ISAYA 4:2 - PIPÏLIA

² Itu asis ato ighöy ECHOTYON kösïghyon anka tïkwïl nko ket anka tïkwïl nyo mi ngwïny kusïl akïpit kïyetï akïpïchighit. Ngörökyini pipö Israel cho le ngötunön akwa cho pitu cho pkono korononi.

ISAYA 4:2 ပူးပေါင်းရင်းမြစ်များ

TUMWÖY 67:6

Kikïkonï ngwïnya yiyötenyi, kesoyönecha Tororöt, Tororötïnyo.

TUMWÖY 72:16

Nya kïpituna pagh kor cho chang akulum kutïngkot. Nya kïkarkegh ilötenyi nko nyo pö Lepanon. Nya kïchangit pich ompö kanastin le sus cho mi wuw.

WUWÖT 28:2

Inöpchinenyi werïnkwa Aron sïro cho tïlilöch cho pö konyït nko pïchighyö.

ISAYA 11:4

wölo rwokyini mey ompö man akïtiwu pich cho memuktocha kegh. Mungöy ngölyontenyi pipö ngwïny otini kangalan, akïpar mwokïyis ngalanatenyi.

ISAYA 26:1

Itu asis akonga ato tumo pich tum koro Yuda lö, Awes kanasyantencha! Tororöt nyinte nyo körtoy nïyetwechi!

ISAYA 27:6

Owesöchitu pipö Israel ompö osis cho pkonöy, tortoy nyighin asïyech pipö ara Yakopo, akïtapïkan, kïkarkegh nko ket nyo pitöy. Ghömu ngwïny kïmïkul akwa cho yinu chane.

ISAYA 30:23

Yokwokwa ECHOTYON asisoni rop kïnomnyö otini kaletekwa kösïghekwo, atökïpityö akïkonokwa ilö nyo wow nko sus cho omöy kyakikwa cho pitöy kïnapasa ompö paren cho pöroyöch,

ISAYA 45:8

Nyi we yïm, ropönunö! Nya kïkonï poltoy ropa ighata man, nya kïyata ngwïnya atökïpita atoni sörunötö, akany kïpita tïkwïl ighata man. Ani ECHOTYON nyo oghöy choni.”

ISAYA 53:2

Ompöwölo kiyetï le ket nyo kapit, le ket nyo tortoy ighinkachi kïpa ngwïny ompö kor nyo tïyame. Kimötïngnye ororyö nyo kitökïsorecha, akimötïngnye pïchighyö nyo kimïlecha.

ISAYA 60:15

“Melö tökewirtoninyi ngat anta ghöchin pich. Kanasyan nyo kikesurö akegh kïlïkwï kïratyan. Oghinyi yetune aipïchighitï, kanasyanta ngörekyö kokay nko kokay.

ISAYA 60:21

Ighöy piköku nyu tïkwïn cho tenote, mïlöy nyu chane kore kokay. Kyaghan chane akatkatan aghan kïrumtö ororyenyan ompö pich löwïr.

ISAYA 61:11

Ompöwölo kïle otini ghyögho kösïgh ngwïny akïpit, kïsöru Echotyon TORORÖT pikachi, sölöy nyu pipö koros löwïr nyinte.

YEREMIA 23:5

“Arosa! Pkonöy osiswö cho okötkötan sakana ara Daudi aghan kïlïkwï pöytoghin nyo pöytoy ompö man nko ngöghomnyö ompö kor.

YEREMIA 33:15

Ompö osiswechoni okïlan chi nyo le chumwak nyo ngwïno ara pöytoghin Daudi kïpayta kor. Ighöy nyinte man nko tïkwïn cho karamach ompö kore kïmïkul.

YEREMIA 44:14

Kïlenyona möngötunye ompö akong ompö ngötunön pö Yuda cho kapa kimang koro Misri, amöchïwïtönye, amösöpönye, amökïmïlonye Yuda kokay kïrkegh kïpïrchï lö opï kamïla ngat. Puryö cho mïlisyot nyo karam kïpoto cho ngörï cho pertoy akïryöghchï kegh.”

YEREMIA 44:28

Wölo pich cho ngörï cho chïwïtyegho Misri akïmïlisyö kïpa koro Yuda. Atoni nyu ato nkïtu ngötunön choni pö Yuda lö ngölyonto ngo nyo nïkis, nyinyan anta nyingwa!

ESEKEL 34:29

Otöninan chane kor nyo rïröy tïkwïn löwïr nyo melö tökukoryot kokay ompö korengwa anta roröchï puntoni.

ESEKEL 36:8

“Wölo ilentenyi we kutïngkoti Israel, oyinöy akwa cho pö piköchan Israel cho lekït kuyokwï kegh kor.

ESEKEL 7:16

“Ryöghchini pich cho köchïwïtyö kutïngkot le cheptuken cho kakyotyeghö ompö mpöghoghöy, akïsönön anka tïkwïl ompö ngokichi.

YOEL 2:32

Wölo chïwïtöy chi anka tïkwïl nyo kuröy kaynata ECHOTYON, ompöwölo lentöy ECHOTYON, ‘Mi ngötunön cho kïsöru ompö kuntïng pö Sayon nko Yerusalem cho okuran ante.’ ”

YOEL 3:18

“Akwompö asisoni yinuno kutïnkot dipay cho kirïr, kuyinuna ronkotïn chö, akuyintoy lalwatïna Yuda lapay, akïghyögho kompa pögh Kö pö ECHOTYON Tororöt.

OPADIA 1:17

“Wölo nyu mi cho ngötu kutïng pö Sayon,* mönyorunye chane sito ECHOTYON ato rwokyini pipö koros. Kïkonyïtöy kutïngoni lö kutïng nyo tïlil pöyitu nyu atoni kore ngat pipö ara Yakopo le tagh.

SAKARIA 3:8

Tera nyu we Yoswö, Tïsin nyo Wow nko akwa tïsi walaka cho opöghisïyi tïkwïl! Ochikwa kiporunöto köromnyö nyo pö osis cho tökïpkonöy. Opkokwa mötworintenyan nyo kïkuro Morïn!

SAKARIA 6:12

Atomuchö, imwochï lö lentöy ECHOTYON Kimuktoghin, arosa, pitunoy chi akong atoni mi nyo kïkuro Morïn!

SAKARIA 9:17

Pïchighöchitu akïkaramachitu chane nyoman! Nörsot chumwak ompöwölo chang pagh nko dipay.*

MALAKI 3:17

Mwoghöy nyu ECHOTYON Kimuktoghin lö, “Lïku chane piköchan. Lïku pich cho kokïlchan kegh ompö asisoni kamwaghan lö owetöy oghöy kïgh. Osyonchinan chane le wölo syonchini papo werïnyi nyo pöghisyechini nyinte.

MATAYO 24:22

Wölo ntökimelö kikingörïngit osiswechoni, kitömöminye chi nyo kïsöru nyonikïny. Wölo kingörïngitöy osiswechoni ompö kïlanpa Tororöt.

LUKA 21:36

Wölo, otöpï kïpsach kïnomnyö asagh tochïwïtyeghenö tïkuchoni pkonöy löwïr, amuch oghyongö tawu Wero Chi.”

YOANA 1:14

Kiwaghaka Ngölyontononi kïlïkwï ptangengmöt akïmang kwenuncha, chi nyo nyïghitate pöropchö nko man. Kesïwecha ororyenyi, ororyö nyo kitö Kwanta Werïnyi nyo le akonga onkït.

2 KORINTO 4:6

Ompöwölo Tororötini nyo kimwa lö, “Nya kulïwunö löpoyïn tuwïn,” nyoni lïwchini mïkulöwecha tökïkonecha löpoyïn pö kinkïtöt nyo pö töroryo Tororöt nyo lïwuno tokochu Kristo.

2 PETRO 1:16

Melö kikïrïpacha kikorön cho kitam pich atanye kikïmitecha kemwowokwa paraku owesyö nko kingwïnata Echotyontenyo Yeso Kristo. Kikïsïweghecha achane konyicho ororyenyi.