ISAYA 40:26 - PIPÏLIA

²⁶ Otopöne köny, wölnö le mïröt! Ngo nyini kigh kokel cho osïwïyekwa? Nkït nyinte nyini ntöghoghchini chane le pipö lïk lö tya chane tïkwïl, akïkuröy kaynötutkökwa löwïr! Wow tya owesyenyi, möminye ompö akong nyo potöy kokay!

ISAYA 40:26 ပူးပေါင်းရင်းမြစ်များ

TOWUNÖT 1:14

Atolapay kïlö Tororöt, “Nya kulïwï löpoyïntinö ompö mïröt, tökupesyö pöghet nko oghö tökuporï ato toro aro nko osis nko könyis.

TOWUNÖT 1:16

Kwigh nyu Tororöt löpoyïntin odeny cho echön, tökïpayta nyo wow pöghet, kïpayta nyo mïnïng oghö. Kwigh kokel tïkwïl.

TUMWÖY 102:25

Kighanyi ngwïny otini le könyisyok, aighenyi ewuneku yïmwöy.

TUMWÖY 119:91

Mi tïkwïn lenyini kighanyi nko ye, ompöwölo mötworiku tïkwïn löwïr.

TUMWÖY 121:1

Orosan parak otopönöy kutïngkot, ngwïno onö kingörokutyenyan?

TUMWÖY 19:1

Mwowu wölnö le yïm ororyo Tororöt! Mwotïtoy ompö mïröt ighisyewutkachi!

TUMWÖY 66:3

Mwochinö Tororöt lö, “Pö töngönchin kïtya tïkwïn cho ighenyi! Wow tya owesyengu nyo ighöy punköku kïpotonchö.

ISAYA 34:16

Ayare köny kitapu ECHOTYON, asomön ngala tyonkïn cho söpchot atasïwena kïgh nyo mwoghöy. Möminye kïgh ompö chane nyo le ompö akonga ompö tyonchoni nyo melö mito, möminye nyo le ompö akonga nyo rörchini chitöngwa. Ompöwölo kïgh nyo kamwa ECHOTYON kwighöy lenyoni. Akï nyinte ECHOTYON nyo tuyot chane.

ISAYA 42:5

Kigh Tororöt yïmwöy akughïtö, kighïtö ngwïny akutö tïkwïn löwïr cho möngöy orinyi. Kitö pich kimïny cho möngöy wöloni mwochini ye nyu ECHOTYON Tororöt mötworintenyi lö,

ISAYA 44:24

Lentöy ECHOTYON, sörunintengu, nyo kighinyi ompö muyeto yongu, “Ochan ECHOTYON nyo kyagh tïkwïn löwïr. Ani onkït nyo kyoghïtö yïmwöy, aghan ngwïny onkït ompö owesyenyan kegh.

ISAYA 45:12

Kyaghan ngwïny aghan ptangengmöt tökïmang orinyi. Kyoghïtan yïmwöy ompö owesyenyan, apöytonan asis nko arawa nko kokel.

ISAYA 45:7

Oghan löpoyïn nko tuwïn, opchinan pich kisoyönöt nko nyarïl tïkwïl. Ani ECHOTYON nyo oghöy tïkuchoni löwïr.

ISAYA 48:12

Lentöy ECHOTYON, “Atere ngalechan pïchï pö Yakopo, akwa pipö Israel cho kyokurokwa! Ochan Tororöt, ochan nyo pö tagh nko nyo pö löt, Tororöt nyo le ante onkït!

ISAYA 48:13

Kigh ewunechan pchörino ngwïny, akughïtö wölnö le mïröt. Otini kokurön ngwïny nko yïm pkonöy chane panini.

ISAYA 51:6

Otopöne köny wölnö le yïm, aros ngwïny, weröy yïmö le kapuret, kuwer ngwïnya le sïra nyo kawïr, akuwonyot pikachi lömïs le kolyong. Wölo töpo sörunötö nyo opunan kokay, amöngötönye ghetunötö nyo opunan.

ISAYA 66:2

Ani kegh nyo kyagh wölnö le mïröt kïmïkul! Ochan ngarakate ompö pich cho ipöy kegh ngwïny akïkötoy lelutkökwa akuwöghanïn akïterwanïn ngalechu.

KINONO KIRURUT 4:19

Makany ketyamak asagha anta opöghisyechï tïkwïn cho osöchinekwa yïm cho lata asis nko arawa nko kokel nko tïkwïn cho mi yïm löwïr. Kichöghchï ECHOTYON Tororötïnkwa tïkuchoni pipö punton walaka atökïsagh.