ISAYA 40:18 - PIPÏLIA

¹⁸ Kikongityot Tororöt nko ngo? Anta okörkeyitekwa nyinte nko ngo?

ISAYA 40:18 ပူးပေါင်းရင်းမြစ်များ

AYUPU 40:9

Itïngönyi owesyö le Tororöt? Imukenyi porore ompö kut le Tororöt?

TUMWÖY 113:5

Ngo nyo lata ECHOTYON Tororötïnyo, nyo möngöy parak,

TUMWÖY 89:6

Ngo anka nyo kikongityot nko ECHOTYON ompö yïm? Ngo nyo lata ECHOTYON ompö löwïr cho mi yïm

TUMWÖY 89:7

nyo konyïtote ompö kokwo cho tïlilöch, wow akewöghöy kïtïl löwïr cho kiwit nyinte.

TUMWÖY 89:8

Möminye nyo awes le nyi, we ECHOTYON, Tororöt Kimuktoghin. Ichinyi ghanate nyoman.

WUWÖT 15:11

“ECHOTYON, ngo nyo lata nyi ompö kwenu tororötin? Ngo nyo lata nyi nyo ichï wow ompö tïlilyö? Ngo nyo kiwöghöy ompö ighisyeghut cho echön nko cho pö töngönchin le nyi?

WUWÖT 20:4

“Meghchï kegh körkeyïn pö kïgh anka tïkwïl nyo kipötöy nyo mi yïm anta ngwïny anta nyo mi pögh cho mi ngwïny ori.

WUWÖT 8:10

Kuyokyï Parao lö, “Soghwanïn asïyech.” Kïlö Musa, “Nya kïlenyoni kemwaghanyi, atenkïtunö lö möminye chi nyo karkegh nko ECHOTYON Tororötïncha.

WUWÖT 9:14

Melö tonyörilonan ye kichoput mötworiku nko piköku opïn, wölo onyörilinyi tïkwïl atenkïtunö lö möminye anka nyo karkegh nko ani ompö ngwïny.

ISAYA 40:25

Ngo nyo kimuköy kekongityö nko ani? Ekïmi akonga nyo karkegh nko ani? Mwoghöy Nyinte nyo Tïlil.

ISAYA 44:6

Mwoghöy ECHOTYON Kimuktoghin, nyo pöytoy akïghetöy Israel lö, “Ochan nyo pö tagh, achan nyo pö löt, Tororöt nyo le nyinte onkït, möminye anka kïpoto ani.

ISAYA 46:5

“Ayo, okongityonanïkwa nko ngo nya? Ekïmi chi anka nyo körökegh nko ani?

ISAYA 46:9

Anana kïgh nyo kigha otini le könyisyok, acham lö ochan Tororöt akï möminye anka nyo kikongityot nko ani.

YEREMIA 10:1

Akwa pipö Israel! Atere ngölyon nyo mwowekwa ECHOTYON! Lentöy,

YEREMIA 10:16

Wölo melö karkegh tïkuchoni nko Tororöt pö Yakopo, ompöwölo nyinte nyo kigh tïkwïn löwïr, akïkïl pipö Israel kïlïkwï chechi. Kïkuro kaynenyi ECHOTYON Kimuktoghin.

YEREMIA 10:6

Möminye anka nyo karkegh nko nyi we ECHOTYON, ichinyi Kimuktoghin, wow kaynatengu akïtïngetö owesyö nyo wow.

MIKA 7:18

Möminye Tororöt anka nyo lata nyi nyo löstoghchini pich ngokï akïpïstö lelut pö pikachi cho pö man amelö roröy nörekyö kokay ompöwölo ichömechanyi nyo möminye söröm.

IGHISYEWUT 17:29

“Nko kakïchicha monïngo Tororöt lenyoni o, kïmömïchinechanye kenone lö karkegh Tororöt ompö otöptanyi nko kïgh anka tïkwïl nyo kikigh ompö körkeyïn nyo kigho koltin, anta ropïyen, anta kogh nyo kikipat ompö chïreryo tïnganata chi.

KINONO KIRURUT 33:26

Kuwanta Musa lö, “Akwa pipö Israel, Möminye tororöt nyo karkegh nko Tororötïnkwa, nyo weru poltoy atökungarakekwa, ngwïno mïröt ompö ororyenyi.

KINONO KIRURUT 4:15

“Melö kyasïwekwa kïton nyonikïny asisanya kingölonwokwa ECHOTYON ompö ma ompö kutïng pö Sinay. Kïlenyona orip kegh nyoman,

KOLOSAY 1:15

Nyinte Kristo nyo le kïton pö Tororöt, Tororöt nyo melö kïsïwïyi. Kristo tïkwïl kï poretya tïkwïn löwïr cho kikigh.

EPRANIA 1:3

Nyinte nyo le kwörkwöryö nyo pö ororyo Tororöt akï nyinte nyo le körkeyïn pö Tororöt tighöy tïkwïn löwïr ngölyontenyi nyo pö owesyö kiwö nyinte kïtöpunö ewu tagh nyo pö wowïn pö Tororöt otini kiwany kutïlilöy pich ompö ngokikwa.

1 SAMWEL 2:2

“Möminye anka nyo tïlil le ECHOTYON, möminye nyo körökegh nko nyinte, awes Tororötïncha le ghat.