ISAYA 32:19 - PIPÏLIA

¹⁹ (Wölo ropönchini takarïs wölo le wudïn atökengany kanasyante lö tawanka.)

ISAYA 32:19 ပူးပေါင်းရင်းမြစ်များ

ISAYA 10:18

Pelöy wudïn cho okwoghöch nko paren cho kïngoröy kïwïryö lömïs, kïkarkegh nko chepköröngwö nyo wuröy chi.

ISAYA 10:19

Ngörïngitu ketï nyoman cho ngötu, nyo muköy ompö monïng ntökuyit.

ISAYA 10:33

Osïwïyekwa lö rekuno Echotyon, ECHOTYON Kimuktoghin chane ompö wölo mi le mori ket cho kakïtör kïchïnu ompö kiteghat nyo pö otyogh akïmïrisyö. Kïtöröy cho kwolöy kegh tya nko cho koghöch tya ompö chane akerulchï ngwïny.

ISAYA 24:10

Kikwangkwang kegh kïgh anka tïkwïl ompö kanasyan, kïpechï pich kïkörchï kegh korikwa tömömi chi nyo lïtu.

ISAYA 24:12

Kitïryalit kanasyante, kikeriy kukotichi kunyorisyö.

ISAYA 25:2

Ompöwölo kewaghakanyi kanastin kïlïkwï kïratis aingany nïyetwekwa cho kigheto kegh. Keghanyi korïn cho kitek pungköcha kïpa löpoy.

ISAYA 25:4

Köryöwï meyï nko pönon wölo imitenyi akïchïwïtyö chane ompö osiswo kömpölelut. Ikörteghonyi chane chepkiriri aitö rurwö nyo wuro ompö kilayat nyo ngwan, ompöwölo ngwan poryo pkatis le pïchpïch nyo ngongöy korïn,

ISAYA 26:5

Kemïnïngit nyinte pich cho kwolöy kegh, akïngany kanasyantengwa nyo oror akupurpur kïlïkwï terïtyon

ISAYA 27:10

Ompöwölo lïku, kïratyan kanasyantanay awes kikïtek atökeripsyeghö. Kiwaghaka atoni kïlïkwï acheyu kyak nyo munyo akwaketegha.

ISAYA 28:17

Oghan kirwok kïlïkwï kïgh nyo kipimo tighöyonto kö, kïlïku man pörköyö nyo kighïtegho nayat.” Puchtoy takarïs lïsut löwïr cho kotighokwa kegh, akuwur puseryontö nyo lumöy kor kïmïkul wölo kowïngokwa kegh.

ISAYA 28:2

Akwanyï tïng ECHOTYON chitö anka nyo le nyakan akwawes, nyo mito kïpsach kïporyeghö chane, chi nyo ngwïnöy le takarïstin, nyo lata rop nyo ipu chepkiriri, nyo lata puseryon nyo awes nyo kighömï kor kïmïkul.

ISAYA 29:4

Kikongityot Yerusalem nko mïkulögh nyo churyot akïmi kïngölonuno oripö ngwïny, kut nyo chumuno terïtyon.

ISAYA 30:30

Ighöy ECHOTYON chi anka tïkwïl kïlïmöy kutinyi nyo pö töroryö atökuporchï chane wölo nïkis kïlïkwï nörekyenyi. Kïsïwïyi atoni lyopötin nko kiryal nko takarïstin nko rop nyo ipu chepkiriritin.

ISAYA 37:24

Kesasanyi Echotyon kuwerï mötworiku aimenönyi lö, Ompö nkarinechan cho chang, karïntan Lepanon, ntowongwï kutïngkot löwïr cho koghöch. Kotörön keti tarakitkachi cho koghöch akïlchan kegh keti saypras cho pïchighöch. Kolïtön ompö wudö wölnö kidïrö.

NAUM 1:1

Anyï ngölyonto ECHOTYON nyo ngölono kanasyanta Ninawi le wölo kimwochï Naum nyo ngwïno Elkos ompö ara sïwïyagh.

NAUM 1:8

Wongöy ECHOTYON pungkachi le puseryon nyo mamïnïng, tyortoy chane kïpa kïmeghö lömïs.

SAKARIA 11:2

Akwa saypras, olokyenö asönön! Ompöwölo kikerul keti tarakit! Kikenyar ketichay pö tösunöt nyo wow! Akwa keti apeta cho omi koro Pasyan, oriryenö! Ompöwölo kiketör ket kuwonyö ompö wuw nyo kidïrö.

MATAYO 7:25

Nyo otini kiropan akungwïn puseryonta nyo wow akïkut chepkiriri, melö kirul ompöwölo kikïtek paraku ghat.

NGONGUT 18:21

Atolapay kïcheng malaykayan nyo awes kogh nyo wow akïwirchï nanam, akïlö, “Nka nyete wölo kirultoy kanasyantanï wow pö Papilon, amelö tökesïwïyi nyinte ngat.

NGONGUT 8:7

Kikut malaykayante nyo tagh kontinyi. Kïropönchï ngwïny takarïstina ma cho kituyö nko kisön. Kïnagh kareranpa ngwïny nyo le akonga ompö sömök, kïnöghö kareranpa ket nyo pö sömök nko sus löwïr cho nyörilöch.