ISAYA 33:6 - PIPÏLIA

⁶ akutö pich chïchïmat. Ghetöy pikachi osis löwïr akutö chane ngöghomnyö nko chïreryö. Kuwagh chane ECHOTYON kï kaplawachtangwa nyo wow.

ISAYA 33:6 ပူးပေါင်းရင်းမြစ်များ

2 PÖYTOGHÏ 18:7

Kïlenyona kimi ECHOTYON nko nyinte akusoyön nyinte ompö kïgh anka tïkwïl nyo kigh. Kipeny nyinte ngala pöytoghinto Asirya akïtagh kïpöghisyechï.

AYUPU 4:6

Kïchï melö so imontonenyi kegh kiwaghata Tororöt, anta melö so itïngetenyi kikönöt ompö tïlilyo otöptöngu?

TUMWÖY 140:7

Nyi we ECHOTYON Kimuktoghin, ichinyi sörunintenyan, kighetaninyi ompö osiswo poryot.

TUMWÖY 28:8

ECHOTYON kï owesyeto pikachi, ghetöy akïsöru pöytoghin nyo le kïlanenyi.

TUMWÖY 45:4

Leta tagh ompö wowïntöngu aterïntena atenoghyechinö kirwoko kisyonchin nko man ipu owesyengu rïntaghtin cho echön.

NGÖTÏNYÖ 14:24

Sïkönöto pich cho ngöghomöch kï ororyengwa, wölo syongöy nyu sölwöy sölwontönengwa kïpoto.

NGÖTÏNYÖ 14:26

Tïngeto chi kikönöt nyo wöghöy ECHOTYON akïnyoru monechi wölo karam wölo ghyöghchini.

NGÖTÏNYÖ 14:27

Kiwaghata ECHOTYON kï kompa pögho söpon, akwighöy chi kïghöpönö ngöghöpu meghat.

NGÖTÏNYÖ 15:16

Kaykay kïtïng chi tïkwïn cho ngörï akuwöghöy ECHOTYON kïtïl mökosyö nyo wow nyo mi awernan.

NGÖTÏNYÖ 19:23

Ipu kiwaghata ECHOTYON söpon, akï nyinte nyo tïng kïpöghisïyi nyo karam, akï melö itini nyinte kïgh nyo gha.

NGÖTÏNYÖ 2:5

Inkïtunyi nyu lö kewagh ECHOTYON kï ne, ainyorï chïreryo Tororöt.

NGÖTÏNYÖ 28:2

Ato wïr korö, kïwöghökonöy kegh pöytoghï kïchangit, wölo chïchïmöy koro akulet tagh, ompö kintöghoghï cho tïng pköchin nko chïreryö.

NGÖTÏNYÖ 29:4

Chïchimöy pöytoghintö kor ato pöghisyeghö kitenat, wölo wuröy korononi nyinte nyo mököy tïkwïn cho kiyenuno egh.

OMTOGHIN 7:12

Ompöwölo körtewon ngöghomnyö le ato körtewon ropïyen, akï tösunöto chïreryö kï nyï, komönöy ngöghomnyö chi nyo tïng ngöghomnyö.

OMTOGHIN 7:19

Töni ngöghomnyö owesyö chi nyo ngöghom kïtïl pöytoghï taman cho mi kanasyan.

ISAYA 11:9

Möminye kïgh nyo omöy kïgh ompö kutïngtönyan nyo tïlil, ompöwölo ghömu ngwïny kïmïkul ngöghomnyo ECHOTYON, le pögh cho ghömu nanam.

ISAYA 26:1

Itu asis akonga ato tumo pich tum koro Yuda lö, Awes kanasyantencha! Tororöt nyinte nyo körtoy nïyetwechi!

ISAYA 32:17

Kïnyorunö korononi kalya nko payasat kokay, ompöwölo ighöy chi anka tïkwïl kïgh nyo pö man.

ISAYA 32:18

Chïwutyegho pipö Tororöt kisusut akïtïpï kestonikwa ompö kalya nyo puryö otyogh.

ISAYA 33:20

Atopöne Sayon köny, kanasyantanï kyomocha ichontin cho tïlilöch. Otopöne Yerusalem, kanasyan nyo tïghume, nyo kïnyorunocha kalya. Nyo kikongityot nko ema nyo melö tökenotegho nyo melö tökengwïsöy wudöwechi ngat amelö tökïngötyot pörköyichi kokay.

ISAYA 45:17

Wölo söru ECHOTYON pipö Israel ompö sörunöt nyo pö kokay. Mololïyönekwanye anta omïghyö kokay.’ ”

ISAYA 51:14

Kityoköy atolekït pich cho rötote, tïpisot chane könyis cho chang amelö rörchini chane omisyö.

ISAYA 51:6

Otopöne köny wölnö le yïm, aros ngwïny, weröy yïmö le kapuret, kuwer ngwïnya le sïra nyo kawïr, akuwonyot pikachi lömïs le kolyong. Wölo töpo sörunötö nyo opunan kokay, amöngötönye ghetunötö nyo opunan.

YEREMIA 31:34

Mökïminye machata osiswechoni kenet chi lö, ‘Mïchininyi nkïtunö ECHOTYON,’ ompöwölo nkïtwanïn pich cho echön nko cho mïnkech. Mwoghöy ECHOTYON. Olöstoghchinan chane ngokikwa amononanye ngat.”

APAKUK 2:14

akï kwïle wölo lumöy pögh cho möngörï nanam kïlenyoni tïkwïl wölo sïchtoy pipö ngwïny kinkïtöto ororyo ECHOTYON.

MATAYO 6:33

Wölo ayara kïny Pöyunöto Tororöt nko mantanyi tökïtöswokwa nyinte tïkuchoni löwïr.

2 KORINTO 6:10

Kïrkegh kelatenacha pich cho wongu wölo kïngöreksocha kïtenö osis. Kïlatecha mey cho tïryolöch, wölo kimökosecha pich cho chang, kïlatecha pich cho kïmitö kïtuw akwanyï kïtïngetecha kïgh anka tïkwïl.

1 TIMOTEO 4:8

Tïngeto kikilöto por kinyiwutyenyi, wölo tïng kikilöto mïkulögh kinyiwut nyo wow tya ompö or anka tïkwïl, ompöwölo tïng kiyomisöto söpon nyo pö ye nko söpon nyo tökungwïnöy.

1 TIMOTEO 6:6

Akï man kemwa lö mökositu chi nyoman nyo konyïtöy Tororöt wölo ato net kegh kïmïchï nyinte tïkwïn cho tïng.