ISAYA 41:19 - PIPÏLIA

¹⁹ Okötkötan tarakit wölo le siriron akatkat sesoy nko kapïrïmen nko arol. Pituno wudïnö koros wölo tïyame, wudïno pine nko yuniper nko keti saypras.

ISAYA 41:19 ပူးပေါင်းရင်းမြစ်များ

ISAYA 27:6

Owesöchitu pipö Israel ompö osis cho pkonöy, tortoy nyighin asïyech pipö ara Yakopo, akïtapïkan, kïkarkegh nko ket nyo pitöy. Ghömu ngwïny kïmïkul akwa cho yinu chane.

ISAYA 32:15

Wölo tökïyonwecha Tororöt mïkulöwunyi ngat. Wöghöko korö wölo tïyame kïlïku paren cho okwoghöch akïrïro omisyö nyo wow.

ISAYA 35:1

Ngörököy wölo le wuw nko wölo le ompölyon, turönöy wölo tïyame akïpito tapïkoyï wölo le surkwen.

ISAYA 43:19

Okönö kïgh nyo rel nyo oghan. Kïgh nyo kikwigha omukekwa osïwïye nyete le ye! Oghan ara mït nyo weröy wölo le siriron akonokwa ompö wöloni lalwatïn cho yintegho pögh.

ISAYA 51:3

“Osyonchinan kanasyanta Sayon* nko pich löwïr cho möngöy kïratiskachi. Oghan kore nyo tïryal kïpïchighitu le para Eden, lïku kore wölo le surkwen para ECHOTYON. Kïnyoruno orinyi ngörekyö nko turönöt aketumo wöloni tumwöy cho sölanïn.

ISAYA 55:13

Pito saypras wölo kötö pito tïkawkaw, kïpita kapïrïmen wölo kötö pito panyïrit. Machey nyoni nyo töpo kokay, lïku kinonutyo kïgh nyo kaghan ante ECHOTYON.”

ISAYA 60:13

“Kipunyi ororyo Lepanon, kipu mpawtina saypras nko tarakit, atökemina Konyan nyo pö saghat kïpïchighit, akwigh kanasyantenyan kïsïch ororyö.

ISAYA 60:21

Ighöy piköku nyu tïkwïn cho tenote, mïlöy nyu chane kore kokay. Kyaghan chane akatkatan aghan kïrumtö ororyenyan ompö pich löwïr.

ISAYA 61:11

Ompöwölo kïle otini ghyögho kösïgh ngwïny akïpit, kïsöru Echotyon TORORÖT pikachi, sölöy nyu pipö koros löwïr nyinte.

ISAYA 61:3

akïnyorï ngörekyö nko turönöt pich cho riryegho Sayon.* Otöninan tum pö salat nyo kötönyoru kiwongunöt. Kïkuro chane keti kitenat cho kakatkat ECHOTYON atökïnyorchï nyinte ororyö.

ESEKEL 47:12

Pityegho ketï löwïr cho kyomöy lalwa antakwagh nko antakwagh. Melö rörochot sökekwa yinöy akwa kokay ompö arawa anka tïkwïl ompöwölo pkono pöghechini gheghöy chane Kö pö Tororöt, kyomöy akwekwa akïlïkwï sakït sökekwa.”

OSEA 14:8

Ayo Epraim, ne nyo kötedenenyi körkeyïntin nya? Akwani nyo oterunyi sowutköku akomöninyi. Alatan ket nyo iwuronenyi akungwïnonanïn kïgh anka tïkwïl nyo omenyi.

SAKARIA 1:8

Kyasïwan oghö chi nyo weghoy angole nyo pïrir! Kighyongoy kwenu kapïrïmen ompö mpöghogh. Kimi angoletinö walaka cho pïröch nko mïkenöch nko cho relach cho kighyongo lötunyi.