ISAYA 40:22 - PIPÏLIA

²² Kigh nyinte nyini töpo ngacharunyi nyo mi wölnö le mïröt, poltoy parak. Karkegh pich cho möngöy ngwïny ompö nyinte nko kolyong. Kighïtö yïm le ananka le ema nyo kïmöngöy.

ISAYA 40:22 ပူးပေါင်းရင်းမြစ်များ

TOWUNÖT 1:6

Kïlö Tororöt, “Nya kungwïn wölo le mïröt nyo mi kwenu pögh, tökupesyö pögh kïtïpï woptin odeny.”

AYUPU 22:14

Kinanagh nyinte poltoy cho nïkisöch atömerosïta akïwestegho renkeröyi yïm.

AYUPU 26:7

Ighöy Tororöt okumpö löt kïrumï yïmö nyo karkarate akuwusö ngwïny wölo puryö kïgh nyo nömöy.

AYUPU 36:29

Ngo nyo nkït wölo korkortoy kegh poltoy nko tïlöt nyo ngwïno möngenyi?

AYUPU 37:18

Imukenyi körkore yïm le Tororöt aigh kwangerit akuryal le kiyo nya?

AYUPU 9:8

Nyinte kegh nyo kikarkar yïmwöy akïtyakata mirtino nanam.

TUMWÖY 104:2

ilokyinenyi kegh löpoyïn le sïra, aighïtenyi yïm le sïra nyo wow

TUMWÖY 18:11

Kuyenö kegh tuwïn, kuwit poltoy nyinte cho kinyïghï pögh.

TUMWÖY 19:4

akwanyï kïlïmo kutingwa ngwïny kïmïkul akelïmo ngale söremwok pö ngwïny. Kighchï Tororöt asis möngenyi mïröt.

TUMWÖY 2:4

Roröchini nyinte nyo töpo yïm chane. Nyerero Echotyon chane.

TUMWÖY 29:10

Pöytoy ECHOTYON nanam kïmïkul, pöytoy nyinte kokay.

TUMWÖY 68:33

nyinte nyo westegho wölnö le yïmwöy, wölini le yïmwöy könyisyok, nyinte nyini tïlöy kughum.

NGÖTÏNYÖ 8:27

Kyomitan otini kitor nyinte kwigh yïmwöy, otini kichwer machey kuwit nanam parak,

ISAYA 19:1

Anyï ngölyon nyo ngölono koro Misri. Itu ECHOTYON koro Misri, akungwïno poltoy cho ryöghöy lawel. Potonchegho körkeyïntinö tawunyi cho soghöy pipö Misri. Wonyegho nyu nyakanat pïchoni pö Misri.

ISAYA 37:16

“ECHOTYON Kimuktoghin, Tororöt pö Israel nyo impuruno ngacharungu nyo mi paraku kerupim,* nyi onkït nyo ichï Tororöt nyo ipöytoy pöyunötin löwïr cho pö ngwïny. Kighanyi ngwïny nko yïm.

ISAYA 40:15

Lenye kwïle puntoni ngwïny ompö ECHOTYON, karkegh nko pögh cho kötökï kïnyïl akonga. Kwïskwïse koroswo ngwïny, ompö nyinte karkegh nko terïtyon.

ISAYA 40:17

Kwïle puntoni ngwïny ompö nyinte.

ISAYA 42:4

Mömeghönye mu anta wonyeghö nyakanat ntökïtenö kutö man ngwïny. Köngöy koroswö cho lowöch kinetutkachi ompö kikönöt nyo wow.”

ISAYA 42:5

Kigh Tororöt yïmwöy akughïtö, kighïtö ngwïny akutö tïkwïn löwïr cho möngöy orinyi. Kitö pich kimïny cho möngöy wöloni mwochini ye nyu ECHOTYON Tororöt mötworintenyi lö,

ISAYA 44:24

Lentöy ECHOTYON, sörunintengu, nyo kighinyi ompö muyeto yongu, “Ochan ECHOTYON nyo kyagh tïkwïn löwïr. Ani onkït nyo kyoghïtö yïmwöy, aghan ngwïny onkït ompö owesyenyan kegh.

ISAYA 51:13

Kewutyeghenyi so ECHOTYON nyo kighinyi, akughïtö wölnö le mïröt akïtek pchörin cho tighöy ngwïny? Akwompö ne tetöpenönyi ompö nyökoryö ompö pich cho reyinyi nko cho mi kïpsach kïparinyi? Melö tökumuköy sïngiryengwa kïswonginyi ngat.

ISAYA 66:1

Mwoghöy ECHOTYON lö, “Ngacharunyan wölnö le yïm akï kelto ngacharunyan ngwïnya. Kï kö nyo nen nyu nyo omukekwa otekwanïn? Akï yonö ato oghwanïkwa atamangan?

YEREMIA 10:12

Nyinte ECHOTYON nyo kigh ngwïny ompö owesyenyi. Kipintit kor ompö ngöghomnyenyi akukarkar yïmwöy ompö chïreryenyi.

SAKARIA 12:1

Lentöy ECHOTYON nyo kikarkar yïmwöy akwigh ngwïny akutö söpon ptangengmöt,

KIYITUT 13:33

Akesöchicha korononi Nepilim, monïngo Anak cho pkono Nepilim, akikïlatecha peron ompö chane.”