ISAYA 40:31 - PIPÏLIA

³¹ Wölo nyoru pich cho könönöy ECHOTYON owesyö. Piltegho chane köpepoy le sichtin, ryöghöy chane amelö oghochot. Petöy chane amelö oghochot.

ISAYA 40:31 ပူးပေါင်းရင်းမြစ်များ

AYUPU 17:9

Kïrkegh kïlenye nyoni kïkomönöy chi pö man arenyi tösöy tagh kwowesitu tya chi nyo möpïröchnye morichi.

TUMWÖY 103:5

Kenyïghit söpontönyan tïkwïn cho karamach. Ato töpan le chumwak nyo tïng owesyö nyo lata nyo pö sich.

TUMWÖY 123:2

Kirosinyi, we ECHOTYON Tororötïnyo tökïtenö syonchechanyi, le wölo rostoy mötworintö echotyontenyi, nko wölo rostoy työ korka nyo pöytoy nyinte.

TUMWÖY 138:3

Kimölyöngwaninyi atakinye kyarirunyi, kichïchïmanyi ompö owesyengu.

TUMWÖY 20:9

Itö rïntagh pöytoghin, we ECHOTYON! Ingarakecha otini kakïkursyecha. Ompö kintöghoghinto tumï. Tum pö Daudi.

TUMWÖY 25:21

Nya kïrïpanïn kitenatenyan nko mantanyan, ompöwölo oghöninyi.

TUMWÖY 25:3

Mekany kïnyorï arasï pich cho ghöninyi, kïpoto cho töghinyi ompö kwötyin.

TUMWÖY 25:5

Netante otöpan kïrïp kegh nko mantangu, ompöwölo ichinyi Tororöt pö sörunötenyan. Oghöninyi osis löwïr.

TUMWÖY 37:34

Könö ECHOTYON airip kirurutkachi atökïkonyïtïn nyinte akïkonïn kor, atesïwena lö kitulöy mwokïyis.

TUMWÖY 40:1

Kyakanyan ECHOTYON ompö mïkukönöt, kïwaghaka akïter riratenyan.

TUMWÖY 84:7

Töso owesyengwa otini petöy chane, akïsöchï Tororöt pö tororötin Sayon.

TUMWÖY 84:8

Iter sowutköchan ECHOTYON Tororöt Kimuktoghin ilïm, we Tororöt pö Yakopo!

TUMWÖY 92:1

Karam ECHOTYON keyokunyi sörö, aketumunyi sölut, we Tororöt nyo Töror Tya,

TUMWÖY 92:13

Kïkötkötyini chane Kö pö ECHOTYON, cho pito kiroryo Koto Tororötïncha.

WUWÖT 19:4

‘Kasïwekwa kïgh nyo koghchan pipö Misri apunenokwa köpepoy le sich nyo ipöy warechi apkanakwa wölo omitan.

NGÖTÏNYÖ 30:19

mi ara sich wölnö le mïröt kïmi ara moroy paraku ghat, kïmi ara meli kwenu nanam nko wölo töptoy chi nko työ.

TUM PÖ TUMWÖY 8:5

Ngo nyinte nyinö ngwïno surkwen akïmi kïtingo kegh chamanenyi? Kyangetinyi otini kimitenyi ket pö okin ghït, otini kimi komöt kïkïghöy ompö nyi, kimi atoni kïkïghöy nyinte nyini kiyiyïnyi.

ISAYA 25:9

Mwoghöy chi anka tïkwïl ato itï asisoni lö, “Tororötïncha nyinte! Kikïmitecha kekönöy nyinte, kakïsörwecha nyinte. Nyinte kï ECHOTYON! Kikïmitecha kekönöy nyinte, akemitecha ye kengörekyot aketuronchot ompöwölo kösörwecha nyinte.”

ISAYA 30:15

Ompöwölo mwoghöy Echotyon TORORÖT Kimuktoghin, Tororöt pö Israel nyo Tïlil nyo pö Israel pich lö, “Kïsörwokwa ato omïlonchekwa, aghananïn. Osïkekwa nyu owesyö atïpï ato tïghume.” Wölo ataghakwa agha lenyoni!

ISAYA 30:18

Akwanyï köngisïyi ECHOTYON tökusyonchokwa. Mito nyinte kïpsach kusyonchokwa ompö wölo ECHOTYON kï Tororöt pö man. Soyönote pich cho könöy nyinte.

ISAYA 41:1

Lentöy Tororöt, “Osisyenö ater ngalechan akwa koros cho lowöch! Anapa kegh topunö lokekwo ka kirwok, onyorunekwa pöroyïn otoni nyo ongölonöy. Apkana ketuyenö atökenkïtunö lö ngo nyo pö man.

ISAYA 64:4

Möminye chi nyo le ompö akonga nyo kikïsïwa anta lïm Tororöt nyo kikongityot nko nyi, nyo ighchini tïkwïn cho pö töngönchin pich cho köninyi.

ISAYA 8:17

Kawïnya kegh ECHOTYON pikachi, wölo oghönan akïtö okönan nyinte.

YEREMIA 48:15

Kikwitï kinyorintö nyo ngwïnöy kunyoröy Moap nko kanastinechi pkonöy kïpöröy chumwak cho tigho kegh ompö poryot. Kamwaghan ante lenyoni nyo ochï Pöytoghin akelentöy kaynenyan ECHOTYON Kimuktoghin.

SAKARIA 10:12

Oghan piköchan kïsïch owesyö, konyïtanïn nyu chane akïsal kaynenyan.” Mwoghöy ECHOTYON.

LUKA 18:1

Kïmwochï Yeso asistanka kinetankachi körkeyïn nyo kinetöy lö, mïchini kïsagh osis löwïr, amömeghö mutïnö.

RUMI 8:25

Wölo ato kikönöcha kïgh nyo melö kïsïwïyecha, keköngisïyecha ompö mïkukönöt.

2 KORINTO 4:1

Kïlenyona nyu, ompöwölo kakusyonchecha Tororöt akïkonecha ighisyonï, kemitecha kekilöy kegh.

2 KORINTO 4:16

Kïlenyona nyu, melö meghsonecha mutïnö, akï kïrkegh könïnö porwöyicha, kighöy mïkulisköcha kïrelachitu kïtenö osis.

KALATIA 6:9

Kïlenyona, mökyoghochö otini kighöy ighisyewut cho karamach, ompöwölo ato mökyoghochechanye, kwitu nyu ato kilecha.

KINONO KIRURUT 32:11

Kïle wölini netöy sich warechi kupiltoy akïnama chane köpepokachi, lenye nyoni wölo kiriptö ECHOTYON pipö Israel atömepïtyö.

KINONO KIRURUT 33:25

Nya kwoghïghitu kukoti kanastinechi le karïn, Nya kïtöpo nyinte ato tïghume kïtenö osis.”

1 TESALONIKE 1:10

amitö oköngöy Werïnyi nyo ngwïno yïm nyo kigh Tororöt kututunö ngwen, nyoni kï Yeso akï nyinte nyo sörunenecha nörekyo Tororöt nyo ngwïnöy.

EPRANIA 12:1

Kïtïngetecha acha söwï cho chang nyoman cho kiwitwitecha. Kenateghena nyu nïkisyö anka tïkwïl nyo tungecha nko ngokï cho sïkwïrecha, akeryagh ompö nyakanat kanyanyighos nyo mi tawunyo.

EPRANIA 12:3

Anana lasiny Yeso nyo kimïkukönö kimölöto mwokïyis, atömömeghyok mutïnö.

YOSWÖ 14:11

Akï tochan awes nko ye le atanye kiyontanïn Musa, owesyenyan ye kïkarkegh nko atanye ompö poryot anta kïgh anka tïkwïl.

NGONGUT 12:14

Ketö kokonay köpepoy odeny cho pö mötony nyo wow atömanyïl kupilchï wölo le surkwen. Kïripo nyinte wöloni könyis sömök nko nïsï akï wölo memukönye ntaranay kusus nyinte.

NGONGUT 2:3

Onkïtön lö kimïkukönenyi nyoman, aiwongwï ompö ani akïtomönye aghachanyi.

NGONGUT 4:7

Ki karkegh tyonto tagh nko ngötïny, kïkarkegh nyo pö odeny nko kirïk, kitïng nyo pö sömök tokoch nyo kilata nyo pö chi, kilata nyo pö angwan sich nyo kipiltoy.

KIRWOKÏ 16:28

Atolapay kïsagh Samson Echotyon lö, “Osoghinyi, we Echotyon TORORÖT lö, nanante aikonante owesyö panete onkït, atatakan konyichu cho kiködöt pipö Pilisti.”