ISAYA 41:22 - PIPÏLIA

²² Apkana yi atangora kïgh nyo igho, atökenkïtunö lö oyï ato igho kïyoni. Apkana omwochinö kokwö tïkwïn cho kighisyö könyisyok, amwowecha kïgh nyo poru tïkuchoni.

ISAYA 41:22 ပူးပေါင်းရင်းမြစ်များ

ISAYA 41:26

Nko akonga ompö akwa nyo kingor lö ighisyot tïkuchï nyo kitökinkïtunecha lö pö man ngalekwa? Puryö chi akonga ompö akwa nyo kimwa ngölyon möminye chi nyo kilïmenokwa kïgh.

ISAYA 42:9

Kikïpïntö ye ngala cho kyangoran. Omwowokwa ye nyu tïkwïn cho relach kïrkegh otini tomöcha kwighisyö.”

ISAYA 44:7

Ngo nyo lentöy okörökegh nko ani nya? Akanya kungwïn nyinte kïmwa ngalechi ompö tawunyan. Akï ngo nyo kimï könyisyok kïngor tïkwïn cho kighisyö? Nya kïmwowï tïkwïl tïkwïn cho tökïsis kwighisyö.

ISAYA 45:21

Opunö nyu ngalekwo ka kirwok, atat wölo omwowuntoy ngale. Ngo nyini kingor könyisyok tïkwïn cho itu? Ngo nyini kimwa ngalechoni tagh nya? Maninye so, ECHOTYON Tororöt nyo osöru pikachu? Möminye Tororöt anka kïpoto ani.

ISAYA 45:22

“Omïlonchenö wölo omitan, akwa pipö ngwïny kïmïkul atökesörwok! Ompöwölo ochan Tororöt amöminye anka.

ISAYA 46:10

Kyangoran kïgh nyo igho kïngeta otini le awïyay, kyanyaghan angor könyisyok kïgh nyo igho. Kyamwaghan lö ighisyot tötutköchan nyo mötïny, aghan kïgh anka tïkwïl nyo kyamachan agh.

ISAYA 48:14

“Aghamïta kegh akwane ater! Nko tororötïnkwa ompö akonga nyo kimï kïngor lö tïkuchï? Ochöman ante ECHOTYON Sayras, nyinte nyo lïtitöy kerötenyan ompö Papilon, ay, nyinte nyo pöröy pipö Papilonia.

ISAYA 48:3

Mwochini ECHOTYON pipö Israel lö, “Kyangoran könyisyok kïgh nyo itu, akwigha kini lawel lenyini.

YOANA 13:19

Kanyaghan omwowokwa ye kïtomö kwighisyö ngalechoni, töto itïta amukakwa nyu aghan lö, ‘Ochan nyinte.’

YOANA 16:14

Töroritanïn nyinte, ompöwölo mwowokwa ngal cho nyorunenanïn.