ISAYA 32:18 - PIPÏLIA

¹⁸ Chïwutyegho pipö Tororöt kisusut akïtïpï kestonikwa ompö kalya nyo puryö otyogh.

ISAYA 32:18 ပူးပေါင်းရင်းမြစ်များ

TUMWÖY 107:7

Kuntöghoghchï chane kïpa or nyo tenate, ntökïtenö kwitïta kanasyan nyo möngöy.

WUWÖT 9:26

Kïpoto koro Kosyen, wölo kimi pipö Israel nyo kimömicha takarïs.

NGÖTÏNYÖ 24:15

Mesyepisyö le mwokïyon ato syepöy möngo chi pö man, amewasta katanyi,

ISAYA 11:10

Itu asis ato ngetuno pöytoghintö nyo rel ara Yese nyo ghyongöy kïlïku kiporunöt ompö pipö punton. Pkonöy pich kïtuyegho kanasyantenyi nyo töror akutö nyinte konyït.

ISAYA 14:3

Otini ketö ECHOTYON pipö Israel kimïny ompö kichopata kong nko nyarïltangwa nko sekeynönenkwa,

ISAYA 2:4

Linyot koros cho ororöch, akïsat pich cho chang. Tongöy chokonikwa kïlïkwï mökompöy, akutang ngötwekwa kïlïkwï rotwoy cho kïköso pagh. Amelö tökïpöröy kegh ngat koroswö, amelö tökïsetöy ngat kokay.

ISAYA 26:12

Ikonechanyi kalya, we ECHOTYON, ompöwölo löwïr cho kakighacha, kï nyi nyo kengarakecha.

ISAYA 26:3

Nyi, ECHOTYON nyo itöni kalya nyo tenate pich cho tïng machat nyo chïchïmate akïmi chane kughöninyi.

ISAYA 28:12

Kikonokwa nyinte kimungöt nko payasat, wölo ataghakwa alïma ngalechi.

ISAYA 30:15

Ompöwölo mwoghöy Echotyon TORORÖT Kimuktoghin, Tororöt pö Israel nyo Tïlil nyo pö Israel pich lö, “Kïsörwokwa ato omïlonchekwa, aghananïn. Osïkekwa nyu owesyö atïpï ato tïghume.” Wölo ataghakwa agha lenyoni!

ISAYA 33:6

akutö pich chïchïmat. Ghetöy pikachi osis löwïr akutö chane ngöghomnyö nko chïreryö. Kuwagh chane ECHOTYON kï kaplawachtangwa nyo wow.

ISAYA 65:21

Teköy chane korïn akïmang, kötkötöy keti sapipun akwa akwekwa.

ISAYA 65:9

Okönyan kïcheng monïngo Yakopo nko Yuda korenyan pö kutïnkot. Mïlöy piköchan cho pöghisyewanïn akïmang wölini.

YEREMIA 33:16

Kïsöru pipö Yuda nko Yerusalem kïtïpï ompö kalya akïsïköy kanasyantanoni kaynat nyo kïlentöy, ‘ECHOTYON nyo le sörunintencha.’

ESEKEL 34:28

Melö tökïlïku chane panya punton, anta am tïpö wuw chane. Möngisïyi ompö kalya, amöminye chi nyo tökwotyegho chane.

SAKARIA 2:5

Ompöwölo lentöy ECHOTYON, ‘Olïkunan ante nayatu ma nyo witöy Yerusalem. Otöponan orinyi alïkwï ororyenyi.’ ”

SAKARIA 2:8

Kiyoktanïn ECHOTYON Kimuktoghin ompö ororyenyi owö omwochï koros cho kirang pikachi kipa pïnotön lö, “Kor anka tïkwïl nyo swongöy piköchan kïlenye ato körïtanïn kong nyini tuw.

SAKARIA 3:10

Kuröy chi anka tïkwïl asisoni pöröryenyi kïngörokyï kalya nko payasat ompö rurwo keti sapipun nko mitini ompö parenyi.” Mwoghöy ECHOTYON Kimuktoghin.

EPRANIA 4:9

Ay, kedong ye nyu, kimïny nyo pipö Tororöt le wölini kimungtö nyinte asispa mut nko odeny.

1 YOANA 4:16

Kinkïtöcha akeghönecha chomnyogh nyo tïng Tororöt ompö acha. Tororöt kï chomnyogh, akwanka tïkwïl nyo möngisïyi ompö chomnyogh kïmi orito Tororöt, akïmi Tororöt orinyi.