1 Mwoghöy Tororötïncha lö, “Asaghsagha asaghsagha piköchan!”
Arota keston apa am ichon aghegh dipay* cho onyïn atö mey. Kïlenyona molokyot tïlil asisï ompö echotyontenyo, ompöwölo owesyenkwa ngörekyo ECHOTYON.”
Kichengenyi chane nörekyengu kïmïkul aipörchinyi patagh nyölotyengu nyo ngwan.
Oteran kïgh nyo mwoghöy ECHOTYON Tororöt, ompöwölo ngölonchini pikachi ngala pöghisyö, cho tïghöy kerïpa ortïna sölwontön.
ato kïrirsot nko ato kïrorïsot, ato kïriröy nko ato kïnyolöy,
Itu asis ato otumekwa lö, “Osölinyi, we ECHOTYON ompöwölo kïrkegh kïnörekyaninyi, wölo kesaghsaghaninyi amelö tenörekyinaninyi ngat!
Omwochinö pipö man lö ongörekyenö, tenöy ngala ompö chane, ompöwölo ngörökyini chane akweko ighisyewutkökwa.
Ani ECHOTYON nyo kyanyagh omwochï Sayon.* Kyopchan Yerusalem lökoy cho karamach.
Ngo ompö akwa nyo konyïtöy ECHOTYON nya? Akï ngo nyo rïpöy ngaleko mötworintenyi? Kïrkegh kötuw lö ne or nyo orïpekwa wölo aghanakwa ECHOTYON, otighenö kegh Tororötïngwo.
Mwoghöy ECHOTYON lö, “Ani nyo osoghsoghinyi. Kwompö ne tewöghenyi chi nyo meghöy, nyo möngötunye nyo kogh kïsir suswon?
“Osyonchinan kanasyanta Sayon* nko pich löwïr cho möngöy kïratiskachi. Oghan kore nyo tïryal kïpïchighitu le para Eden, lïku kore wölo le surkwen para ECHOTYON. Kïnyoruno orinyi ngörekyö nko turönöt aketumo wöloni tumwöy cho sölanïn.
Ongörekyenö atum kïratischï pö Yerusalem! Söru ECHOTYON kanasyantenyi akïsaghsagh pikachi.
Ngeta, we Yerusalem ailïwï le asis, lïwchininyi ororyo ECHOTYON!
amwatïta lö kikwitïta ato pöropchini ECHOTYON pikachi, nko asis nyo tökisïyi Tororötïnyo, tökïnyorï saghsaghat pich löwïr cho riryot,
Wonyot nyu nörekyenyan ompö nyi, akuwonyö sastaghnatenyan ompö nyi, akalyanan amelö tonörekan.
Kuyokyï ECHOTYON ompö kut nyo karam akutö kikönöt.
Atolapay kïlenchanïn ECHOTYON Kimuktoghin, mwatïtena ngat lö, nyïghiti sïkönöt ngat kanastinechan. Oghan kanasyanta Sayon kïngarak ngat akïlchan kegh Yerusalem ngat.”
Akwa pipö Sayon,* ongörekyenö nyoman! Akwa pipö Yerusalem, oteghyenö ompö ngörekyö! Anyona pöytoghintenkwa ketï! Ketï ompö turönöt nko rïntagh! Talase nyinte akï wegho sïkïryö akï sïkïrye nyo le moda!
Soghsoghecha nyinte ompö nyörilwoköcho löwïr, atökemukacha tïkwïl kesaghsagha pikö walaka lenyoni ompö nyörilwokökwa ompö saghsaghatanoni kïnyorunocha Tororöt.
Asaghsaghena nyu kegh akwane ngalechï.
