ISAYA 4:3 - PIPÏLIA

³ Kiyitöy nyu chi anka tïkwïl nyo kingötï ompö Sayon* akudong Yerusalem lö tïlil.

ISAYA 4:3 ပူးပေါင်းရင်းမြစ်များ

TUMWÖY 69:28

Ingongoghta kaynötutkökwa ompö kitapu pich cho söpsot amekany kekir chane nko pipö man.

TUMWÖY 87:6

Kiröy ECHOTYON kaynötut pö punton lö “Kikïyichï chï wöloni.”

ISAYA 1:27

Söru ECHOTYON Sayon* nko chi anka tïkwïl nyo kötoy ngokichi, ompöwölo pö man nyinte.

ISAYA 28:5

Itu asis ato kikongityot ECHOTYON Kimuktoghin nko akope nyo pö ororyö nyo pö tapïkoy cho pö pikachi cho le ngötunön.

ISAYA 35:8

Akïrumuno atoni or nyo wow, or nyo kïkuro, “Ara Tïlilyö.” Mewerönye chi nyo le sïmnyon aranoni, amepotyeghocha sölwöy aranoni.

ISAYA 46:3

“Alïme ngalechan akwa pipö ara Yakopo akwa löwïr cho le ngötunön pö piköchan. Kyoripokwa kïngeta otini kikïyiyokwa.

ISAYA 52:1

Ngeta! Ngeta! Awesituna we Sayon!* Laka sïroköku cho pïchighöch, we Yerusalem kanasyan nyo tïlil! Ompöwölo melö tökïlïtu ortïneku ngat chi nyo le somchon nko nyo le sïmnyon.

ISAYA 6:13

Kïrkegh köngötï chi akonga ompö pich taman ompö korononi, kïmöngötunye tïkwïl, le mïsïkyo ket pö oron anta lilwö nyo kökïtör wölo tökïmi tökïsöpöy mïsïkyenyi.” (Kimustoy mïsïk kösïghyon nyo pö kitoröt nyo rel nyo pö pipö Tororöt.)

ISAYA 60:21

Ighöy piköku nyu tïkwïn cho tenote, mïlöy nyu chane kore kokay. Kyaghan chane akatkatan aghan kïrumtö ororyenyan ompö pich löwïr.

ISAYA 62:12

Kïkurenokwa, “Pipö Tororöt cho tïlilöch,” akekuronokwa, “Pich cho kösörï ECHOTYON.” Kïkuro Yerusalem, “Kanasyan nyo kacham Tororöt,” akekuro, “Kanasyan nyo melö kipïstö Tororöt.”

ESEKEL 13:9

Omungan nyu werkoy chï mwoghöy putintön akïngoröy ngala putintön. Melö tomitenökwa atotuyot piköchan kururöy kegh amökïminye kaynötutkökwa nko cho pö pipö Israel, amomïlisyonekwanye koronï. Ato onkïtukwa lö ochan Echotyon TORORÖT.

ESEKEL 43:12

Anyï kirurut nyo pö Kö pö Tororöt: mïchini kïtïlilit tya kiroryenyi kuwit ompö kutïng parak. Lenye nyu nyoni kirurut nyo pö Kö pö Tororöt.”

YOEL 3:17

“Onkïtunekwa nyu lö ochan ECHOTYON Tororötïnkwa nyo omöngöy Sayon kutïngtönyan nyo tïlil. Akïtïlilitu Yerusalem amökïtïkönye pïnotyontö orinyi ngat.

OPADIA 1:17

“Wölo nyu mi cho ngötu kutïng pö Sayon,* mönyorunye chane sito ECHOTYON ato rwokyini pipö koros. Kïkonyïtöy kutïngoni lö kutïng nyo tïlil pöyitu nyu atoni kore ngat pipö ara Yakopo le tagh.

SAKARIA 14:2

Ghomïtu ECHOTYON pipö koros löwïr kïpka kïporyeghö kanasyanta Yerusalem. Kïchengo tïku akelölos koru akerang lö tïch kïpa pïnotön kudong chinö walaka kanasyan.

MALAKI 3:16

Atolapay kïngölonchinö pich cho kiwöghöy ECHOTYON. Kïter nyinte akïlïm ngalanengwa atolapay, ompö tawunyi, kekirchï kitapu kinanat kaynötut pö pïchoni kiwoghöy ECHOTYON akïkonyïtöy kaynenyi.

LUKA 10:20

Wölo mongörekyö, pat lö köterwech oy, wölo ongörökyenö ompöwölo kikekir kaynötutkökwa ompö yïm.”

IGHISYEWUT 13:48

Nyini kilïm pipö punton lenyoni, kïngörekyö akïsal ngölyonto Echotyon, kughan pich ompö atoni cho kökikïlchï Tororöt söpon pö kokay.

RUMI 11:4

Kiyokyï Tororöt nyinte lö ne? Kïlenchï, “Kotukyan kegh pich cho le 7,000 cho tomöcha kïsagh Paal,* tororöt pö putintön.”

RUMI 11:5

Lenye nyoni ompö nyete le ye tïkwïl, mi ngötunön cho kikekïl ompö pöropcho Tororöt.

EPESO 1:4

Kïle Kristo wölo kikïltecha Tororöt ompö Kristo kelïkuna chechi otini kitomönye ketor kegh ngwïny, atöketïlilöchitunö akelïkwï pich cho puryö lelut ompö tawunyi, akwompö chomnyenyi.

PILIPI 4:3

Osominyi tïkwïl, kongenyu nyo ichï ghanate, lö ngaraka koruchoni, ompöwölo kinoghyö chane nko ani ompö amtaghata Lökoy cho Karamach nko Klemen nko pich lapay cho kikinoghyecha tïkwïl, pich cho kirote kaynötutkökwa kitapu söpon.

KOLOSAY 3:12

Ochikwa ye pipö Tororöt, kichamakwa nyinte akïkïlakwa alïkuna pikachi kegh. Kïlenyona, olokyinö kegh tïkuchï: kisyonöt, köromnyö, ipöto kegh ngwïny, tölosyö nko mïkukönöt.

EPRANIA 12:14

Okilö kegh, otïpinö ompö kalya nko pich löwïr otïpinö otöp nyo pö tïlilyö nyo ato mötïngnye chi kïmösïwïyinye Echotyon.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

NGONGUT 13:8

Soghöy pich cho mi ngwïny tyonyoni, kïpoto chona kikekirchï kaynötutkökwa kitapu söpon kïngeta towunöto ngwïny, nyoni kï kitapu Wawa Kech nyo kikïpar.

NGONGUT 17:8

Ki söpote osiswe walaka tyonyoni kesïwenyi, wölo melö tökïsöpote ye. Karich ye kïngetunö nyinte ngwen atökenyar. Töngönyöy pich cho möngöy ngwïny cho tomöcha kekirchï kaynötutkökwa kitapu söpon kïngeta otini le towunöto ngwïny töngönyöy chane ato sïwa tyonyoni ki söpöy osiswe walaka akïma, akwanyï ye söpöy ngat!

NGONGUT 20:15

Kikïwirchï nanamoni pö ma chi anka tïkwïl nyo kimelö kikïsöchï kaynenyi kukirate ompö kitapu söpon.

NGONGUT 21:27

Wölo möminye kïgh nyo le sïmnyon nyo lïtöy kanasyantanoni anta chi anka tïkwïl nyo ighöy tïkwïn cho pö arasï anta nyo mwoghöy putintön. Pich opïn cho lïtöy kanasyantanoni kï cho kikekirchï kaynötutkökwa kitapu Wawa Kech nyo pö söpon.

NGONGUT 3:5

Kilokyini pich sïro cho relach asïyech cho rïntoy amelö ongongoghtenan kaynötutkökwa ompö kitapu pich cho sötote. Omwotïtonan ompö tawu Paponyan nko ompö malaykenichi lö piköchan chane.