ISAYA 40:30 - PIPÏLIA

³⁰ Sïköy nyörkölelyö pich, kïrkegh kötö kïmïnkech, oghochot pich, kïrkegh kö mïnkech.

ISAYA 40:30 ပူးပေါင်းရင်းမြစ်များ

TUMWÖY 33:16

Melö rïntoy pöytoghintö ompö lïkenyi nyo wow, akï melö pölisïyi nyakana ompö owesyenyi nyo wow.

TUMWÖY 34:10

Rörchini ngötuny omisyewut akwam kömöy, wölo melö mi kïgh nyo karam nyo rörchini chane cho soghöy Tororöt.

TUMWÖY 39:5

Wechï kekonaninyi söpon nyo tangogh! Melö kïgh söpontönyan ompö tawungu. Karkegh ptangengmöt nko kimïny.

OMTOGHIN 9:11

Asïwan ngat ompö ngwïnyinï lö melö pö kirïpötö pich cho pïrtït amelö pö poryot pich cho owesöch anta pöyit omisyö pich cho ngöghomöch anta pöyit sïkönöt pich cho chïreröch anta pöyit chömchin pich cho le tïngan, wölo ngwïnchini asis nko pöroyïn chane löwïr.

ISAYA 13:18

Pöro kïwantis nko kotï monekwa cho le chumwakay. Melö syonchini monïng cho le mnyarkiltin amökïghnye tengon ompö chane.

ISAYA 9:17

Nka nyoni nyu kïgh nyo ighöy Echotyon möchïwïtyö pikökwa cho le chumwak, amesyonchï pönonkökwa nko mïsïktinekwa, ompöwölo kighachitu pikö tïkwïl, akïngölonöy kutïweko pïchoni löwïr ngala sölwontön. Akï kïrkegh keghisyö lenyoni, kïmelö wonyot nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

YEREMIA 48:15

Kikwitï kinyorintö nyo ngwïnöy kunyoröy Moap nko kanastinechi pkonöy kïpöröy chumwak cho tigho kegh ompö poryot. Kamwaghan ante lenyoni nyo ochï Pöytoghin akelentöy kaynenyan ECHOTYON Kimuktoghin.

YEREMIA 6:11

Kinyïghitanïn nörekyo ECHOTYON ompö chane, amomukanye okörchini orinyan. Kïlenchanïn nyu ECHOTYON, “Mïlchinö nörekyononi monïng ompö kanasyan, mïlchinö tïkwïl tuyoghtino chumwak nko pich löwïr. Kïrongöy mïrön nko kor nko ompö poy cho kiyositu lö ngo.

YEREMIA 9:21

Kölïtï meghat tïrisyenicha, akurel kori pöytoghicha, akïngïr monecha ompö ortïna kanasyan, akïmel chumwak ompö kokwoni kanasyan.”

AMOS 2:14

Wonyegho nyinte nyo rïpöy kirïpötö akupotö owesyo nyakanat amemukönye chi nyo awes tökïnyorï kegh.

1 SAMWEL 30:10

Kïtas tagh Daudi nko pich cho le 400 kïrïp pïchay, kudong lötï walaka cho le 200 cho kipöl kwoghyö champilwa Pesor ompöwölo kökikwoghochö.