwïl cho soghokwa!

ISAYA 46:7

Syolöy akïkasana puwayikwa kwip, nyini ketïta kutö kötönkenyi kughyongö atoni, amemukönye ntökunaka atoni kakitö. Kïkany kïlö chi osoghöy, kïmemukönye kïter anta sörunö chichoni kömpölelutkachi.

YEREMIA 14:22

Ayo, muköy tororötino putintön chay soghöy pipö punton kïkonï rop nya? Akumuköy yïmö onkït kïkonï pkopïson? Mönyinye onkït nya we ECHOTYON Tororötïncha nyo ighöy choni löwïr kumukisyö? Kïlenyona kiketönöcha kikönötencha moriku.

YEREMIA 5:13

Melö kïgh chay le werkoy kö, yomat kwïle, mökïminye ngölyonto ECHOTYON oringwa.” Kïlenyona nya kïnyorï nyu nyörilwokchoni chane.

APAKUK 2:18

Nyiwu ne körkeyïn nyo kipötöy anta nyo kitongöy otini kakiwany kegh? Menetönye kïgh ighintenyi kïpoto putintön. Nyiwu ne ompö nyinte tökïlentöy oghönöy? Kïgh nyo le tororöt pö putintön nyo memuköy ompö ntökïngalan!

SAKARIA 10:2

Sölwontön kwïle nyo mwowu körkeyïntin, mwoghöy chepsoköytin putintön, ngoröy chemöwostinekwa lïs akïkonekwa kikönöt nyo möminye. Nka nyay kimperölyotö pich le kechir, omöy nyarïl ompöwölo mötïngcha mösöwon.

KIRWOKÏ 18:17

Kïpa pïchay le mut kinya kighot korononi kïpusta wölo toka, akïlïtöy kö akïcheng körkeyïnay kikipat nko epod nko körkeyïn nyo pö silpa nko körkeyïntin walaka, kimi tïsinte nko pïchay le 600 kitïng kari lïk kughyongo atolekïtö or.

1 SAMWEL 12:21

Amowöghökisyö atang wölo mi tororötino putintön cho mengörokokwanye anta sörwokwa, ompöwölo kwïle choni.