ISAYA 37:32 - PIPÏLIA

³² Ompöwölo ngötuno pich Yerusalem akïngötunö kutïng pö Sayon, ompöwölo ECHOTYON Kimuktoghin nyo kamach kwigha lenyoni.

ISAYA 37:32 ပူးပေါင်းရင်းမြစ်များ

2 PÖYTOGHÏ 19:31

Ompöwölo ngötuno pich Yerusalem nko kutïng pö Sayon,* ompöwölo ECHOTYON nyo tötöy lenyoni.

ISAYA 10:20

Itu osiswö ato melö tökukönöy pipö Israel cho ngötu pipö puntoni walaka cho kimököy kuwuröy chane kuwonyö. Könöy chane lasiny ECHOTYON Tororöt pö Israel nyo Tïlil.

ISAYA 26:11

Menkïtcha punköku lö imungenyi chane. Tönö chane arasï, we ECHOTYON aikany kuwongwï chane. Pïsyinö chane kuwongunö nyarïl nyo kitötyinyi chane aiporchï wölo ichömtonyi piköku.

ISAYA 37:20

Kïlenyona, ye nyu, we ECHOTYON, Tororötïnyo, sörwecha kechïwïtyeghenö ewuno pipö Asirya atökunkïtï pipö punton tïkwïl lö nyi onkït nyo ichï Tororöt.”

ISAYA 37:4

Muko lö kikïlïm ECHOTYON Tororötïngu ngala Rapsyake nyo köyonï pöytoghintö Asirya kungwïn kumwagh Tororöt nyo satate. Malïm sonye ECHOTYON Tororöt akïmuny pïchoni löwïr ompö kimwosyengwa nyo kalïm nyinte. Kïlenyona soghchinö pich cho köngötï.’ ”

ISAYA 4:2

Itu asis ato ighöy ECHOTYON kösïghyon anka tïkwïl nko ket anka tïkwïl nyo mi ngwïny kusïl akïpit kïyetï akïpïchighit. Ngörökyini pipö Israel cho le ngötunön akwa cho pitu cho pkono korononi.

ISAYA 42:13

Setöy ECHOTYON lïk le nyakan omöy sirmoy le chi, le atay chïlöy kegh pich. Kutöy nyinte kontï nyo kurchini pich poryot. Ighchini pungkachi ngal cho echön.

ISAYA 59:17

Loköy nyinte man le ato kiloköy karïn nyo körtoy takat nko rïntagh le kopiyo. Lokyini kegh machat nyo awes atökwigh tïkwïn kuten akuchop kong kutak tïkwïn cho kewongunö pich.

ISAYA 63:15

Topönö ngwïny ompö yïm, we ECHOTYON, aitopön ompö wölini le möngengu ompö tïlilyengu nko töroryengu. Köwö onö sïngatengu nyo wow ompö acha? Köwö onö owesyengu? Köwö onö chomnyengu nko kisyonötengu? Inanecha.

ISAYA 9:6

Kakïyiywecha monïng! Kakïkonecha worö! Akïlïku nyinte pöytoghintencha. Kïkuro kaynatenyi, “Kirurin nyo pö Töngönchin,” “Tororöt nyo Awes,” “Papo nyo pö Kokay,” “Pöytoghinto Kalya.”

ISAYA 9:7

Letöy tagh kïghetu owesyo paytaghtanyi, mi kalya paytaghtanyi osis löwïr. Pöytoy nyinte kïtöpö otini kimi Daudi, chïchïmo owesyenyi kitenat nko man, kïngeta nyete le ye nko kokay. Ighöy nyakanata ECHOTYON Kimuktoghin choni lapay.

YOEL 2:18

Kunan ECHOTYON korenyi akusyonchï pikachi.

SAKARIA 1:14

Atolapay kïlenchanïn malaykayan, “Mwatïtena ompö kut nyo wow lö lentöy ECHOTYON Kimuktoghin, ochan söstoghin nyoman ompö Yerusalem nko Sayon.*