ISAYA 41:24 - PIPÏLIA

²⁴ Ochikwa kwïle, aghekwa tïkwïn cho pö kwïle, lilunate pich tïkwïl cho soghokwa!

ISAYA 41:24 ပူးပေါင်းရင်းမြစ်များ

TUMWÖY 115:8

Chane cho kitang kïkarkegh nko tïkuchoni kigh lenye nyoni tïkwïl cho twoytoy kegh tïkuchoni.

NGÖTÏNYÖ 28:9

Ato waghach chi yitïnyi atömalïm kirurut, kulilu nyini le ompö saghatenyi.

NGÖTÏNYÖ 3:32

Wököy ECHOTYON chï nyo le penyin, wölo chomnyegho nyinte pipö man.

ISAYA 37:19

akïpel tororötinekwa cho kimelö ki tororöt nyonikïny, wölo ki körkeyïntin cho kikigha ket nko koghïn cho kipata ewuno pich.

ISAYA 41:29

Arosa nyu lö kwïle tororötinechï löwïr! Möminye kïgh nyonikïny nyo muköy kwighöy chane, mötïngcha körkeyïntinö owesyö.”

ISAYA 66:24

“Sïwïyi chane otini petöy mïntïruch pö pich cho kipeny ngalechan. Mömeghsocha mökukwa kokay, amemisonye ma nyo pelöy chane. Ghöchini chane pipö ngwïny löwïr.”

YEREMIA 10:14

Sölwö ptangengmöt akï kwöngön, nömöy arasï pïchay ighöy körkeyïntin, ompöwölo pö putintön tororötinechï le körkeyïntin amötïngcha söpon.

YEREMIA 10:15

Kwïle körkeyïntinechoni akï pö lïs, wonyot lömïs ato tomtö ato nyoröy ECHOTYON chane.

YEREMIA 10:5

Karkegh körkeyïntinekwa choni nko tïkuchay kimugho törit ompö para marakwen. Memuköcha kokay kïngalan, kïsïtotoy ompöwölo memuköcha kïpesta. Maway körkeyïntenechoni, medonekwanye kïgh amöminye köromnyö nyo muköy kwighwekwa.”

YEREMIA 10:8

Sölwöy akïtïsyote löwïr, mi so kïgh nyo muköy kunet chi körkeyïntinechay kikipata ket?

1 KORINTO 8:4

Kïlenyona nyu, ompö paraku amata omisyewut cho kïyenchini körkeyïntin, kinkïtöcha lö, melö körkeyïn ompö ngwïny pö man, akï möminye Tororöt anka kïpoto akonga.

KINONO KIRURUT 27:15

“ ‘Chïpote chi anka tïkwïl nyo ighöy körkeyïn nyo kipötöy anta nyo kitongöy, akïsagh ompö wïnyat. Ghöchini ECHOTYON saghata körkeyïntin.’ Kuyokwï pich löwïr lö, ‘Amen!’*

KINONO KIRURUT 7:25

Apelekwa körkeyïntinekwa cho kipötöy. Mopïrchï ropïyen anta koltin cho kikïminchï körkeyïntinekwa atömölïkwï choni ngöghöp ompö akwa ompöwölo ghöchini ECHOTYON Tororötïnkwa.

KINONO KIRURUT 7:26

Motö nyu korikwo körkeyïntinechoni, atömalïkwï pich cho chïpote. Atagha asas körkeyïntinechoni ompöwölo chïpote ompö ECHOTYON.

NGONGUT 17:5

Kikikir tokochunyi kaynat nyo pö wïnga nyo lentöy, “Papilon nyo Wow, yoto cheporestin löwïr nko ighisyewut löwïr cho lilöy pich ompö ngwïny.”